JOSHUA 10:25 - Khasi CL Bible (BSI)

²⁵ Nangta u Joshua u ong ha ki rangbah shipai, “Wat sheptieng lane khaw-eit. Long uba kut jingmut triang uba skhem namar kane ka dei kaei kaba U Trai un leh ïa ki nongshun jong phi baroh.”

KA BAIBL

²⁵ Bad u Joshua u la ong ha ki, “Wat sheptieng, lymne wat kyiuh; pynkhlaiñ ïa lade pynshlur bha ïa lade: naba kumne U Trai un leh ïa ki nongshun jong phi baroh ïa kiba phi ïaleh.”

JOSHUA 10:25 ပူးပေါင်းရင်းမြစ်များ

SALM 63:9

Hynrei kito kiba pyrshang ban pynïap ïa nga kin leit hiar sha ka pyrthei kiba ïap.

SALM 77:11

Ngan kynmaw ïa ki kam bakhraw jong me, A Trai; ngan kynmaw pat ïa ki jingphylla kiba me la leh ha ki por mynbarim.

Ka Shithi U Paul Sha Ki Nong Rom 8:37

Em, ha kine baroh ngi ïoh ïa ka jingjop baroh lyngba jong uta uba la ieit ïa ngi!

2 KORINTH 1:10

Na kiba kum kita ki jingma bashyrkhei jong ka jingïap u la pynim ïa ngi, bad un pynim ïa ngi; bad ngi la buh ïa ka jingkyrmen jong ngi ha u ba un pynim biang ïa ngi, kumba phi ïarap ïa ngi lyngba ki jingduwai lem jong phi na ka bynta jong ngi.

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

DEUTERONOMI 7:19

Kynmaw ruh ïa ki jingtynjuh kiba shyrkhei kiba phi la ïohi, da ki kambah bad ki kamphylla, bad da ka borbah da ka ksang'ti kaba la kner da kaba U Trai U Blei jong phi u la pyllait ïa phi, kumta ruh un pynjot ïa kita ki jaitbynriew baroh ïa kiba phi sheptieng.

JOSHUA 1:6

Kut jingmut triang bad long skhem, namar men long u nongïalam jong kine ki briew katba ki shim kynti ïa kane ka ri ïa kaba nga la kular ha ki kpa tymmen jong ki.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 10:8

U Trai u ong ha u Joshua, “Wat sheptieng ïa ki. Nga la ai lypa ha me ïa ka jingjop. Yn ym don uwei ruh na ki uba lah ban ïeng pyrshah ïa me.”

1 SAMUEL 17:37

U Trai uba la pyllait im ïa nga na ki sing bad na ki dngiem; un pyllait im ïa nga na une u Philistia.” “To kata,” u Saul u jubab. “Khie leit, bad U Trai un long ryngkat bad me.”