JONAH 4:8 - Khasi CL Bible (BSI)

⁸ Hadien ba ka sngi ka la mih, U Blei u la phah ïa ka lyer mihngi kaba shit, bad u Jonah u la jan ïapler na ka jingshit jong ka sngi kaba shoh halor ka khlieh jong u. Kumta u la kwah ban ïap noh. “Ka kham bha ïa nga ban ïap noh ban ïa kaba im,” u la ong.

KA BAIBL

⁸ Bad haba la ïeng ka sngi, U Blei u la khreh ïa ka lyer mihngi kaba pyn-lhep; bad ka sngi ka la shoh ïa ka khlieh u Jonah, haduh ba u la ïapler, bad u la kyrpad ïa lade ba un ïap noh, bad u la ong, “Kham bha ba ngan ïap ban ïa ka ban im.”

JONAH 4:8 ပူးပေါင်းရင်းမြစ်များ

JENESIS 41:6

Nangta, sa hynñiew tylli kiwei pat ki kop kew ki la shylluit, kiba raikhoh bad ba la pyntyrkhong da ka lyer ri shyiap, bad ki kop kew kiba raikhoh ki la nguid noh ïa kiba met.

1 SYIEM 19:4

U Elijah u ïaid baroh shi sngi ha ka ri khlaw. U la sangeh bad shong ha ka jingkah syrngiew u dieng bad u kwah tang ban ïap noh. “Ka la long palat, ko Trai,” u la duwai. “Shim noh ïa ka jingim jong nga; ka bha ïa nga ban ïap noh.”

1 SYIEM 21:4

U Ahab u leit phai sha la ïing, u da sngewsih bad bitar ïa kaei kaba u Naboth u ong ha u. U dem ha la ka jingthiah, u phai shaphang ka kynroh, bad um treh bam ei ei.

Ka Kitab U Job 2:10

U Job u jubab, “Pha kren bieit! Haba U Blei u phah ei ei kaba bha, ngi pdiang ïa kata. Kumno ngi lah ban khñium haba u phah ïa ki jingeh ha ngi?” Wat la u shah ïa ki jingjynjar baroh, u Job um shym la kren ei ei pyrshah ïa U Blei.

Ka Kitab U Job 7:15

haduh ba nga sngew ba ka kham bha ban shah ksih ïap ban ïa kaba dang im ha kane ka met bajynjar sat.

SALM 121:6

Ka sngi kan ym shoh pynmynsaw ïa phi mynsngi, lymne u bnai mynmiet.

SALM 39:9

Ngan sngap jar, ngan ym ong wat tang shikyntien ruh, namar dei ma me uta uba pynlong ïa nga ban shitom kumne.

EKLESIASTIS 7:9

Bat synshar ïa la ka jingkhluit khlieh; ka long ka jingbieit ban pynlang ïa ka jingbatnud.

JINGRWAI SOLOMON 1:6

Wat khmih beiñ ïa nga namar ka rong sniehdoh jong nga, namar ba ka sngi ka la pynkylla rong ïa nga. Ki shynrang kiba shi para bad nga ki bitar ïa nga bad ki pyntrei ïa nga ha ka bri sohwaiñ. Ngam don por ban sumar ïa lade.

ISAÏAH 49:10

Kin ym shahthngan lane sliang shuh. Ka jingshit jong ka sngi bad ka ri shyiap kin ym pynjynjar ïa ki, namar yn ïalam ïa ki da uta uba ieit ïa ki. Un ïalam ïa ki sha ki umpohliew.

ESEKIEL 19:12

Hynrei ki kti ba bitar ki la rat ïa u naduh tynrai bad bret ïa u sha madan. Ka lyer mihngi ka la pyntyrkhong ïa u soh jong u. Ki tnat jong u ki la kheiñ; ki la tyrkhong bad la thang noh.

HOSIA 13:15

Wat lada ki paid Israel ki roi kum ki ñiut, ngan phah ïa ka lyer khluit na mihngi kaba na ri shyiap, bad kan pyntyrkhong ïa ki umpohliew bad ki pung-um jong ki. Kan rong noh ïa kano kano kaba kordor.

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

JONAH 1:17

Ha ka hukum U Trai, u dohkha uba heh u la nguid ïa u Jonah, bad u la don hapoh u dohkha lai sngi lai miet.

JONAH 1:4

Hynrei U Trai u la phah ïa ka lyer kaba jur ha ka duriaw, bad ka 'erïong ka la long kaba khlaiñ haduh katta katta ba ka liengbah ka don ha ka jingma jong ka jingpait jingpra.

JONAH 4:3

Mynta, A Trai, ai ba ngan ïap noh. Ka kham bha ïa nga ban ïap ban ïa ka ban im.”

JONAH 4:9

Hynrei U Blei u la ong ha u, “Me don hok aïu ban bitar ïa u jingthung?” U Jonah u la jubab, “Nga don ka hok baroh ban bitar — ban bitar eh ban ïap!”

MATHAÏOS 20:12

‘Kine ki briew kiba la shah khot bylla khatduh ki la trei tang shi kynta,’ ki la ong, ‘katba ïa ngi la buh ha ka kam baroh shi sngi ha ka jingshit ka sngi — pynban me siew ïa ki kumjuh kumba me la siew ïa ngi!’

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.

JINGPYNPAW 7:16

Lano lano ruh kin ym thngan ne kin ym sliang; ka sngi lymne ka jingshit kyr-ang kan ym thang ïa ki, namar U Khunlangbrot, uba don hapdeng jong ka khet, un long u nongaplangbrot jong ki, bad un ïalam ïa ki sha ki umpohliew jong ka um ba ai jingim. Bad U Blei un ñiad noh ïa ki ummat baroh na ki khmat jong ki.”

1 SAMUEL 3:18

Kumta u Samuel u ïathuh ha u nadong shadong; um shym buhrieh ei ei shuh na u. U Eli u ong, “U long U Trai; ieh un leh katba u sngewbit ïa u.”