JOSHUA 11:15 - Khasi CL Bible (BSI)

¹⁵ U Trai u la ai ïa ki hukum jong u ha u Moses u shakri jong u, u Moses u la ai ïa kita ha u Joshua, bad u Joshua u la kohnguh ïa ki. U la leh ïa baroh kaba U Trai u la hukum ïa u Moses.

KA BAIBL

¹⁵ Kumba U Trai u la hukum ïa u Moses u shakri jong u, kumta u Moses u la hukum ïa u Joshua; kumta ruh u Joshua u la leh; um shym iehnoh ei ei khlem da leh na kita baroh ba U Trai u la hukum ïa u Moses.

JOSHUA 11:15 ပူးပေါင်းရင်းမြစ်များ

2 KHRONIKL 30:12

U Blei ruh u trei ha Judah bad u la pynïatylli ïa ki briew ha ka jingkut jingmut ban kohnguh ïa ka mon jong u da kaba bud ïa ki hukum jong u Syiem bad ki rangbah synshar jong u.

JINGKHEIÑ 33:50

Hangta ha ki pyntha ka Moab sha shiliang ka Jordan na Jerikho, U Trai u la ai ha u Moses

JINGKHEIÑ 33:52

phi dei ban beh krad ïa ki nongshong shnong baroh jong ka ri. Pynjot thiaw ïa ki bleithaw maw bad bleithaw nar jong ki baroh bad ïa ki jaka mane blei jong ki baroh.

MATHAÏOS 23:23

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi ai sha U Blei ïa kaba shiphew wat jong ki jhur pynbang jingbam, kum u pudina, u dill, bad u kumin, hynrei phim suidñiew ban kohnguh ïa ki jinghikai badonkam shisha jong ka Hukum, kum ka jinglehhok bad ka jingisynei bad ka jingbeit. Ïa kine phi dei ban leh, khlem da klet ïa kiwei pat.

LOUKAS 11:42

“A katno kaba shyrkhei ïa phi ki Pharisi! Phi ai sha U Blei ïa kawei na ki shiphew jong ki jhur pynbang jingbam, kum u pudina bad u rue bad baroh kiwei pat ki jait jhur, hynrei phi leh klet ïa ka jinglehhok bad ka jingieit ïa U Blei. Ïa kine phi la dei ban leh, khlem da leh klet ïa kiwei pat.

KI KAM 20:20

Phi ïatip ba ngam shym la buhrieh ïa kano kano ka ban long ka jingïarap ïa phi haba nga ïalap bad hikai ha ki paidbah bad ha ki ïing jong phi.

KI KAM 20:27

Naba ngam shym la buhrieh na kaba pynbna ha phi ïa ka jingthmu baroh ka jong U Blei.

DEUTERONOMI 12:32

“Leh ïa kata baroh kaba nga la hukum ïa phi; wat pyntam ha ka ne pynduna ei ei na ka.

DEUTERONOMI 31:3

U Trai U Blei jong phi hi un leit ha shuwa jong phi bad un pynjot ïa ki jaitbynriew kiba shong hangta, khnang ba phin ïohkynti ïa ka ri jong ki; bad u Joshua un long u nongïalam jong phi, kumba U Trai u la ong.

DEUTERONOMI 31:5

U Trai un ïa ha phi ka jingjop halor jong ki bad phin leh ïa ki kumba nga la hukum ïa phi.

DEUTERONOMI 31:7

Nangta u Moses u khot ïa u Joshua, bad hangta ha khmat ki Israel u ong ha u, “To long uba kut jingmut bad sngewskhem bha, namar me long uta u ban ïalam ïa kine ki briew bad pynïoh kynti ha ki ïa kata ka ri ba U Trai u la kular ha ki kpa tymmen jong ki.

DEUTERONOMI 4:2

Wat pyntam ei ei nalor kaba nga hukum ïa phi, lane pynduna ei ei na ka. Kohnguh ïa ki hukum U Trai U Blei jong phi ïa kiba nga la ai ha phi.

DEUTERONOMI 4:5

“Nga la hikai ïa phi ïa ki hukum, kumba U Trai U Blei jong nga u la hukum ïa nga. Sumar bad leh ïa ki ha kata ka ri sha kaba phin sa leit bad ïohkynti.

DEUTERONOMI 7:2

Ynda U Trai U Blei jong phi u aiti ïa kine ki briew ha phi bad phi jop ïa ki, phi dei ban pynïap lut ïa ki baroh. Wat ïateh jutang bad ki bad wat leh-isynei ïa ki.

JOSHUA 1:7

Me dei ban da kut jingmut triang, ban long skhem bad ban pynthikna ba men kohnguh ïa ka Hukum baroh kaba u shakri jong nga, u Moses u la ai ha me. Wat leh klet ïa kano kano ka bynta jong ka, bad men sa jop kat shaba me leit.

JOSHUA 11:12

U Joshua u la kurup ïa kine ki nongbah baroh bad ïa ki syiem jong ki, da kaba pynïap ïa uwei pa uwei, kumba u Moses, u shakri jong U Trai, u la hukum.

JOSHUA 11:14

Ki paid Israel ki la shim ïa ki markordor baroh bad ïa ki jingri jingdup na kine ki nongbah bad ki la buh ïa ki na ka bynta ïa lade. Hynrei ki la pynïap ïa uwei pa uwei u briew; ym don uwei ruh uba lait im.

JOSHUA 11:16

U Joshua u la kurup ïa ka ri baroh — ka ri lum bad ki kjat lum, ïa kaba shatei bad shathie, ka jaka jong ka Goshen baroh, bad ki ri ryngkhiang ha ka phang shathie jong ka, kumjuh ruh ïa ka Them Jordan.

1 SAMUEL 15:11

“Nga sngewsih ba nga la pynlong syiem ïa u Saul; u la phai noh na nga bad um shym la kohnguh ïa ki hukum jong nga.” U Samuel u la bitar, bad baroh shi miet u la ïasaid tyngeh bad U Trai.