JONAH 3:5 - Khasi CL Bible (BSI)

⁵ Ki briew jong ka Ninebeh ki la ngeit ïa ka khubor U Blei. Kumta ki la ïa-rai ba baroh ki dei ban shahjingit, bad ba baroh ki briew, naduh uba rit tam haduh uba khraw tam, ban phong jaiñ khain ban pynpaw ba ki la kylla-kaba-mut.

KA BAIBL

⁵ Te ki nong Ninebeh ki la ngeit ïa U Blei; bad ki la pynbna ïa ka jingshah jingit, bad ki la phong da ki jaiñ byrni, naduh uba khraw tam jong ki haduh uba rit tam jong ki.

JONAH 3:5 ပူးပေါင်းရင်းမြစ်များ

2 SYIEM 19:1

U syiem Hesekaïah tang mar ïohsngew ïa kaba la ïathuh, u kad ïa la ki jaiñ ha ka jingsngewsih, u phong da ka jaiñ khain, bad u leit sha ka Templ jong U Trai.

2 KHRONIKL 20:3

U Jehoshaphat u la sheptieng bad duwai ha U Trai na ka bynta ka jingïalam. Hadien kata u ai hukum ban pynlong ka jingshah jingit ha ka ri baroh kawei.

ESRA 8:21

Hangta harud ka nur-um jong ka Ahaba, nga ai ki hukum na ka bynta jong ngi baroh ban shahjingit bad pynrit ïa lade ha khmat U Blei jong ngi bad ban kyrpad ïa u ban ïalam ïa ngi ha ka jingïaid lynti jong ngi bad ban ïada ïa ngi bad ki khun ki kti jong ngi bad ïa baroh ki jingdon jingem jong ngi.

ESTHER 4:1

Haba u Mordekai u tip ïa kata baroh ba la leh, u tar ïa la ki jaiñ ha ka jinglyng-a bajur. Nangta u phong da ki jaiñ khain bad sleh ïa ka khlieh da u dpei, bad ïaid lyngba ïa ka nongbah, u da ïam lynñiar kthang, haduh ba un da poi ha ka jaka rung sha ka ïingsyiem.

EKSODOS 33:6

Kumta hadien ba ki la mihnoh na u Lum Sinai, ki Israel kim deng jingdeng shuh.

JEREMAÏAH 31:34

Yn ym don uwei ruh na ki u ban hap hikai ïa la u para ri ban tip ïa U Trai, namar baroh kin tip ïa nga, naduh uba rit tam haduh uba khraw tam. Ngan map ïa ki pop jong ki bad ngan ym kynmaw shuh ïa ki jingbakla jong ki. Ma nga, U Trai, nga la kren.”

JEREMAÏAH 36:9

Ha u bnai bakhyndai jong ka snem kaba san ba u Jehoïakim u la long u syiem ka Judah, ki briew ki la shahjingit ban ïoh ïa ka jingsngewbha U Trai. Ïa ka jingshahjingit la leh da baroh kiba shong basah ha Jerusalem bad da baroh kito kiba la wan hangta na ki shnong ka Judah.

JEREMAÏAH 42:1

Te baroh ki nongïalam ka kynhun shipai, kiba kynthup ïa u Johanan u khun jong u Kareah bad u Asaraïah u khun jong u Heshaïah, ki la wan ryngkat bad ki paidbah kiba ha ki kyrdan baroh bad ki la ong ïa nga, “Sngewbha leh ïa kaei kaba ngi ong ïa phi! To duwai ha U Trai U Blei jong ngi na ka bynta jong ngi. To duwai na ka bynta jong ngi baroh kiba la lait im. Shisien la don bun bah na ngi; hynrei mynta tang khyndiat eh ngi dang sah, kumba phi ïohi.

DANIEL 9:3

Bad nga la duwai jur ha U Trai U Blei, da kaba ïasaid bad u, da kaba shahjingit, da kaba phong ki jaiñ khain, bad da kaba shong ha u dpei.

JOEL 1:14

To ai hukum na ka bynta ka jingshah jingit; to khot na ka bynta ka jingïaseng bah! To ïalumlang ïa ki nongïalam bad ki paid Judah baroh ha ka Templ jong U Trai U Blei jong phi bad to khot kyrpad ïa U.

JONAH 3:7

U la phah ka jingpynbna sha ki briew ka Ninebeh: “Kane ka dei ka hukum na u syiem bad ki rangbah synshar jong u: Yn ym don uno uno u ban bam ei ei; ïa baroh ki briew, ki masi bad ki langbrot la khang ban bam lane ban dih.

MATHAÏOS 12:41

Ha ka Sngi ka Jingbishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki mynba ki la ïohsngew ba u Jonah u ïalap; bad nga ong ha phi ba don hangne uba kham khraw ban ïa u Jonah!

LOUKAS 11:32

Ha ka Sngi Bishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki haba ki la ïohsngew ba u Jonah u ïalap; bad nga pynthikna ïa phi ba don uei re uei hangne uba kham khraw ban ïa u Jonah!

KI KAM 27:25

Kumta, ko ki rangbah, to sngew shlur! Naba nga shaniah ha U Blei ba kan long thik kumba la ïathuh ha nga.

KI KAM 8:10

U la kam ba u long uba khraw, bad uwei uwei baroh ha ka nongbah, na ki kyrdan baroh ha ka imlang ka sahlang, ki pynshahshkor kmang ïa u. “Une u briew u long kata ka bor jong U Blei ïa kaba la khot ‘Ka Borbah’,” ki la ong.

HEBRU 11:1

Ban ngeit ka long ban sngewskhem ïa kiei kiei ïa kiba ngi kyrmen, ban sngewthikna ïa kiei kiei kiba ngim lah ban ïohi.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”