JONAH 3:10 - Khasi CL Bible (BSI)

¹⁰ U Blei u la ïohi ïa kaei kaba ki la leh; u la ïohi ba ki la iehnoh ïa ka jingleh bymman jong ki. Kumta u la kylla jingmut bad um shym la pynshitom ïa ki kumba u la ong ban leh.

KA BAIBL

¹⁰ Bad U Blei u la ïohi ïa ki jingleh jong ki, ba ki la phai noh na la ka lynti basniew; bad U Blei u la kylla-ka-bamut na kata ka jingsniew, kaba u la ong ba un leh ïa ki; te um shym leh ïa ka.

JONAH 3:10 ပူးပေါင်းရင်းမြစ်များ

1 KHRONIKL 21:15

Nangta u phah ïa u angel ban pynjot thiaw ïa ka Jerusalem; hynrei u kylla ïa kaba u mut bad u ong ha u angel, “Keiñ noh! Katto ka la biang!” U angel u ïeng hajan ka jaka shoh kew jong u Araunah, u nong Jebus.

EKSODOS 32:14

Kumta U Trai u la kylla noh ïa la ka jingmut bad um shym wallam ha ki briew jong u ïa ka jingpynjot kaba u la byrngem.

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

JEREMAÏAH 18:7

Lada ha kano kano ka por nga ong ba ngan rat, ngan pynkheiñ, lane pynjot ïa kano kano ka jaitbynriew lane ka hima,

JEREMAÏAH 18:8

hynrei hadien, kata ka jaitbynriew ka phai noh na ka jingsniew jong ka, ngan ym leh ïa kaei kaba nga la ong ba ngan leh.

JEREMAÏAH 36:3

Lehse haba ki paid Judah kin ïohsngew shaphang baroh ka jingpynjot kaba nga thmu ban wallam halor jong ki, kin phai noh na ki lynti bymman jong ki. Te ngan map ïa ka jingbymman jong ki bad ïa ki pop jong ki.”

JEREMAÏAH 42:10

‘Lada phi mon ban ïaisah ha kane ka ri, te ngan kyntiew ïa phi bad ym ban pynjot ïa phi; ngan pynskhem ïa phi bad ym ban rat ïa phi. Ka jingpynjot kaba nga la wanrah ha phi ka la pynlong ka jingsngewsih bakhraw ïa nga.

JOEL 2:13

Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

AMOS 7:3

U Trai u kylla noh la ka jingmut bad u ong, “Kaei kaba phi la ïohi kan ym jia.”

AMOS 7:6

U Trai u kylla biang la ka jingmut bad u la ong, “Kane ruh kan ym jia.”

JONAH 4:11

Katno tam, te, ba ngan don ka jingsngewsynei ïa ka Ninebeh, kata ka nongbah bakhraw. La kumno kumno, ka don palat ïa ka shi lakh arphew hajar ngut ki khunlung balui lui ha ka, kumjuh ruh shibun ki mrad!”

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.

LOUKAS 11:32

Ha ka Sngi Bishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki haba ki la ïohsngew ba u Jonah u ïalap; bad nga pynthikna ïa phi ba don uei re uei hangne uba kham khraw ban ïa u Jonah!

LOUKAS 15:20

Kumta u la ïeng joit bad u la leit phai pat sha la u kpa. “U dang kham pajih ha ka lynti na ïing haba u kpa jong u, u la ïohi ïa u; ka dohnud jong u ka la dap da ka jingisynei, bad u la mareh, u la piam ïa la ki kti sawdong jong u, bad u la doh ïa u.