JONAH 2:6 - Khasi CL Bible (BSI)

⁶ Nga la ngam shaduh ki trai jong ki lumbah, sha ka ri kaba ki khyrdop ki khang junom. Hynrei ma me, A Trai U Blei jong nga, me la wanrah im pat ïa nga na ki jingjylliew.

KA BAIBL

⁶ Nga la hiar haduh trai jong ki lum; ka khyndew bad la ki narkhang ka la set khop ïa nga junom: pynban, me la kyntiew ïa ka jingim jong nga na ka jingtep, A Trai U Blei jong nga.

JONAH 2:6 ပူးပေါင်းရင်းမြစ်များ

Ka Kitab U Job 33:24

Ha ka jingsngewsynei u angel un ong, “Pyllait noh ïa u! Um dei ban leit hiar sha ka pyrthei kiba ïap. Hangne ka don ka kuna ban pyllaitluid ïa u.”

Ka Kitab U Job 33:28

U la bat ïa nga na ka ban leit hiar sha ka pyrthei kiba ïap, bad mynta nga dang im.”

SALM 104:6

Me buh ïa ka duriaw-bah halor jong ka kum ka barandi, bad ka um ka tap ïa ki lumbah.

SALM 104:8

Ki tuid nalor ki lumbah bad sha ki them, sha ka jaka ba me la buh na ka bynta jong ki.

SALM 116:3

Ka jingma jong ka jingïap ka la ker sawdong jong nga; ki jingngiew jong ka jingtep ki la hajan ïa nga; la pyndap ïa nga da ka jingtieng bad ka jingkhuslai.

SALM 143:7

To jubab ïa nga mynta, A Trai! Nga la duh baroh ka jingkyrmen. To wat buhrieh ïa lade na nga, ïoh ngan long hapdeng kito kiba leit hiar sha ka pyrthei kiba ïap.

SALM 16:10

namar me ïada ïa nga na ka bor jong ka jingïap. Nga la shakri hok ïa me, bad men ym iehnoh ïa nga ha ka pyrthei kiba ïap.

SALM 18:5

Ka jingma jong ka jingïap ka la don sawdong jong nga, bad ka jingtep ka la pynap ïa la ka jingriam ïa nga.

SALM 30:3

me la sumar ïa nga na ka jingtep. Nga la don ha ka lynti shaduh kaba jylliew tam shapoh, hynrei me pynïoh pat ïa ka jingim jong nga.

SALM 30:9

“Kaei kaba men ïohnong na ka jingïap jong nga? Kaei ka jingïohnong na ka jingleit jong nga sha ka jingtep? Hato ki briew ba la ïap ki lah ban ïaroh ïa me? Ki lah ne em ban pynbna ïa ka jingbha baïaineh jong me?

SALM 55:23

Hynrei ma me, A Blei, men wallam ïa kito ki nongpynïap briew bad ki nongshukor sha ki jingtep jong ki ha shuwa ba shiteng jingim jong ki kan kut noh. Katba ma nga, ngan shaniah ha me.

SALM 65:6

Me la buh ïa ki lumbah ha la ka jaka da ka jingkhlaiñ jong me, da kaba pyn-i ïa ka borbah jong me.

SALM 69:2

nga ngam ha ka ahor ktieh bajylliew bad ym don kano kano ka 'dew eh; nga la don ha ki um bajylliew, bad ki jingat phyllung ki la jan pynjyllop ïa nga.

ISAÏAH 38:10

Nga pyrkhat ba ha ka jingdap pura ka jingim, nga la leit sha ka pyrthei kiba ïap, ban ym lah ban pynkut ïa ka jingim jong nga.

ISAÏAH 38:17

Ka jingkthang jong nga ka kylla sha ka jingsuk. Me pyllait ïa ka jingim jong nga na ka jingma baroh; me map ïa ki pop jong nga baroh.

ISAÏAH 40:12

Don uno uno uba lah ban thew ïa ka duriaw-bah da ki lynghoh kti lane ban thew ïa ka sahit bneng da ki kti jong u? Don uno uno uba lah ban bat ïa ka khyndew jong ka pyrthei ha ka khuri lane thew ïa ki lumbah bad lumrit ha ki tarajur?

ESEKIEL 26:20

Ngan phah ïa pha sha trai jong ka pyrthei kiba ïap ban pynïasoh bad ki briew kiba shong ha ki por mynbarim. Ngan pynlong ïa pha ba phan shong ha kata ka pyrthei kaba shapoh ka khyndew hapdeng ki jingjot bymjukut, ban ïadon lang bad kiba ïap. Namarkata phan ym lah shuh ban shong ban sah ha ka ri jong ki briew kiba im.

ESEKIEL 31:14

Bad kumta naduh mynta hi, yn ym don shuh u dieng, kam pher katno la ai um bha ïa u, un jrong pat sa shisien ne u ban kynjoh ïa la ka kliar lyngba ki lyoh bad u ban kot kat kato ka rynïeng. Ïa ki baroh la buh ban ïap kum ïa baroh ki briew ba dei ban ïap, la buh ba kin ïasoh bad kito kiba leit hiar sha ka pyrthei kiba ïap.”

HABAKKUK 3:10

Haba ki lumbah ki la ïohi ïa me, ki kyiuh; ka um ka hap na ki sahit bneng. Ki um hapoh ka khyndew ki kyrhuh, bad ki jingat phyllung jong ki, ki kiew shalor.

HABAKKUK 3:6

Haba u sangeh, ka pyrthei ka khih; u tang shu peit, ki jaitbynriew ki kyiuh. Ki lumbah ba bymjukut ki khih; ki lumrit baneh junom ki ngam shapoh, ki lumrit ha kiba u ju ïaid ha ki por mynbarim.

MATHAÏOS 16:18

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.

DEUTERONOMI 32:22

Ka jingbitar jong nga kan meh lep kum ka ding, bad kan thang duh katba don ha sla pyrthei. Kan pur de shaduh ñiamra, bad kan thang ïa ki tynrai jong ki lumbah.