JOSHUA 1:17 - Khasi CL Bible (BSI)

¹⁷ Ngin kohnguh ïa me kumba ngi la ju kohnguh ïa u Moses, bad ai ba U Trai U Blei jong me un long ryngkat bad me kumba u la long bad u Moses!

KA BAIBL

¹⁷ Kumba ngi la sngap ïa u Moses ha kiei kiei baroh, kumta, ngin sngap ïa me ruh: tang ba U Trai U Blei jong me un don ryngkat bad me, kumba u la don ryngkat bad u Moses.

JOSHUA 1:17 ပူးပေါင်းရင်းမြစ်များ

2 SAMUEL 14:17

Nga la ong ha lade ba ki kular jong phi, ko Kynrad, kin pynshngain ïa nga, namar ba u syiem u long kum u angel jong U Blei bad u lah ban pynïapher ïa kaba bha na kaba sniew. To U Trai U Blei jong phi un long lem bad phi!”

1 SYIEM 1:37

Kumba U Trai u la don ryngkat bad u Syiem Kynrad, kumta ruh ai un don ryngkat bad u Solomon, bad pynlong ïa ka jingsynshar jong u kaba kham roi ban ïa ka jong phi.”

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

SALM 20:1

Ai ba U Trai un jubab ïa me haba me don ha ka jingjynjar! Ai ba U Blei jong u Jakob un ïada ïa me!

SALM 20:4

To un ai ha me ïa ka kaei kaba me kwah bad pynurlong ïa ki jingthmu jong me baroh.

SALM 20:9

To ai ka jingjop ïa u syiem, ko Trai; to jubab ïa ngi haba ngi khot kyrpad.

JINGKHEIÑ 27:18

Te U Trai u ong ha u Moses, “Shim ïa u Joshua u khun jong u Nun, u briew uba lah, bad buh ïa ki kti jong me halor ka khlieh jong u.

JINGKHEIÑ 27:20

Ai ha u khyndiat ka iktiar jong me, khnang ba u paidbah un kohnguh ïa u.

MATHAÏOS 21:9

Ki paidbah kiba la ïaid ha khmat jong U Jisu bad kito kiba la bud nadien ki la sdang ban pyrta, “To ïaroh ïa U khun u Dabid! U Blei u kyrkhu ïa uta uba wan ha ka kyrteng jong U Trai! To ïaroh ïa U Blei!”

DEUTERONOMI 34:9

U Joshua u khun jong u Nun u long uba la pyndap da ka jingstad, naba u Moses u la thung ïa u ban long u nongshimti pateng. Ki Israel ki kohnguh ïa u Joshua bad ki sumar ïa ki hukum ba U Trai u la ai ha ki lyngba u Moses.

JOSHUA 1:16

Ki la jubab ïa u Joshua, “Ngin leh ïa kaei kaei baroh kaba me la ong ïa ngi bad ngin leit kat shaba me phah ïa ngi.

JOSHUA 1:18

Uno uno uba artatien ïa ka iktiar jong me lane u bymkohnguh ïa kano kano na ki hukum jong me un shah pynïap. To long uba kut jingmut triang bad uba skhem.”

JOSHUA 1:5

Joshua, yn ym don mano mano uba lah ban jop ïa me katba me dang im. Ngan don ryngkat lem bad me kumba nga la don bad u Moses. Ngan ïailong lem bad me borabor; ngan ym iehnoh ïa me.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

JOSHUA 4:14

Kaei kaba U Trai u la leh ha kata ka sngi, ka la pynlong ïa ki paid Israel ban ñiew ïa u Joshua u riewkhraw. Ki burom ïa u shi lynter ka jingim jong u, kumba ki la burom ïa u Moses.

1 SAMUEL 17:37

U Trai uba la pyllait im ïa nga na ki sing bad na ki dngiem; un pyllait im ïa nga na une u Philistia.” “To kata,” u Saul u jubab. “Khie leit, bad U Trai un long ryngkat bad me.”

1 SAMUEL 20:13

Lada i thmu ban pynsniew ïa phi, to U Trai un shoh ïap ïa nga lada ngam pyntip ïa phi ïa kata bad ba phin ïohlait na ka jingma. To U Trai un long lem bad phi kumba u la long bad i pa jong nga!