JOSHUA 11:11 - Khasi CL Bible (BSI)

¹¹ Ki la pynïap ïa uwei pa uwei uba don hangta, ym don shuh uwei ruh uba dang lait im, bad la thang ruh ïa ka nongbah.

KA BAIBL

¹¹ Bad ki la pom ïa ki mynsiem baroh kiba ha ka da ka syrti waitlam, ki da pynduh khoit ïa ki: ym shym pynsah shuh kawei ka mynsiem: bad u la thang ïa ka Hasor da ka ding.

JOSHUA 11:11 ပူးပေါင်းရင်းမြစ်များ

DEUTERONOMI 20:16

“Hynrei haba phi ïohknieh ïa ki shnong kiba hapoh kata ka ri ba U Trai U Blei jong phi u ai ha phi ban long ka jingïohpateng, pynïap ïa uwei pa uwei.

DEUTERONOMI 3:7

Ngi rah noh ïa ki jingri, bad ki jinglute na ki shnong jong ki.

DEUTERONOMI 7:2

Ynda U Trai U Blei jong phi u aiti ïa kine ki briew ha phi bad phi jop ïa ki, phi dei ban pynïap lut ïa ki baroh. Wat ïateh jutang bad ki bad wat leh-isynei ïa ki.

JOSHUA 10:40

Kumta u Joshua u la jop thiaw ïa kata ka ri baroh kawei. U la jop ïa ki syiem jong ka ri lum, kiba ha ki sharing lum ha ka phang mihngi, bad kiba ha trai ki lum ha ka phang sepngi, bad ïa kito ki jong ka ri ryngkhiang ha ka phang bashathie. Um shym la pynsah ïano ïano, u pynïap lut khoit ïa ki baroh. Kane ka long kaba U Trai U Blei ki Israel u la hukum.

JOSHUA 6:21

Da ki waitlam jong ki, ki pynïap ïa uwei pa uwei hapoh ka nongbah, ki rangbah bad ki kynthei, ki samla bad ki tymmen. Ki la pynïap lut ruh ïa ki jingri, ki langbrot, bad ki kada.

JOSHUA 6:24

Nangta ki wiang ding ïa ka nongbah bad ki thang khoit ïa ka, lem bad baroh kiba don ha ka, lait noh kita kiei kiei kiba la shna da ka ksiar, ka rupa, ka rnong bad ka nar, ïa kaba ki la shim bad buh ha ka ïing jingkynshew U Trai.