JOSHUA 1:15 - Khasi CL Bible (BSI)

¹⁵ haduh ba kin da ïohkynti ïa ka ri ha ka phang sepngi jong ka Jordan ïa kaba U Trai U Blei jong phi u la ai ha ki. Hadien ba u la pynïoh ïa ka jingshongshngain ïa ki jait Israel baroh, te phi lah ban wan phai pat bad shongsah hangne ha ka ri jong phi ha ka phang mihngi jong ka Jordan ïa kaba u Moses, u shakri U Trai, u la ai ha phi.”

KA BAIBL

¹⁵ ha ban da U Trai u la ai ka jingshongthait ha ki para jong phi, kumba ha phi, bad ba ki ruh ki la ïoh ïa kata ka ri kaba U Trai U Blei jong phi u ai ha ki: hadien kata, phin phai sha ka ri ka bynta jong phi, bad phin ïoh ïa ka ruh, ïa kaba u Moses u shakri U Trai u la ai ha phi ha kane ka liang ka Jordan shaphang mihngi.”

JOSHUA 1:15 ပူးပေါင်းရင်းမြစ်များ

1 KORINTH 12:26

Lada kawei ka dkhot jong ka met ka shitom, baroh kiwei pat ki dkhot met ki ïashitom lem bad ka; lada kawei ka dkhot met ka ïoh jingïaroh, baroh kiwei pat ki dkhot met ki ïoh bynta lang ha ka jingkmen.

1 KORINTH 13:5

ka jingieit kam leh khlem akor lane wad ïa la ka jingmyntoi lane khapnap; ka jingieit kam ju buh jingkynmaw ïa ki jingbakla;

GALATIA 5:13

Na ka bynta jong phi pat, ko ki parabangeit jong nga, la khot ïa phi ban long kiba laitluid. Hynrei wat shah ba kane ka jinglaitluid kan kylla long ka jingailad ïa ki jingkwah brai ka doh ban synshar ïa phi. Pynban, ai ba ka jingieit kan pynlong ïa phi ban ïashakri iwei ïa iwei pat.

GALATIA 6:2

Ïakit markylliang ïa ki jingkit, bad ha kane ka rukom phin kohnguh ïa ka hukum U Khrist.

DEUTERONOMI 3:18

“Nangta nga ai ruh ha ki ïa kine ki jingbthah: ‘U Trai U Blei jong ngi u la ai ïa kane ka ri kaba sha mihngi na Jordan ba phin ïohkynti ïa ka. Mynta pat, pynkieng atiar ïa ki rangïapom jong phi bad phah ïa ki sha shiliang ka Jordan ha shuwa kiwei pat ki jait Israel ban ïarap ïa ki ban ïohkynti ïa ka bynta jong ki de.

DEUTERONOMI 3:20

Ïarap lem ïa la ki para Israel haduh ba kin da ïohkynti ïa kata ka ri ba U Trai u ai ha ki sha sepngi na Jordan bad haduh ba U Trai un shah ba kin im suk im saiñ hangta, kumba u la leh ïa phi hangne. Hadien kata, phi lah ban wan phai sha kane ka ri ïa kaba nga la ai ha phi.

DEUTERONOMI 9:1

“Shahshkor ko Israel! Mynta ka sngi phin jam ïa ka wah Jordan bad knieh ïa kata ka ri jong ki jaitbynriew kiba kham khraw bad kham donbor ban ïa phi. Ki shnong jong ki, ki long kiba heh, bad ki kynroh jong ki, ki kot haduh suiñbneng.

PHILIPPI 2:4

Bad to khmih ïa ki jingdonkam jong iwei ïa iwei pat, ym tang ïa la ka jong.

JOSHUA 1:1

Hadien ka jingïap u Moses, u shakri jong U Trai; U Trai u la kren ha u nongïarap lem jong u Moses, u Joshua u khun jong u Nun.

JOSHUA 1:14

Ki tnga jong phi, ki khun jong phi, bad ki jingri jong phi kin sah hangne, hynrei ki shipai jong phi, kiba la kieng atiar na ka bynta ka thma, kin jam shuwa ïa kiwei pat ki Israel khnang ban ïarap ïa ki

JOSHUA 1:16

Ki la jubab ïa u Joshua, “Ngin leh ïa kaei kaei baroh kaba me la ong ïa ngi bad ngin leit kat shaba me phah ïa ngi.

JOSHUA 22:1

Nangta u Joshua u khot lang ïa ki paidbah jong ki jait Reuben, Gad, bad Manasseh ba sha Mihngi.