JONAH 4:3 - Khasi CL Bible (BSI)

³ Mynta, A Trai, ai ba ngan ïap noh. Ka kham bha ïa nga ban ïap ban ïa ka ban im.”

KA BAIBL

³ Namar kata te, A Trai, nga kyrpad ïa me, to shim noh na nga ïa ka jingim jong nga; naba ka kham bha ïa nga ban ïap ban ïa ka ban im.”

JONAH 4:3 ပူးပေါင်းရင်းမြစ်များ

1 SYIEM 19:4

U Elijah u ïaid baroh shi sngi ha ka ri khlaw. U la sangeh bad shong ha ka jingkah syrngiew u dieng bad u kwah tang ban ïap noh. “Ka la long palat, ko Trai,” u la duwai. “Shim noh ïa ka jingim jong nga; ka bha ïa nga ban ïap noh.”

EKLESIASTIS 7:1

Ka nam kaba bha ka kham kor ban ïa ka jingiwbih baremdor, bad ka sngi kaba phi ïap ka kham bha ban ïa ka sngi ha kaba la kha ïa phi.

EKLESIASTIS 7:9

Bat synshar ïa la ka jingkhluit khlieh; ka long ka jingbieit ban pynlang ïa ka jingbatnud.

JEREMAÏAH 8:3

Bad ki briew jong kane ka jaitbynriew basniew kiba dang im, kiba shong ha ki jaka kiba nga la pynsakma ïa ki, kin jied ban ïap ban ïa kaba ki ïai im. Ma nga, U Trai, nga la kren.”

JONAH 4:4

U Trai u la jubab, “Me don hok aïu ban bitar?”

JONAH 4:8

Hadien ba ka sngi ka la mih, U Blei u la phah ïa ka lyer mihngi kaba shit, bad u Jonah u la jan ïapler na ka jingshit jong ka sngi kaba shoh halor ka khlieh jong u. Kumta u la kwah ban ïap noh. “Ka kham bha ïa nga ban ïap noh ban ïa kaba im,” u la ong.

JINGKHEIÑ 11:15

Lada me leh kumne ïa nga, to sngewsynei ïa nga bad pynïap noh ïa nga, khnang ba ngan ym hap shah shuh ïa kane ka jingleh badonbor jong me.”

JINGKHEIÑ 20:3

bad u ïakren khñium: “Kan jin da la kham bha lada ngi la ïap ha khmat ka Ïingjaiñ U Trai lem bad kiwei pat ki para Israel.

1 KORINTH 9:15

Hynrei ngam shym la pyndonkam ïa kano kano na kine ki jingmyntoi, lymne ngam shym la thoh ïa kane mynta khnang ban dawa ïa kiba kum kine ki hok na ka bynta ïa lade. Kan kham bha ïa nga ba ngan ïap shuwa! Ym don mano mano ban pynkylla ïa ka jingkob badei hok jong nga sha ki kyntien ba thylli!