JONAH 3:6 - Khasi CL Bible (BSI)

⁶ Haba u syiem ka Ninebeh u la ïohsngew shaphang kata, u ïeng joit na la ka khet, u law noh ïa la ka jaiñkup, u phong da ka jaiñ khain, bad u shong ha u dpei.

KA BAIBL

⁶ Te ka jingbna ka leit poi haduh u syiem ka Ninebeh, bad u la ïeng na la ka khet, bad u la buh noh ïa la ka jaiñkup syiem, bad u la tap ïa lade da ka jaiñ byrni, bad u la shong ha ka dpei.

JONAH 3:6 ပူးပေါင်းရင်းမြစ်များ

1 SYIEM 21:27

Haba u Elijah u la dep kren, u Ahab u la kad ïa la ki jaiñ, u la law ïa ki bad u phong da ki jaiñ khain. Um treh bam, u thiah ha ka jaiñ khain, bad u leit phai da kaba khuslai bad rit mynsiem.

Ka Kitab U Job 2:8

U Job u leit bad u shong ha ka kynton ñiut bad u shim da ki saraw khiew ba la pait ban trud ïa ki tohjaw kiba don ha u.

Ka Kitab U Job 42:6

Kumta nga la sngewlehrain ïa baroh kaba nga la ong bad nga kylla-kaba-mut ha u pui pui bad u dpei.

ISAÏAH 15:3

Ki briew ha ki lynti bah ki la kup da ki jaiñ khain, ha ki jaka paidbah jong ka nongbah bad halor ki tnum ïing ki briew ki ïambriew bad kyang.

JEREMAÏAH 13:18

U Trai u la ong ha nga, “To ïathuh ïa u syiem bad ïa ka kmie jong u ban wan hiar na ki khet jong ki, namar ba ki pansngiat ba-itynnat jong ki, ki la hap noh na ki khlieh jong ki.

JEREMAÏAH 36:13

U Mikaïah u la ong ïa ki ïa kiei kiei baroh kiba u la ïohsngew ba u Barukh u la pule ha ki paidbah.

JEREMAÏAH 36:24

Hynrei u syiem lymne uno uno na ki rangbah synshar kiba la ïohsngew ïa kane baroh, kim shym la sheptieng ne pyn-i kano kano ka dak jong ka jingsngewsih.

JEREMAÏAH 6:26

U Trai u ong ha ki briew jong u, “To kup jaiñ khain bad to tyllun ha u dpei. To ïam sngewsih lem bad ki ummat kthang kumba phin ïam ïa u khun marwei, namar uta uba wan ban pynjot ïa phi un tur ïaleh kynsan.

SNGEWSYNEI 2:10

Ki tymmen shynrang jong ka Jerusalem ki shong ha khyndew ha ka jingjar jar, da u pui pui halor ki khlieh jong ki bad ka jaiñ khain ha ki met jong ki. Ki samla kynthei ki pyndem ngon ïa ki khlieh jong ki ha khyndew.

SNGEWSYNEI 3:29

ngi dei ban nguh ha ka jingpyndem, namar dang lah ban don ka jingkyrmen.

ESEKIEL 26:16

Baroh ki syiem jong ki hima ba don hajan ka duriaw kin wan hiar na ki khet jong ki. Kin law noh ïa ki jaiñkup bad ki jaiñ ba-itynnat jong ki bad kin shong kyiuh ha ka khyndew. Kin sngewtriem haduh katta katta ha ka kupar jong pha kat haduh ba kim lah ban sangeh na jingkyiuh.

DANIEL 9:3

Bad nga la duwai jur ha U Trai U Blei, da kaba ïasaid bad u, da kaba shahjingit, da kaba phong ki jaiñ khain, bad da kaba shong ha u dpei.

MIKAH 1:10

Wat ïathuh ïa ki nongshun jong ngi ha Gath shaphang ka jingshahjop jong ngi; wat ai ba kin ïohi ba phi ïam. Ko ki briew ka Beth Leaphrah, pyn-i ïa ka jinglyng-a jong phi da kaba kyrsum ha u pui pui!

MATHAÏOS 11:21

“Katno kan long kaba shyrkhei ïa pha, ko Khorasin! Katno kan long kaba shyrkhei ïa pha ruh, ko Bethsaida! Lada ïa ki kambah kiba la leh ha phi la lah leh ha Tyros bad Sidon, la kham slem ki briew hangta kin jin da la phong da ka jaiñ khain bad synreit da u dpei halor lade, ban pyn-i ba ki la phai noh na ki pop jong ki!

LOUKAS 10:13

“A katno kan long kaba shyrkhei ïa pha, ko Khorasin! A katno kan long kaba shyrkhei ïa pha ruh, ko Bethsaida! Lada ïa ki kambah ba la leh ha phi la lah leh ha Tyros bad ha Sidon, ki briew kiba hangta kin jin da la shong naduh mynshuwa, kin kup ka jaiñ khain bad synreit dpei halor lade, ban pyn-i ba ki la phai noh na ki pop jong ki!