JOSHUA 1:5 - Khasi CL Bible (BSI)

⁵ Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

KA BAIBL

⁵ Yn ym don uwei uba lah ban ïeng ha khmat jong me baroh ki sngi ka rta jong me: kumba nga la don ryngkat bad u Moses, kumta ngan don bad me ruh: ngan ym iehnoh ïa me, lymne ngan ym kyntait ïa me.

JOSHUA 1:5 ပူးပေါင်းရင်းမြစ်များ

JENESIS 39:2

U Trai u la don ryngkat lem bad u Joseph bad u la pynmanbha ïa u.

1 SYIEM 1:37

Kumba U Trai u la don ryngkat bad u Syiem Kynrad, kumta ruh ai un don ryngkat bad u Solomon, bad pynlong ïa ka jingsynshar jong u kaba kham roi ban ïa ka jong phi.”

1 SYIEM 11:38

Lada me kohnguh tylli ïa nga, me im hapoh ki hukum jong nga, bad me ïoh ïa ka jingmynjur jong nga da kaba leh ïa kaei kaba nga hukum, kumba u Dabid u shakri jong nga u la leh, ngan ïai don ryngkat bad me. Ngan pynlong ïa me u syiem ki Israel bad ngan pynthikna ba kiba hiarpateng na me kin synshar hadien jong me, kumba nga la leh ïa u Dabid.

1 SYIEM 6:13

Ngan shong hapdeng ki Israel ki briew jong nga, ha kane ka Templ kaba me dang tei bad ngan ym iehnoh ïa ki.”

1 SYIEM 8:57

To U Trai U Blei jong ngi un don ryngkat bad ngi, kumba u la don ryngkat bad ki kpa tymmen jong ngi; to un ym iehnoh ïa ngi lane lyndet ïa ngi;

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

ISAÏAH 42:16

“Ngan ïalam ïa ki briew bamatlah jong nga na ki lynti kiba kim pat ju ïaid. Ngan pynkylla ïa ka jingdum jong ki sha ka jingshai bad pynlong ïa ki jaka khohruh khohram kiba jem ha khmat jong ki. Kine ki long ki jingkular jong nga, bad ngan batskhem ïa ki.

JEREMAÏAH 1:8

Wat sheptieng ïa ki, naba ngan don lem bad me ban ïada ïa me. Ma nga, U Trai nga la kren!”

DANIEL 11:16

U nonghiarthma Syria un leh ïa ki kat kaba u sngewbha, khlem kano kano ka jingïapyrshah. Un ïeng ha ka Ri ka Jingkular bad un ïoh ïa ka baroh ha ka bor jong u.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

Ka Shithi U Paul Sha Ki Nong Rom 8:37

Em, ha kine baroh ngi ïoh ïa ka jingjop baroh lyngba jong uta uba la ieit ïa ngi!

DEUTERONOMI 20:1

“Haba phi leit ïaleh ïa ki nongshun jong phi bad phi ïohi ba ki kali ïaleh thma, ki kulai, bad ki shipai jong ki, ki kham bun ban ïa ki jong phi, wat sheptieng ïa ki. U Trai U Blei jong phi, uba la pyllait ïa phi na Ijipt, un don ryngkat bad phi.

DEUTERONOMI 20:4

U Trai U Blei jong phi un leit ryngkat bad phi bad un ai ha phi ïa ka jingjop.’

DEUTERONOMI 31:23

Nangta U Trai u kren ha u Joshua u khun jong u Nun, bad u ong ha u, “Long uba sngewskhem bha bad uba kut jingmut, namar me men ïalam ïa ki Israel sha kata ka ri ba nga la kular ban ai ha ki, bad ngan don ryngkat bad me.”

DEUTERONOMI 4:31

U long U Blei uba isynei. Un ym iehnoh lane pynjot ïa phi, bad un ym klet ïa ka jutang kaba u hi u la pynlong bad ki kpa tymmen jong phi.

DEUTERONOMI 7:24

Un aiti ha phi ïa ki syiem jong ki. Phin pynïap ïa ki, bad yn klet noh ïa ki. Yn ym don mano mano ban khang ïa phi; phin pynjot ïa ki baroh.

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

HEBRU 13:5

Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”

JOSHUA 1:17

Ngin kohnguh ïa me kumba ngi la ju kohnguh ïa u Moses, bad ai ba U Trai U Blei jong me un long ryngkat bad me kumba u la long bad u Moses!

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 10:8

U Trai u ong ha u Joshua, “Wat sheptieng ïa ki. Nga la ai lypa ha me ïa ka jingjop. Yn ym don uwei ruh na ki uba lah ban ïeng pyrshah ïa me.”

JOSHUA 21:44

U Trai u la ai ha ki ka jingshongsuk ha kata ka ri baroh kawei, kumba u la kular ïa ki kpa tymmen jong ki. Ym don uwei ruh na ki nongshun jong ki baroh uba lah ban ïeng pyrshah ïa ki, namar U Trai u la ai ha ki Israel ka jingjop ïa ki nongshun jong ki baroh.

JOSHUA 3:7

U Trai u ong ha u Joshua, “Kaei kaba nga leh mynta ka sngi kan pynlong ïa ki paid Israel baroh ban sdang ban burom ïa me kum u riewkhraw, bad kin ïoh tip ba nga long lem ryngkat bad me kumba nga la long bad u Moses.

JOSHUA 6:27

Kumta U Trai u la don ryngkat lem bad u Joshua, bad ka nam jong u ka saphriang kylleng kata ka ri.

NONGBISHAR 2:18

Man ba U Trai u ai ha ki Israel ïa u nongïalam, U Trai u ïarap ïa uta u nongïalam bad u pyllait im ïa ki briew na ki nongshun jong ki katba uta u nongïalam u dang im. U Trai u sngewsynei ïa ki namar ba ki la ud ha ki jingshitom bad jingshah banbeiñ jong ki.

NONGBISHAR 6:16

U Trai u jubab, “Me lah ban leh ïa ka namar ngan ïarap ïa me. Men pynlwet ïa ki Midian da kaba suk i kumba ki long tang uwei u briew.”

1 SAMUEL 10:7

Haba kine kiei kiei kin jia, leh ïa kaba U Blei u ïalam ïa me ban leh.