JONAH 2:8 - Khasi CL Bible (BSI)

⁸ Kito kiba mane ïa ki bleithaw bym don jingmyntoi ki la iehnoh na kaba ïaineh ha me.

KA BAIBL

⁸ Kita kiba bat ïa ki jingthala kiba lamler, ki kyntait ïa la ka jong ka jingisynei.

JONAH 2:8 ပူးပေါင်းရင်းမြစ်များ

2 SYIEM 17:15

Ki kyntait ban kohnguh ïa ki jingbthah jong u, kim shym sumar ïa ka jutang kaba u la pynlong bad ki kpa tymmen jong ki, bad kim suidñiew ïa ki jingmaham jong u. Ki la mane ïa ki bleithaw bym shongdor bad ïa lade ki long ki bymdondor, bad ki bud ïa ki rukom jong ki hima ba don sawdong, khlem kohnguh ïa ki hukum U Trai ban pyrthuh bud ïa ki.

SALM 142:4

Haba nga peit ha syndah jong nga, nga ïohi ba ym don uno uno u ban ïarap ïa nga, ym don mano mano ban ïada ïa nga. Ym don uba sngewsynei ïa nga.

SALM 31:6

Me isih ïa kito kiba mane ïa ki blei thala, hynrei nga shaniah ha me.

SALM 69:14

To pyllait im ïa nga na kaba ngam ha ka ahor ktieh; to sumar ïa nga na ki nongshun jong nga, ban lait na ki um kiba jylliew.

JEREMAÏAH 10:8

Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

MIKAH 1:2

To sngew ïa kane, phi ki jaitbynriew baroh; to sngap ïa kane, ko phi kiba im ha ka pyrthei! U Trai Nongsynshar un sakhi pyrshah ïa phi. To shahshkor! U kren na ka templ ba kynja bneng.

1 SAMUEL 12:21

Wat ïabeh ïa ki blei thala; kim lah ïarap ïa phi ne pynim ïa phi namar kim dei kiba shisha.