JOSHUA 1:6 - Khasi CL Bible (BSI)

⁶ Kut jingmut triang bad long skhem, namar men long u nongïalam jong kine ki briew katba ki shim kynti ïa kane ka ri ïa kaba nga la kular ha ki kpa tymmen jong ki.

KA BAIBL

⁶ Pynkhlaiñ bad pynshlur bha ïa lade: namar men pynïoh bynta ha une u paidbah ïa kata ka ri ba nga la smai ha ki kpa jong ki ban ai ha ki.

JOSHUA 1:6 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

2 SAMUEL 10:12

To long kiba khlaiñ bad kiba shlur! To ngin ïaleh tyngeh na ka bynta ki briew jong ngi bad na ka bynta ki nongbah jong U Blei jong ngi. Bad ai ba yn leh ïa ka mon U Trai!”

1 SYIEM 2:2

“Ka por jong nga ban ïap ka la wan. To long uba sngewskhem bha bad uba kut jingmut skhem, bad leh ïa kaei ba U Trai U Blei jong me u hukum ïa me ban leh.

1 KHRONIKL 22:13

Lada me kohnguh ïa baroh ki aiñ kiba U Trai u la ai ha u Moses na ka bynta ki Israel, me lah ban jop. Kut jingmut bad long skhem, bad wat shah ïa kano kano ban pyntieng ïa me.

1 KHRONIKL 28:10

Me dei ban sngewthuh ba U Trai u la jied ïa me ban tei ïa ka Templ bakhuid jong u. Mynta leh ïa kata — bad leh ïa kata da ka jingkut jingmut baskhem.”

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

2 KHRONIKL 15:7

Hynrei phi dei ban long kiba khlaiñ bad phim dei ban noh mynsiem. Ka kam kaba phi leh yn sa ai bainong.”

2 KHRONIKL 20:11

Kane ka long kumno ba ki siew kylliang ïa ngi — ki wan ban beh krad ïa ngi shabar na ka ri kaba me la ai ha ngi.

2 KHRONIKL 20:7

Me long U Blei jong ngi. Mynba u paid Israel jong me u wan sha kane ka ri, me beh krad ïa ki briew kiba shong hangne bad me ai ïa ka ri ha ki khun ki ksiew u Abraham, u paralok jong me, ban long ka jong ki junom.

SALM 27:14

To shaniah ha U Trai, to ngeit, wat duh jingkyrmen. To shaniah ha U Trai.

DANIEL 10:19

U la ong, “U Blei u ieit ïa me, kumta wat ai ba kano kano kan pynkhuslai ïa me lane pynsheptieng ïa me.” Haba u la ong ïa kane, nga la nang kham sngewkhlaiñ shuh shuh bad ong, “Ko rangbah, to ïathuh ha nga ïa kaei kaba phi don ban ong. Phi la pynlong ïa nga ban kham sngewkhlaiñ.”

HAGGAI 2:4

Hynrei mynta to wat duh jingkyrmen, mano mano ruh na phi. Leh la ka kam, naba nga long ryngkat bad phi.

SEKHARAÏAH 8:9

“To long shlur! Mynta phi ïohsngew ïa kijuh ki kyntien ba ki nongïathuhlypa ki la kren ha ka por ba la buh nongrim na ka bynta ban tei pat ïa ka Templ jong nga.

JINGKHEIÑ 26:53

“Ïasam ïa kata ka ri hapdeng kita ki jait kat kum ka jingbun briew jong ki.

JINGKHEIÑ 33:53

Kam kynti ïa ri bad shongsah hangta, namar nga ai ïa ka ha phi.

1 KORINTH 16:13

To sharai, to ïeng skhem ha ka jingngeit, to long shlur, to long kiba khlaiñ.

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

DEUTERONOMI 1:8

Kane baroh ka long kata ka ri kaba nga U Trai nga la kular ban ai ha ki kpa tymmen jong phi, u Abraham, u Isaak, bad u Jakob, bad ha ki khun ki ksiew jong ki. Khie leit kam kynti ïa ka.’ ”

DEUTERONOMI 11:8

“To kohnguh ïa ki hukum baroh ba nga la ai ha phi mynta ka sngi. Kumta te phin lah ban jam sha shiliang wah bad ban ïohkynti ïa kata ka ri sha kaba phin sa leit rung.

DEUTERONOMI 31:23

Nangta U Trai u kren ha u Joshua u khun jong u Nun, bad u ong ha u, “Long uba sngewskhem bha bad uba kut jingmut, namar me men ïalam ïa ki Israel sha kata ka ri ba nga la kular ban ai ha ki, bad ngan don ryngkat bad me.”

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

JOSHUA 1:18

Uno uno uba artatien ïa ka iktiar jong me lane u bymkohnguh ïa kano kano na ki hukum jong me un shah pynïap. To long uba kut jingmut triang bad uba skhem.”

JOSHUA 1:7

Me dei ban da kut jingmut triang, ban long skhem bad ban pynthikna ba men kohnguh ïa ka Hukum baroh kaba u shakri jong nga, u Moses u la ai ha me. Wat leh klet ïa kano kano ka bynta jong ka, bad men sa jop kat shaba me leit.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 10:25

Nangta u Joshua u ong ha ki rangbah shipai, “Wat sheptieng lane khaw-eit. Long uba kut jingmut triang uba skhem namar kane ka dei kaei kaba U Trai un leh ïa ki nongshun jong phi baroh.”

JOSHUA 13:6

Kane ka kynthup ïa ka ri baroh jong ki nong Sidon, kiba shong ha ka ri lum hapdeng ki lum Lebanon bad Misrephoth Maim. Ngan beh noh ïa kine ki briew katba ki Israel ki nang tur sha khmat. Me dei ban pynbynta ïa kane ka ri hapdeng ki Israel, kumba nga la hukum ïa me ban leh.

JOSHUA 18:3

Kumta u Joshua u ong ha ki paid Israel, “Sa katno phin ap ha shuwa ban phin rung bad shim kynti ïa ka ri kaba U Trai, U Blei jong ki kpa tymmen jong phi, u la ai ha phi?

JOSHUA 21:43

Kumta U Trai u la ai ha ki Israel ïa ka ri baroh ïa kaba u la kular da kaba kyntang ha ki kpa tymmen jong ki ba un ai ha ki. Haba ki la shimti ïa ka, ki la shongduh hangta.

1 SAMUEL 4:9

Long shlur, ko ki Philistia! Ïaleh kum ki rangbah, lym kumta ngin kylla long ki mraw ha kine ki Hebru, kumba ma ki, ki la long ki mraw jong ngi. Kumta to ïaleh kum ki rangbah!”