JOSHUA 10:20 - Khasi CL Bible (BSI)

²⁰ U Joshua bad ki rangbah jong ki Israel ki la pynïap ïa ki, wat la katto katne ki ïohlad ban shem jaka lait im hapoh ki kynroh shnong bad ba ki khlem shah pynïap.

KA BAIBL

²⁰ Te haba u Joshua bad ki khun Israel ki la wai ban pynïap ïa ki da ka jingpynïap bakhraw, ha ban da ki la duh noh khoit, bad ba kat kiba sah na ki, ki la rung ha ki nongbah ba la ker kynroh,

JOSHUA 10:20 ပူးပေါင်းရင်းမြစ်များ

2 SAMUEL 20:6

Kumta u syiem u ong ha u Abishai, “U Sheba un kham pynjynjar ïa ngi ban ïa u Absalom. Shim ïa ki rangbah jong nga bad leit thwet ïa u, lym kumta u lah ban leit shong shnong ha ki shnong ba la ker kynroh, bad lait phet na ngi.”

1 SYIEM 20:21

U syiem Ahab, u la hiar sha madan, u la knieh ïa ki kulai bad ki kali ïapom, bad u jop thiaw ïa ki nong Syria.

2 KHRONIKL 13:17

U Abijah bad ka kynhun shipai jong u ki thom ïa ki Israel da ka jingjop kaba khraw — shiteng na ki shipai bakynsai ka Israel ki la shah pynïap.

JEREMAÏAH 4:5

To put ïa ka turoi ha kylleng ka ri! To pyrta jam bad shai kdar! Ïathuh ha ki briew jong ka Judah bad Jerusalem ban phet sha ki nongbah ba la ker kynroh.

JEREMAÏAH 8:14

“Balei ba ngi ïashong khop?” Ki briew jong U Blei ki ïakylli. “Ale, ngin ïaphet sha ki nongbah ba la ker kynroh, bad ïap hangta. U Trai U Blei jong ngi u la pynrem ïa ngi ban ïap; u la ai ha ngi ka bih ban dih, namar ngi la leh pop pyrshah ïa u.

DEUTERONOMI 20:16

“Hynrei haba phi ïohknieh ïa ki shnong kiba hapoh kata ka ri ba U Trai U Blei jong phi u ai ha phi ban long ka jingïohpateng, pynïap ïa uwei pa uwei.

JOSHUA 10:10

U Trai u la pynkulmar jingmut ïa ki Amor ha ka jingïohi ïa ka kynhun shipai Israel. Ki Israel ki pynïap ïa ki ha Gibeon bad ki la beh ïa ki arsut ïa ka khim lum ha Beth Horon, da kaba ïai ïaleh shaduh shaphang shathie ha Asekah bad Makkedah.

JOSHUA 10:19

hynrei ma phi pat wat sah hangta. Ïai beh ïa ki nongshun jong phi, bad tur ïaleh ïa ki na shadien; wat ailad ba kin ïohrung sha la ki jong ki nongbah! U Trai U Blei jong phi u la ai ha phi ka jingjop halor jong ki.”

JOSHUA 10:21

Nangta baroh ki rangbah jong u Joshua ki la wan phai suk sha u ha ka jaka sher dara ha Makkedah. Ym don uwei ruh u briew ha kata ka ri uba nud ban kren pyrshah ïa ki Israel.

JOSHUA 11:12

U Joshua u la kurup ïa kine ki nongbah baroh bad ïa ki syiem jong ki, da kaba pynïap ïa uwei pa uwei, kumba u Moses, u shakri jong U Trai, u la hukum.

JOSHUA 11:8

U Trai u ai ha ki Israel ka jingjop halor jong ki; ki Israel ki tur ïaleh bad ki bad ki beh kthong ïa ki shaphang shatei haduh Misrephoth Maim bad Sidon, bad shaphang mihngi haduh ka them Mispah. Ka jingïaleh ka neh haduh ba ym don shuh uwei ruh u nongshun uba lait im.

JOSHUA 8:24

Ki Israel ki la pynïap ïa uwei pa uwei u nongshun ha ka jaka bashrah ha kaba ki la beh ïa ki. Nangta ki la leit phai pat sha Ai bad ki la pynïap ïa uwei pa uwei uba don hangta.