JOSHUA 10:24 - Khasi CL Bible (BSI)

²⁴ Nangta u Joshua u khot ïa ki rangbah ka Israel baroh bad u hukum ïa ki rangbah shipai kiba la leit ryngkat bad u ban wan bad buh ïa la ki kjat ha ki ryndang jong ki syiem. Ki la leh kumta.

KA BAIBL

²⁴ Te haba ki la wallam noh ïa kita ki syiem ha u Joshua, u Joshua u la phah khot ïa uta u paidbah Israel baroh, bad u la ong ha ki rangbah ki paidïapom kiba la leit bad u, “Ale hajan, buh ruh ïa la ki poh'jat halor ki ryndang jong kine ki syiem.” Te ki la wan hajan, bad ki la buh ruh ïa la ki poh'jat halor ki ryndang jong ki.

JOSHUA 10:24 ပူးပေါင်းရင်းမြစ်များ

2 SAMUEL 22:39

Nga shoh pynkyllon ïa ki, bad kim lah khie shuh ki thiah ha ka jingshahjop ha khmat jong nga.

2 SAMUEL 22:41

Me la pynlong ïa ki nongshun jong nga ban phet krad na nga; nga pynjot ïa kito kiba shun ïa nga.

SALM 107:40

u pynpaw ka jingibeiñ ïa ki nongbanbeiñ bad u pynlong ïa ki ban sakma ha ki ri shyiap bym don lynti.

SALM 110:1

U Trai u la ong ha u trai jong nga, u syiem, “Shong hangne ha ka liang kamon jong nga haduh ba ngan da pyndem ïa ki nongshun jong me hapoh ki kjat jong me.”

SALM 110:5

U Trai u don ha ka liang kamon jong me; haba u bitar, un jop ïa ki syiem,

SALM 18:40

Me pynlong ïa ki nongshun jong nga ban phet na nga; nga pynjot ïa kito kiba isih ïa nga.

SALM 91:13

Men ïuhroit halor ki sing bad ki bseiñ, ïa ki sing ba-itriem bad ïa ki 'seiñpuh.

ISAÏAH 51:23

Ngan ai ïa ka ha kito kiba banbeiñ ïa phi, ïa kito kiba la pynlong ïa phi ban thiah ha ki surok bah bad ïuhroit halor jong phi kum ka jakhlia.”

MALAKHI 4:3

Ha ka sngi haba ngan leh ïa ka kam, phin jop thiaw ïa ki bymman, bad kin long kum u pui pui hapoh ki kjat jong phi.

Ka Shithi U Paul Sha Ki Nong Rom 16:20

Bad U Blei, uba long ka tyllong jong ka jingsuk jong ngi, shen un pynlwet ïa u Soitan hapoh ki kjat jong phi. To ka jingaiei jong U Jisu uba U Trai jong ngi kan long lem bad phi.

DEUTERONOMI 33:29

Suk shisha ma pha, ko Israel! ym don kaba kum ma pha, ka jaitbynriew ba la pyllait im da U Trai. U Trai hi u long ka stieh bad ka waitlam jong pha, ban ïada ïa pha bad ai ha pha ka jingjop. Ki nongshun jong pha kin wan dem wan nguh ïa pha, bad phan sa ïuhroit ïa ki.

HEBRU 1:13

U Blei um ju ong ha uno uno na ki angel jong u: “Shong hangne ha ka liang kamon jong nga haduh ba ngan da pynlong ïa ki nongshun jong me ba kin long kum ka jingïuhkjat hapoh ki kjat jong me.”

NONGBISHAR 8:20

Nangta u ong ha u Jether, u khun nyngkong jong u, “Khie, pynïap ïa ki!” Hynrei uta u khynnah um shym sei ïa la ka waitlam. Um sngew nud, namar ba u dang long tang u khynnah.