JONAH 2:4 - Khasi CL Bible (BSI)

⁴ Nga la pyrkhat ba ïa nga la beh noh na ka jingdon ryngkat jong me bad ba ngan ym ïohi shuh lano lano ruh ïa ka Templ bakhuid jong me.

KA BAIBL

⁴ Te nga la ong, “La shop noh ïa nga na khmat ki khmat jong me; pynban, ngan peit pat sha ka templ ka bakhuid jong me.

JONAH 2:4 ပူးပေါင်းရင်းမြစ်များ

1 SYIEM 8:48

Lada ha kata ka ri ki kylla-kaba-mut da kaba shisha bad kaba sngur mynsiem, bad ki duwai ha me da kaba phai khmat sha kane ka ri kaba me la ai ha ki kpa tymmen jong ngi, sha kane ka nongbah kaba me la jied, bad sha kane ka Templ ïa kaba nga la tei na ka bynta jong me, to shahshkor ïa ki jingduwai jong ki.

1 SYIEM 9:7

ngan jynrat noh ïa ki Israel na kane ka ri ïa kaba nga la ai ha ki; bad ngan kyntait noh ïa kane ka ïing ïa kaba nga la pynkyntang na ka bynta ka kyrteng jong nga; bad ki Israel kin sa shah rkhiebeiñ bad shah kynshi hapdeng ki jaitbynriew baroh.

2 KHRONIKL 6:38

Lada ha kata ka ri ki kylla-kaba-mut shisha bad ha ka jingsngur mynsiem bad ki duwai sha me da kaba phai khmat sha kane ka ri ïa kaba me la ai ha ki kpa tymmen jong ngi, sha kane ka nongbah ïa kaba me la jied, bad sha kane ka Templ ïa kaba nga la tei na ka bynta jong me, to shahshkor ïa ki jingduwai jong ki.

SALM 31:22

Nga la sheptieng bad nga pyrkhat ba u la beh noh ïa nga na ka jingdon ryngkat jong u. Hynrei u ïohsngew ïa ka jingïam jong nga, haba nga khot kyrpad ïa u ban ïarap.

SALM 42:8

To U Trai un pyn-i ïa ka jingieit baneh jong u ha ka por mynsngi, khnang ba nga lah ban don ka jingrwai ha ka por mynmiet, ka jingduwai ha U Blei jong ka jingim jong nga.

SALM 5:7

Hynrei namar ka jingieit kaba khraw jong me nga lah ban wan shapoh ka ïing jong me; nga lah ban mane ha ka Templ kaba khuid jong me bad ban mane dem ïa me da ka jingtiengburom.

SALM 88:6

Me la bret ïa nga sha kiba jylliew ka jingtep, sha ka kaba dum tliw tliw bad ka 'liewlong bajylliew.

SALM 88:7

Ka jingbitar jong me ka bankhia ïa nga; bad ïa nga la pynlwet hapoh ki jingat phyllung jong ka.

ISAÏAH 38:17

Ka jingkthang jong nga ka kylla sha ka jingsuk. Me pyllait ïa ka jingim jong nga na ka jingma baroh; me map ïa ki pop jong nga baroh.

ISAÏAH 49:14

Hynrei ki briew jong ka Jerusalem ki la ong, “U Trai u la iehnoh ïa ngi! U la klet ïa ngi.”

JEREMAÏAH 15:1

Nangta U Trai u la ong ha nga, “Wat lada u Moses bad u Samuel kin ïeng hangne ban ïasaid bad nga, ngan ym pyn-i jingisynei ei ei ïa kine ki briew. Pynlong ïa ki ban leit noh; pynlong ïa ki ban phet noh na khmat jong nga.

JEREMAÏAH 7:15

Ngan beh noh ïa phi na ka jingïohi jong nga kumba nga la leh ïa ki ba-ha-ïing ha-sem jong phi, ki paid Israel. Ma nga, U Trai, nga la kren.”

SNGEWSYNEI 3:54

Ka um ka la sdang ban tyllep ïa nga, bad nga la pyrkhat ba ka jingïap ka la jan.

ESEKIEL 37:11

U Blei u la ong ha nga, “Ko khun u briew, ki briew ka Israel ki long kum kine ki shyieng. Ki ong ba ki la tyrkhong, khlem kano kano ka jingkyrmen bad ym don shuh ka lawei.

DANIEL 6:10

Haba u Daniel u la tip ba ïa ka hukum la lah soi, u la leit sha ïing. Ha ka kamra kaba haneng jong ka ïing jong u la don ki jingkhangïit kiba phai sha Jerusalem. Hangta, kumba u la ju ïai leh, u la dem khohsiew ha ki jingkhangïit ba la plie bad u duwai sha U Blei lai sien shi sngi.

JONAH 2:7

Haba nga la sngew kumba ka jingim jong nga ka la syntuid noh na nga, te, A Trai, nga la khot kyrpad ïa me, bad ha ka Templ bakhuid jong me, me la ïohsngew ïa nga.