JONAH 2:2 - Khasi CL Bible (BSI)

² “Ha ka jingjynjar jong nga, A Trai, nga la khot kyrpad ïa me, bad me la jubab ïa nga. Na ka jingjylliew jong ka pyrthei kiba ïap nga la khot kyrpad na ka bynta ka jingïarap, bad me la ïohsngew ïa nga.

KA BAIBL

² bad u la ong, “Nga la kyrpad ha U Trai namar ka jingjynjar jong nga, te u la phai ktien ha nga; na ka kpoh ka dujok nga la kyang, bad me la ïohsngew ïa ka ktien jong nga.

JONAH 2:2 ပူးပေါင်းရင်းမြစ်များ

2 KHRONIKL 33:12

Ha ka jingshitom jong u, u la pynrit ïa lade, u phai sha U Trai U Blei jong u, bad u kyrpad ïa ka jingïarap jong u.

SALM 116:3

Ka jingma jong ka jingïap ka la ker sawdong jong nga; ki jingngiew jong ka jingtep ki la hajan ïa nga; la pyndap ïa nga da ka jingtieng bad ka jingkhuslai.

SALM 120:1

Haba nga don ha ka jingjynjar, nga la khot kyrpad ïa U Trai; bad u la jubab ïa nga.

SALM 16:10

namar me ïada ïa nga na ka bor jong ka jingïap. Nga la shakri hok ïa me, bad men ym iehnoh ïa nga ha ka pyrthei kiba ïap.

SALM 22:24

Um shym leh klet ïa kiba duk lane leh bymsuidñiew ïa ki jingshitom jong ki; um shym phai lyndet na ki, hynrei u jubab haba ki pan jingïarap.”

SALM 34:6

Ki bym don jingïarap ki kyrpad ïa u, bad u jubab; u pyllait im ïa ki baroh na ki jingjynjar jong ki baroh.

SALM 4:1

To jubab ïa nga haba nga duwai, A Blei, u nongïada jong nga! Haba nga don ha ka jingjynjar, me la ïarap ïa nga. To lehsbun ïa nga mynta bad to sngew ïa ka jingduwai jong nga.

SALM 61:2

Ha ka jingduh jingkyrmen bad ha ka jingjngai na ïing nga khot kyrpad ïa me! To ïalam ïa nga sha ka jakarieh kaba shngain,

SALM 65:2

namar me jubab ïa ki jingduwai. Ki briew ha kylleng kin wan sha me

SALM 86:13

A katno kaba khraw ka jingieit baneh jong me ïa nga! me la pyllait im ïa nga na ka jingtep hi.

ISAÏAH 14:9

“Ka pyrthei jong kiba ïap ka pynkhreh ban pdiang sngewbha ïa u syiem jong ka Babilonia. Ki sna-ïap jong kito kiba donbor ha ka pyrthei ki ïakhih ksar. Ki sna-ïap jong ki syiem ki ïeng na ki khet jong ki.

SNGEWSYNEI 3:55

“Na trai jong ka thliew, Ko Trai, nga la kyang jam sha me,

ESEKIEL 26:20

Ngan phah ïa pha sha trai jong ka pyrthei kiba ïap ban pynïasoh bad ki briew kiba shong ha ki por mynbarim. Ngan pynlong ïa pha ba phan shong ha kata ka pyrthei kaba shapoh ka khyndew hapdeng ki jingjot bymjukut, ban ïadon lang bad kiba ïap. Namarkata phan ym lah shuh ban shong ban sah ha ka ri jong ki briew kiba im.

ESEKIEL 31:14

Bad kumta naduh mynta hi, yn ym don shuh u dieng, kam pher katno la ai um bha ïa u, un jrong pat sa shisien ne u ban kynjoh ïa la ka kliar lyngba ki lyoh bad u ban kot kat kato ka rynïeng. Ïa ki baroh la buh ban ïap kum ïa baroh ki briew ba dei ban ïap, la buh ba kin ïasoh bad kito kiba leit hiar sha ka pyrthei kiba ïap.”

MATHAÏOS 12:40

Ha kajuh ka rukom ba u Jonah u la pynlut lai sngi bad lai miet hapoh u dohkha uba heh, kumta U Khun U Briew un pynlut lai sngi bad lai miet ha kiba jylliew jong ka khyndew.

LOUKAS 11:10

Naba uno uno uba pan un ïohpdiang, bad uta uba wad un shem, bad ïa ka jingkhang yn plie ïa uno uno uba tied.

LOUKAS 22:44

Ha ka jinglyng-a kaba khraw u la duwai kham jur shuh shuh; ka syep jong u ka la long kum ki jingjaw ka snam kaba hap ha madan.

KI KAM 2:27

namar men ym iehnoh ïa nga ha ka pyrthei kiba ïap; men ym shah ïa u shakri baïaineh jong me ban pyut hapoh ka jingtep.

HEBRU 5:7

Ha ka jingim jong u ha kane ka pyrthei, U Jisu u la duwai bad khot kyrpad da kaba pyrta jam bad ïam ha khmat U Blei, uba lah ban pyllait ïa u na ka jingïap. Namar ba u long uba sngewrit bad aiti lut, U Blei u la shahshkor ïa u.

1 SAMUEL 1:16

Wat ñiew ïa nga kum ka kynthei ka bymdondor ei ei. Nga duwai kumne namar ba nga sngew kordit sat ïa lade.”

1 SAMUEL 30:6

U Dabid u don mynta ha ka jingma kaba khraw, namar ki briew jong u kiba la sngewkthang haba ki la duh ïa la ki khun ki kti bad ki byrngem ban lynthem maw ïa u; hynrei U Trai U Blei jong u, u ai ha u ka jingshlur.