JOSHUA 1:9 - Khasi CL Bible (BSI)

⁹ Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

KA BAIBL

⁹ Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

JOSHUA 1:9 ပူးပေါင်းရင်းမြစ်များ

JENESIS 28:15

To kynmaw, ba ngan long ryngkat bad me bad ïada ïa me kat shaba me leit, bad ngan wallam pat ïa me sha kane ka ri. Ngan ym iehnoh ïa me tad haduh ba ngan da pyndep ïa kata baroh ïa kaba nga la kular ha me.”

JENESIS 39:2

U Trai u la don ryngkat lem bad u Joseph bad u la pynmanbha ïa u.

JENESIS 39:3

U la shong la sah ha ka ïing jong u nong Ijipt uba long u kynrad jong u, uba la ïohi ba U Trai u don ryngkat lem bad u Joseph bad ba u la pynmanbha ïa u ha kaei kaei kaba u leh.

2 SAMUEL 13:28

bad u bthah ïa la ki shakri: “Khmih haba u Amnon u la buaid palat, bad nangta haba nga ai hukum, pynïap ïa u. Wat sheptieng. Ngan shim jingkitkhlieh hi da lade. To long shlur bad wat sngewlehrain!”

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

2 KHRONIKL 15:7

Hynrei phi dei ban long kiba khlaiñ bad phim dei ban noh mynsiem. Ka kam kaba phi leh yn sa ai bainong.”

SALM 46:7

U Trai Badonbor Baroh u don bad ngi; U Blei jong u Jakob u long ka jakarieh jong ngi.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 43:1

Ko Israel, U Blei uba la thaw ïa phi u ong, “Wat sheptieng — ngan pyllait im ïa phi, nga la khot ïa phi da ka kyrteng — phi long u jong nga.

ISAÏAH 43:5

Wat sheptieng — nga long ryngkat bad phi! “Naduh mihngi bajngai bad sha sepngi bajngai tam, ngan wallam sha ïing ïa ki briew jong phi.

ISAÏAH 8:12

“Wat ïasoh ha ki jingïathmu basniew jong ki briew bad wat sheptieng ïa kiei kiei kiba ki sheptieng.

DANIEL 10:19

U la ong, “U Blei u ieit ïa me, kumta wat ai ba kano kano kan pynkhuslai ïa me lane pynsheptieng ïa me.” Haba u la ong ïa kane, nga la nang kham sngewkhlaiñ shuh shuh bad ong, “Ko rangbah, to ïathuh ha nga ïa kaei kaba phi don ban ong. Phi la pynlong ïa nga ban kham sngewkhlaiñ.”

HAGGAI 2:4

Hynrei mynta to wat duh jingkyrmen, mano mano ruh na phi. Leh la ka kam, naba nga long ryngkat bad phi.

HAGGAI 2:5

Mynba phi la mihnoh na ri Ijipt, nga la kular ba ngan long lem bad phi borabor. Nga dang long lem bad phi, kumta wat sheptieng.

KI KAM 4:19

Hynrei u Petros bad u Ïoannis ki la jubab ïa ki, “Phi hi bishar kano kaba dei ha khmat U Blei — ban kohnguh ïa phi ne ban kohnguh ïa U Blei.

DEUTERONOMI 20:1

“Haba phi leit ïaleh ïa ki nongshun jong phi bad phi ïohi ba ki kali ïaleh thma, ki kulai, bad ki shipai jong ki, ki kham bun ban ïa ki jong phi, wat sheptieng ïa ki. U Trai U Blei jong phi, uba la pyllait ïa phi na Ijipt, un don ryngkat bad phi.

DEUTERONOMI 31:23

Nangta U Trai u kren ha u Joshua u khun jong u Nun, bad u ong ha u, “Long uba sngewskhem bha bad uba kut jingmut, namar me men ïalam ïa ki Israel sha kata ka ri ba nga la kular ban ai ha ki, bad ngan don ryngkat bad me.”

DEUTERONOMI 31:28

Lumlang ïa ki nongïalam baroh na ki jait jong phi bad ïa ki rangbah synshar jong phi, ba ngan ïathuh ha ki ïa kine kiei kiei; ngan khot ïa ka bneng bad ka khyndew ba kin long ki sakhi jong nga pyrshah ïa ki.

JOSHUA 1:10

Nangta u Joshua u hukum ïa ki nongïalam

JOSHUA 1:17

Ngin kohnguh ïa me kumba ngi la ju kohnguh ïa u Moses, bad ai ba U Trai U Blei jong me un long ryngkat bad me kumba u la long bad u Moses!

JOSHUA 1:18

Uno uno uba artatien ïa ka iktiar jong me lane u bymkohnguh ïa kano kano na ki hukum jong me un shah pynïap. To long uba kut jingmut triang bad uba skhem.”

JOSHUA 10:25

Nangta u Joshua u ong ha ki rangbah shipai, “Wat sheptieng lane khaw-eit. Long uba kut jingmut triang uba skhem namar kane ka dei kaei kaba U Trai un leh ïa ki nongshun jong phi baroh.”

JOSHUA 10:8

U Trai u ong ha u Joshua, “Wat sheptieng ïa ki. Nga la ai lypa ha me ïa ka jingjop. Yn ym don uwei ruh na ki uba lah ban ïeng pyrshah ïa me.”

JOSHUA 3:7

U Trai u ong ha u Joshua, “Kaei kaba nga leh mynta ka sngi kan pynlong ïa ki paid Israel baroh ban sdang ban burom ïa me kum u riewkhraw, bad kin ïoh tip ba nga long lem ryngkat bad me kumba nga la long bad u Moses.

JOSHUA 6:27

Kumta U Trai u la don ryngkat lem bad u Joshua, bad ka nam jong u ka saphriang kylleng kata ka ri.

JOSHUA 8:1

U Trai u ong ha u Joshua, “Ïalam lang bad me ïa ki shipai baroh bad leit kiew sha Ai. Wat sheptieng lane khaw-eit. Ngan ai ha me ka jingjop ïa u syiem ka Ai; ki briew jong u, ka nongbah jong u, bad ka ri kan long ka jong me.

NONGBISHAR 6:14

Nangta U Trai u la hukum ïa u, “Khie leit da la ka bor bakhraw bad pyllait ïa ki Israel na ki Midian. Nga hi nga phah ïa me.”

1 SAMUEL 10:7

Haba kine kiei kiei kin jia, leh ïa kaba U Blei u ïalam ïa me ban leh.