JOSHUA 1:7 - Khasi CL Bible (BSI)

⁷ Me dei ban da kut jingmut triang, ban long skhem bad ban pynthikna ba men kohnguh ïa ka Hukum baroh kaba u shakri jong nga, u Moses u la ai ha me. Wat leh klet ïa kano kano ka bynta jong ka, bad men sa jop kat shaba me leit.

KA BAIBL

⁷ Tang ba men long uba khlaiñ bad uba shlur bha, ba me lah ban sumar ban leh katba kum ïa ka hukum baroh, ba u Moses u shakri jong nga u la hukum ïa me: wat phai noh na ka sha kamon lymne sha kadiang, ba men ïoh man bha kat sha kaba me leit.

JOSHUA 1:7 ပူးပေါင်းရင်းမြစ်များ

1 SYIEM 2:2

“Ka por jong nga ban ïap ka la wan. To long uba sngewskhem bha bad uba kut jingmut skhem, bad leh ïa kaei ba U Trai U Blei jong me u hukum ïa me ban leh.

1 SYIEM 2:3

Kohnguh ïa ki aiñ bad ki hukum jong u baroh, kumba la thoh ha ka Aiñ u Moses, khnang ba haba me leit shano shano me lah ban manbha ha kaei kaei kaba me leh.

2 SYIEM 22:2

U Josaïah u la leh ïa kaei kaba pynsngewbha ïa U Trai; u bud ïa ka nuksa jong u syiem Dabid, u kpa tymmen jong u, da kaba bud pyrkhing ïa baroh ki aiñ U Blei.

1 KHRONIKL 22:13

Lada me kohnguh ïa baroh ki aiñ kiba U Trai u la ai ha u Moses na ka bynta ki Israel, me lah ban jop. Kut jingmut bad long skhem, bad wat shah ïa kano kano ban pyntieng ïa me.

2 KHRONIKL 15:7

Hynrei phi dei ban long kiba khlaiñ bad phim dei ban noh mynsiem. Ka kam kaba phi leh yn sa ai bainong.”

2 KHRONIKL 26:5

Katba u Sekharaïah u nongaibuit jong u ha kaba ïadei bad ka niam u dang im; u la shakri hok ïa U Trai bad U Blei u la kyrkhu ïa u.

Ka Kitab U Job 1:8

“Me la peit bniah ïa u Job u shakri jong nga?” U Trai u kylli. “Ym don uno uno ha ka pyrthei uba ïaineh bad uba bha kat ma u. U mane ïa nga bad u kiar ban ym leh kano kano kaba sniew.”

SALM 80:19

To wallam pat ïa ngi, A Trai U Blei Badonbor Baroh. Pyni ha ngi ïa ka jingisynei jong me, bad ïa ngi yn pynim.

PROBERB 4:27

Kiar na kaba sniew bad ïaid beit sha khmat. Wat jam palat na ka lynti kaba dei.

PROBERB 8:20

Nga ïaid ha ka lynti ka hok, nga bud ïa ki lynti ka jinglehhok,

DANIEL 10:19

U la ong, “U Blei u ieit ïa me, kumta wat ai ba kano kano kan pynkhuslai ïa me lane pynsheptieng ïa me.” Haba u la ong ïa kane, nga la nang kham sngewkhlaiñ shuh shuh bad ong, “Ko rangbah, to ïathuh ha nga ïa kaei kaba phi don ban ong. Phi la pynlong ïa nga ban kham sngewkhlaiñ.”

JINGKHEIÑ 27:23

Kumba u Trai u la hukum, u Moses u buh ïa la ki kti halor ka khlieh jong u Joshua, bad u la pynbna ba une un long u nongmih bujli jong u.

DEUTERONOMI 11:8

“To kohnguh ïa ki hukum baroh ba nga la ai ha phi mynta ka sngi. Kumta te phin lah ban jam sha shiliang wah bad ban ïohkynti ïa kata ka ri sha kaba phin sa leit rung.

DEUTERONOMI 12:32

“Leh ïa kata baroh kaba nga la hukum ïa phi; wat pyntam ha ka ne pynduna ei ei na ka.

DEUTERONOMI 28:14

Hynrei phim bit ban kyntait ban kohnguh ïa ki ha kano kano ka rukom, lane mane bad shakri ïa kiwei pat ki blei.

DEUTERONOMI 29:8

Hynrei ngi la jop ïa ki, ngi knieh ïa ka ri jong ki, bad ngi pynbynta ïa ka hapdeng ki jait Reuben bad ki jait Gad, bad ha ki shiteng na ka jait Manasseh.

DEUTERONOMI 29:9

Namar kata, kohnguh hok ïa ki ktien baroh ba la thoh ha kane ka jutang khnang ba phin manbha ha ki jingtrei jingktah jong phi baroh.

DEUTERONOMI 31:7

Nangta u Moses u khot ïa u Joshua, bad hangta ha khmat ki Israel u ong ha u, “To long uba kut jingmut bad sngewskhem bha, namar me long uta u ban ïalam ïa kine ki briew bad pynïoh kynti ha ki ïa kata ka ri ba U Trai u la kular ha ki kpa tymmen jong ki.

DEUTERONOMI 4:2

Wat pyntam ei ei nalor kaba nga hukum ïa phi, lane pynduna ei ei na ka. Kohnguh ïa ki hukum U Trai U Blei jong phi ïa kiba nga la ai ha phi.

DEUTERONOMI 5:32

“Ko phi ki Israel, wat pep ban leh ïa kaei kaei baroh kaba U Trai U Blei jong phi u la hukum ïa phi. Wat pynkheiñ ïa kawei ruh na ki aiñ jong u.

JOSHUA 1:1

Hadien ka jingïap u Moses, u shakri jong U Trai; U Trai u la kren ha u nongïarap lem jong u Moses, u Joshua u khun jong u Nun.

JOSHUA 1:8

Pynthikna ba ïa kane ka kitab ka Hukum dei ban pule borabor ha ka jingmane jong me. Puson ïa ka mynsngi bad mynmiet, bad pynthikna ba men kohnguh ïa kaei kaei baroh ba la thoh ha ka. Te men sa manbha bad long uba jop.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 11:15

U Trai u la ai ïa ki hukum jong u ha u Moses u shakri jong u, u Moses u la ai ïa kita ha u Joshua, bad u Joshua u la kohnguh ïa ki. U la leh ïa baroh kaba U Trai u la hukum ïa u Moses.

JOSHUA 23:6

Kumta sumar ban kohnguh bad leh ïa kaei kaei baroh kaba la thoh ha ka kitab ka Aiñ u Moses.