JOSHUA 10:2 - Khasi CL Bible (BSI)

² Ki briew ka Jerusalem ki sngewkyndit shikatdei eh da ka jingsheptieng ha kane, namar ka Gibeon ka long ka nongbah kaba heh kum kano kano ka nongbah kaba don la u syiem; ka kham heh ban ïa ka Ai, bad ki rangbah jong ka ki long ki riewïaleh kiba tbit.

KA BAIBL

² kumta, ki la sheptieng shibun eh, namar ka Gibeon ka la long ka nongbah ka bakhraw, kum kawei na ki nongbah shong syiem, bad namar ka la long kham khraw ban ïa ka Ai, bad ki rangbah jong ka baroh ruh kiba khlaiñ.

JOSHUA 10:2 ပူးပေါင်းရင်းမြစ်များ

2 SAMUEL 12:26

Ha kajuh ka por u Joab u nang bteng ïa ka jingïaleh pyrshah ïa ka Rabbah, ka nongbah jong ki Ammon, bad u la jan ïohknieh ïa ka.

PROBERB 10:24

Kiba hok ki ïoh ïa kaei kaba ki thrang, hynrei ki riewbymman ki ïoh ïa kata kaba ki sheptieng eh.

DEUTERONOMI 11:25

Shano shano shaba phi leit ha kata ka ri, U Trai U Blei jong phi un pynlong ïa ki briew ba kin sheptieng ïa phi, kumba u la kular, bad ym don mano mano ruh ban pynsangeh ïa phi.

DEUTERONOMI 2:25

U briew baroh un khynñiuh da ka jingsheptieng tang shu ïohsngew ïa ka kyrteng jong phi.’

DEUTERONOMI 28:10

Te ki jaitbynriew ka pyrthei kin ïohi ba U Trai u la jied ïa phi ban long ki briew jong u, bad kin sheptieng ïa phi.

HEBRU 10:27

Pynban, kaei kaba dang sah ka long ban ap da ka jingsheptieng ïa ka Jingbishar ka ban sa wan bad ïa ka ding kaba klang ka ban sa bam duh ïa kita kiba ïaleh pyrshah ïa U Blei!

HEBRU 10:31

Ka long kaei kaei kaba shyrkhei ban hap ha ki kti jong U Blei uba im!

JOSHUA 2:24

“Ngi thikna ba U Trai u la ai ha ngi ïa ka ri baroh kawei. Ki briew baroh hangta ki la sngewsheptieng ïa ngi.”

JOSHUA 9:24

Ki la jubab, “Bah, ngi la leh ïa ka namar ngi la tip shisha ba U Trai U Blei jong phi u la hukum ïa u Moses u shakri jong u ban ai ha phi ïa ka ri baroh kawei, bad ban pynïap ïa ki briew baroh kiba shong ha ka katba phi nang ïaid sha khmat. Ngi la leh ïa ka namar ba ngi la sngewsheptieng ïa phi; ngi don ha ka jingsyier ïa la ka jingim.

JOSHUA 9:3

Hynrei ki paidbah jong ka Gibeon, kiba dei ki Hib, ki la ïohsngew ïa kaei kaba u Joshua u la leh ïa ka Jerikho bad ïa ka Ai,

1 SAMUEL 27:5

U Dabid u ong ha u Akhish, “Lada phi long u paralok jong nga, ai jaka ïa nga ha kawei ka shnongrit ba ngan ïoh shong hangta. Bah, kam donkam ïa nga ba ngan sah ryngkat bad phi ha kane ka nongbah.”