JOSHUA 10:13 - Khasi CL Bible (BSI)

¹³ Ka sngi ka la ïeng thik bad u bnai um shym khih tad haduh ba ka jaitbynriew ka la jop thiaw ïa ki nongshun jong ka. Ïa kane la thoh ha ka Kitab u Jashar. Ka sngi ka la sangeh hapdeng ka sahit bneng bad kam shym la sep ha kata ka sngi.

KA BAIBL

¹³ Te ka sngi ka la ïeng thik, u bnai ruh u la sangeh, ha ban da u paidbah u la pynhiar kput halor ki nongshun. Ym shym la thoh ïa kane ha Ka Kitab u Jashar? Kumta, ka sngi ka la ïeng thik hapdeng ka bneng, bad kam shym la kyrkieh ban sep kumba shi sngi biang.

JOSHUA 10:13 ပူးပေါင်းရင်းမြစ်များ

2 SAMUEL 1:18

bad u hukum ba yn hikai ïa ka ha ki briew ka Judah. (La buh jingkynmaw ha Ka Kitab U Jashar.)

2 SYIEM 20:10

U Hesekaïah u jubab, “Ka suk ban pynlong ïa ka syrngiew ban leit shiphew jam sha khmat! Pynlong ïa ka ban leit shiphew jam shadien.”

ESTHER 8:13

Ïa kane dei ban pynbna kum ka hukum bad pyntip sha baroh ha kawei pa kawei ka probins, khnang ba ki Jiw kin long la kloi ban pynhiarkput halor ki nongshun haba ka sngi kan wan.

Ka Kitab U Job 9:7

U lah ban khang ïa ka sngi ba kan mih, bad ïa ki khlur ban tyngshaiñ mynmiet.

SALM 148:3

To ïaroh ïa u, phi ka sngi bad u bnai; to ïaroh ïa u, phi ki khlur baphyrnai.

SALM 19:4

pynban ka khubor jong ki ka leit sha kylleng ka pyrthei bad la ïohsngew ha kiba kut jong ka pyrthei. U Blei u thaw ka ïing ha ka sahit bneng na ka bynta ka sngi;

ISAÏAH 24:23

U bnai un kylla dum, bad ka sngi kan ym tyngshaiñ shuh, namar U Trai Badonbor Baroh un long u syiem. Un synshar ha Jerusalem halor u Lum Seïon, bad ki nongïalam jong ki briew kin ïohi ïa ka burom jong u.

ISAÏAH 38:8

Ha ka lynti mawkyrdon ba la tei da u syiem Ahas, U Trai un pynlong ïa ka syrngiew ban leit shiphew jam shadien.” Bad ka syrngiew ka kynriah shiphew jam shadien.

JOEL 2:10

Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

JOEL 3:15

Ka sngi bad u bnai ki kylla dum, bad ki khlur kim tyngshaiñ shuh.

HABAKKUK 3:11

Ha ka jingthaba jong ki khnam baher stet bad ka jingtyngshaiñ na u sum baphyrnai, ka sngi bad u bnai ki sangeh hajuh.

JINGKHEIÑ 21:14

Dei namar kata ba Ka Kitab jong ki Thma U Trai ka kren shaphang “... ka shnong Waheb ha ka thain Suphah, bad ki them jong ka wah Arnon,

JINGKHEIÑ 31:2

“Pynshitom ïa ki Midian namar kaei kaba ki la leh ïa ki paid Israel. Hadien ba me la pyndep ïa kata, men sa ïap.”

MATHAÏOS 24:29

“Shen hadien ka jingjynjar jong kito ki sngi, ka sngi kan dum, u bnai un ym tyngshaiñ shuh, ki khlur kin hap na bneng, bad ki bor ha ka haw haw kin shah beh na ki lynti jong ki.

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

LOUKAS 18:7

Mynta, hato U Blei un ym bishar ha ka liang jong ki briew jong u kiba kyang sha u mynsngi bad mynmiet ban ïoh jingïarap? Hato un long uba suki ban ïarap ïa ki?

KI KAM 2:20

ïa ka sngi yn pyndum, bad u bnai un kylla saw kum ka snam, ha shuwa Ka Sngi kaba khraw bad kaba donburom jong U Trai ka wan.

JOSHUA 10:11

Katba ki Amor ki dang phet arsut na ka khim lum na ki shipai Israel, U Trai u pynhap halor jong ki ïa u phria uba heh baroh shi lynter lynti haduh Asekah. Kham bun ki la ïap na u phria ban na kaba ki shah pynïap ha ki Israel.

JOSHUA 10:14

Ym pat ju don mynno mynno, bad yn ym don lano lano, ba la don kum kata ka sngi, mynba U Trai u la shahshkor ïa u bynriew. U Trai u ïaleh ha ka liang ki Israel!

JINGPYNPAW 21:23

Ka nongbah kam donkam ïa ka sngi lane ïa u bnai ban tyngshaiñ halor jong ka, namar ba ka burom jong U Trai ka tyngshaiñ halor jong ka, bad U Khunlangbrot u long ka sharak jong ka.

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”

JINGPYNPAW 6:12

Bad nga la ïohi ïa U Khunlangbrot ba u pynpait ïa ka jingpyndait kaba hynriew. Ka la don ka jingkhynñiuh jumai kaba jur, bad ka sngi ka la kylla rong ïong kum ka jaiñ ïong kaba khain, bad u bnai u la kylla rong saw kum ka snam.

JINGPYNPAW 8:12

Nangta u angel uba saw u la put ïa la ka turoi. Shi bynta na ka lai bynta jong ka sngi la shoh, bad shi bynta na ka lai bynta jong u bnai, bad shi bynta na ka lai bynta jong ki khlur, ba ka jingshai jong ki ka la jah noh shi bynta na ka lai bynta ka jingtyngshaiñ; ym shym la don jingshai ha ka shi bynta na ka lai bynta jong ka sngi bad ïa ka shi bynta na ka lai bynta jong ka miet.

NONGBISHAR 16:28

Te u Samson u duwai, “A Trai Bakhraw, to kynmaw ïa nga, ai ha nga ïa ka bor sa tang shisien, khnang ba tang da kane ngan lah ban pynhiarkput ïa ki Philistia namar ba ki la khlaw ïa ki khmat jong nga baroh ar.”

NONGBISHAR 5:2

Ïaroh ïa U Trai! Ki Israel ki la kut jingmut ban ïaleh; U paidbah da kaba kmen u tyrwa mon sngewbha.