JOSHUA 11:16 - Khasi CL Bible (BSI)

¹⁶ U Joshua u la kurup ïa ka ri baroh — ka ri lum bad ki kjat lum, ïa kaba shatei bad shathie, ka jaka jong ka Goshen baroh, bad ki ri ryngkhiang ha ka phang shathie jong ka, kumjuh ruh ïa ka Them Jordan.

KA BAIBL

¹⁶ Kumta, u Joshua u la shim ïa kata ka ri baroh, ïa ka ri lum, bad ka ri shaphang shathie, bad ïa ka ri Goshen baroh, bad ïa ka ri them, bad ïa ka ri madan, bad ïa ka ri lum Israel, bad ïa ka ri them jong u de;

JOSHUA 11:16 ပူးပေါင်းရင်းမြစ်များ

SALM 105:44

U la ai ha ki ïa ki ri jong kiwei pat ki jaitbynriew bad u la shah ïa ki ban shim noh ïa ki pyntha jong ki,

SALM 78:55

U la beh noh ïa ki nongshong shnong katba ki briew jong u ki dang jam shaphrang; u la pynbynta ïa ka ri jong ki hapdeng ki jait jong ka Israel bad u la ai ïa ki ïing jong ki ha ki briew jong u.

ESEKIEL 17:23

halor u lumbah bakynjang tam jong ka Israel. Un sei ki tnat bad pynmih ki symbai bad kylla long u dieng Kedar ba-itynnat eh. Ki sim kiba bun jait kin im hangta bad ïoh jingda ha ka syrngiew jong u.

ESEKIEL 36:8

Hynrei ha ki lumbah ka Israel ki dieng kin sei biang ki sla bad pynmih soh na ka bynta jong phi, ki briew jong nga, ki Israel. Phi la jan ban wan noh sha la ka ri.

DEUTERONOMI 1:7

Lied noh ïa la ka dara bad ïaid shaphrang. Leit sha ri lum Amor bad sha ki jaka kiba markhap bad ka — sha ka Them Jordan, sha ki ri lum bad ri them, sha ka jaka kaba shathie bad sha ka rud duriaw Mediterranian. Leit sha ka ri Kanaan bad nangta sha lyndet ki lum Lebanon haduh ka wahbah Ïuphratis.

JOSHUA 10:40

Kumta u Joshua u la jop thiaw ïa kata ka ri baroh kawei. U la jop ïa ki syiem jong ka ri lum, kiba ha ki sharing lum ha ka phang mihngi, bad kiba ha trai ki lum ha ka phang sepngi, bad ïa kito ki jong ka ri ryngkhiang ha ka phang bashathie. Um shym la pynsah ïano ïano, u pynïap lut khoit ïa ki baroh. Kane ka long kaba U Trai U Blei ki Israel u la hukum.

JOSHUA 10:41

Ka jingïaleh u Joshua ka ïalam ïa u naduh Kadesh Barnea ha ka phang shathie haduh Gasa hajan ka rud duriaw, kaba kynthup ïa baroh ki jaka ka ri Goshen haduh Gibeon ha ka phang bashatei.

JOSHUA 11:15

U Trai u la ai ïa ki hukum jong u ha u Moses u shakri jong u, u Moses u la ai ïa kita ha u Joshua, bad u Joshua u la kohnguh ïa ki. U la leh ïa baroh kaba U Trai u la hukum ïa u Moses.

JOSHUA 11:2

bad sha ki syiem kiba ha ka ri lum ha ka phang shatei, kiba ha Them Jordan shathie na ka Duriaw Galilaïa, kiba ha trai ki lum, bad kiba harud duriaw hajan ka Dor.

JOSHUA 11:21

Ha kane ka por u Joshua u la leit bad u pynduh khoit ïa ka jait ka kynja ki ramhah ba la khot kyrteng ki Anakim kiba shong basah ha ka ri lum — ha Hebron, Debir, Anab, bad ha baroh ka ri lum jong ka Judah bad ka Israel. U Joshua u la pynjot thiaw ïa ki bad ïa ki nongbah jong ki.

JOSHUA 12:8

Kane ka bynta ka kynthup ïa ka ri lum, ki kjat lum ha ka phang sepngi, ka Them Jordan bad ki kjat lum jong ka, ka sharing lum ha ka phang mihngi bad ka ri ryngkhiang ha ka phang bashathie. Kane ka ri ka la ju long ka ïing jong ki Hit, ki Amor, ki Kanaan, ki Peris, ki Hib, bad ki Jebus.

JOSHUA 9:1

Ïa ki jingjop jong ki Israel la bna ha baroh ki syiem kiba shaphang sepngi jong ka Jordan — ha ki lumrit, ha trai ki lum, bad ha ka pyntha rud duriaw jong ka Duriaw Mediterranian haduh ka Lebanon ha ka phang bashatei; kine ki dei ki syiem jong ki Hit, ki Amor, ki Kanaan, ki Peris, ki Hib, bad ki Jebus.