JONAH 2:9 - Khasi CL Bible (BSI)

⁹ Hynrei ngan rwai ki jingïaroh ïa me; ngan ai ka jingkñia ïa me bad ngan leh ïa kaei kaba nga la kular. Ka jingpynim ka wan na U Trai!”

KA BAIBL

⁹ Hynrei, ma nga, ngan kñia ha me da ka jingsawa ka jingainguh; ngan siew ïa kata kaba nga la kular. Ka jingpynim ka long na U Trai.”

JONAH 2:9 ပူးပေါင်းရင်းမြစ်များ

JENESIS 35:3

Ngin ïamihnoh nangne bad leit sha Bethel, ha kaba ngan tei hangta ïa ka duwan ha U Blei uba la ïarap ïa nga ha ka por ka jingjynjar jong nga bad uba la don lem ryngkat bad nga kat shaba nga leit.”

2 SAMUEL 15:7

Hadien saw snem, u Absalom u ong ha u syiem Dabid, “Kynrad, shah ngan leit sha Hebron ban pyndep ïa la ka kular ba nga la ai ha U Trai.

Ka Kitab U Job 22:27

Haba phi duwai, un jubab ïa phi, bad phin bat ïa ki kular ba phi la pynlong.

SALM 107:22

Ki dei ban sngewnguh ïa u da ki jingkñia, bad da ki jingrwai jong ka jingkmen ki dei ban ïathuh ïa baroh kaba u la leh.

SALM 27:1

U Trai u long ka jingshai jong nga bad ka jingpynim jong nga; ngan ym sheptieng ïano ïano ruh. U Trai u ïada ïa nga na ki jingjynjar baroh; ngan ym sheptieng lano lano ruh.

SALM 3:8

Ka jingjop ka wan na U Trai — to un kyrkhu ïa ki briew jong u.

SALM 50:14

Ai ba ka jingai jong ka jingsngewnguh jong phi kan long ka jingkñia sha U Blei, bad to ai sha U Badonbor Baroh ïa kata baroh kaba phi la kular.

SALM 50:23

Kaba ai ïa ka jingsngewnguh ka long ka jingkñia kaba pyndonburom ïa nga, bad da shisha ngan pynim ïa baroh kiba kohnguh ïa nga.”

SALM 68:20

U Blei jong ngi u long U Blei uba pynim; u long U Trai, u Trai jong ngi, uba pyllait im ïa ngi na ka jingïap.

SALM 95:2

To ngin ïawan ha khmat jong u da ka jingainguh bad rwai kmen da ki jingrwai ïaroh!

ISAÏAH 45:17

Hynrei ïa ki Israel la pynim da U Trai, bad ka jingjop jong u ka neh junom; ki briew jong ka kin ym jahburom.’ ”

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

ÏOANNIS 4:22

Phi ki nong Samaria phim da tip shai ïano phi mane; hynrei ma ngi ki Jiw ngi tip ïano ngi mane, namar ka long na ki Jiw ba ka jingpynim ka wan.

KI KAM 4:12

Ïa ka jingpynim dei ban shem tang lyngba jong u; ha ka pyrthei baroh ym don uno uno ïa uba U Blei u la ai uba lah ban pynim ïa ngi.”

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

DEUTERONOMI 23:18

Nalor kata, ym dei ban wanrah ïa ka kamai nuti, la ka dei ka jong u shynrang ne ka kynthei, sha ka ïing U Trai U Blei jong phi kum ka jingpyndep ïa kano kano ka jingsmai, namar U Trai u isih ïa ki nuti ha ka jaka mane blei.

HEBRU 13:15

Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

JINGPYNPAW 7:10

Ki la pyrta ha ka sur kaba jam: “Ka jingpynim ka wan na U Blei jong ngi, uba shong halor ka khet, bad na uta u Khunlangbrot!”

1 SAMUEL 12:21

Wat ïabeh ïa ki blei thala; kim lah ïarap ïa phi ne pynim ïa phi namar kim dei kiba shisha.