JOSHUA 10:40 - Khasi CL Bible (BSI)

⁴⁰ Kumta u Joshua u la jop thiaw ïa kata ka ri baroh kawei. U la jop ïa ki syiem jong ka ri lum, kiba ha ki sharing lum ha ka phang mihngi, bad kiba ha trai ki lum ha ka phang sepngi, bad ïa kito ki jong ka ri ryngkhiang ha ka phang bashathie. Um shym la pynsah ïano ïano, u pynïap lut khoit ïa ki baroh. Kane ka long kaba U Trai U Blei ki Israel u la hukum.

KA BAIBL

⁴⁰ Kumta, u Joshua u la jop ïa ka ri baroh, ïa ka ri lum, bad ïa ka shathie, bad ïa ka ri them, bad ïa ki ranab lum, bad ïa ki syiem jong ki baroh; um shym la pynsah uwei ruh: hynrei, u la pynduh khoit ïa baroh kat kiba don mynsiem, kumba U Trai U Blei ki Israel, u la hukum.

JOSHUA 10:40 ပူးပေါင်းရင်းမြစ်များ

1 SYIEM 15:29

Shisyndon u la sdang ban pynïap ïa ki dkhot baroh na ka longïing jong u Jeroboam. Kat kum ïa kaei kaba U Trai u la ong lyngba u shakri jong u, u Ahijah u nongïathuhlypa na Shiloh, ïa baroh ka longïing jong u Jeroboam la pynïap; ym don shuh ba lait im.

NEHEMAÏAH 9:24

Ki la jop ïa ka ri Kanaan; me la jop ïa ki briew kiba shong hangta. Me la ai ïa ki briew jong me ka bor ban leh ïa kaba ki sngewbha bad ki briew bad ki syiem ka Kanaan.

SALM 9:17

Ka jingïap ka dei ka jingkut jong ki bymman baroh, jong kito baroh kiba kyntait ïa U Blei.

EKSODOS 34:12

Wat ïateh jutang bad ki briew jong kata ka ri sha kaba phi leit, namar kata ka lah ban long ka jingriam ka ban pynïap ïa phi.

JINGKHEIÑ 13:17

Haba u Moses u la phah ïa ki, u ong ruh ha ki, “Leit shaphang shatei nangne sha ka bynta kaba shaphang shathie jong ka ri Kanaan bad leit kiew pat nangta shaduh ri lum.

DEUTERONOMI 1:7

Lied noh ïa la ka dara bad ïaid shaphrang. Leit sha ri lum Amor bad sha ki jaka kiba markhap bad ka — sha ka Them Jordan, sha ki ri lum bad ri them, sha ka jaka kaba shathie bad sha ka rud duriaw Mediterranian. Leit sha ka ri Kanaan bad nangta sha lyndet ki lum Lebanon haduh ka wahbah Ïuphratis.

DEUTERONOMI 2:34

Ha kajuh ka por ruh ngi la ïohknieh bad pynjot ïa kawei pa kawei ka shnong, bad ngi la pynïap lut ïa uwei pa uwei u briew, shynrang bad kynthei bad khynnah khlem pynsah ei ei shuh.

DEUTERONOMI 7:24

Un aiti ha phi ïa ki syiem jong ki. Phin pynïap ïa ki, bad yn klet noh ïa ki. Yn ym don mano mano ban khang ïa phi; phin pynjot ïa ki baroh.

JOSHUA 10:35

Ki la kurup ïa ka ha kajuh ka sngi bad ki la pynïap ïa uwei pa uwei hangta, kumba ki la leh ha Lakhish.

JOSHUA 10:37

Ki la pynïap ïa u syiem jong ka bad ïa uwei pa uwei baroh ha ka nongbah bad ha ki shnong kiba markhap. U Joshua u pynjot thiaw ïa kata ka nongbah, kumba u la leh ïa ka Eglon. Ym shym don uwei ruh hangta uba lait im.

JOSHUA 10:39

U la kurup ïa ka bad ïa u syiem jong ka, bad ïa baroh ki shnong kiba markhap. Ki pynïap lut ïa uwei pa uwei hangta. U Joshua u la leh ïa ka Debir bad ïa u syiem jong ka kumba u la leh ïa ka Hebron bad ïa ka Libnah bad u syiem jong ka.

JOSHUA 11:16

U Joshua u la kurup ïa ka ri baroh — ka ri lum bad ki kjat lum, ïa kaba shatei bad shathie, ka jaka jong ka Goshen baroh, bad ki ri ryngkhiang ha ka phang shathie jong ka, kumjuh ruh ïa ka Them Jordan.

JOSHUA 12:8

Kane ka bynta ka kynthup ïa ka ri lum, ki kjat lum ha ka phang sepngi, ka Them Jordan bad ki kjat lum jong ka, ka sharing lum ha ka phang mihngi bad ka ri ryngkhiang ha ka phang bashathie. Kane ka ri ka la ju long ka ïing jong ki Hit, ki Amor, ki Kanaan, ki Peris, ki Hib, bad ki Jebus.

JOSHUA 18:21

Ki nongbah kiba dei jong ki longïing na ka jait Benjamin ki long ka Jerikho, ka Beth Hoglah, ka Emek Kesis,

JOSHUA 6:17

Ïa ka nongbah bad baroh kiba don ha ka dei ban pynjot thiaw kum ka jingainguh ha U Trai. Tang ïa ka Rahab ka nuti bad ïa ka longïing longsem jong ka yn pyllait im, namar ka la pynrieh ïa ki nongsyntiat jong ngi.

JOSHUA 8:2

Men leh ïa ka Ai bad ïa u syiem jong ka kumba me la leh ïa ka Jerikho bad u syiem jong ka, hynrei ha kane ka sien me lah ban bat ha lade ïa ki mar ki mata bad ïa ki jingri jong ka na ka bynta ïa lade. Pynkhreh ban tur ïaleh ïa ka nongbah da ka jingkyndit na lyndet jong ka.”

JOSHUA 8:27

Ki Israel ki shim ha lade ïa ki jingri bad ïa ki mar ki mata ba ki ïoh kurup na ka nongbah, kumba U Trai u la hukum ïa u Joshua.

JOSHUA 9:24

Ki la jubab, “Bah, ngi la leh ïa ka namar ngi la tip shisha ba U Trai U Blei jong phi u la hukum ïa u Moses u shakri jong u ban ai ha phi ïa ka ri baroh kawei, bad ban pynïap ïa ki briew baroh kiba shong ha ka katba phi nang ïaid sha khmat. Ngi la leh ïa ka namar ba ngi la sngewsheptieng ïa phi; ngi don ha ka jingsyier ïa la ka jingim.