JONAH 1:6 - Khasi CL Bible (BSI)

⁶ U kapten u la shem ïa u hangta bad u ong ïa u, “Me leh aïu da kaba ïohthiah? To khie bad to duwai ha u blei jong me na ka bynta ka jingïarap. Lehse un sngewlem ïa ngi bad pyllait im ïa ngi.”

KA BAIBL

⁶ Kumta, u rangbah lieng u la wan ha u, bad u la ong ha u, “Me mut aïu, ko nongthiah? To khie, to duwai ha U Blei jong me, ïoh lehse U Blei un kynmaw ïa ngi, ba ngin ym ïap.”

JONAH 1:6 ပူးပေါင်းရင်းမြစ်များ

2 SAMUEL 12:22

“Ho-oid,” u Dabid u jubab, “Nga la shahjingit bad ïam katba i dang im. Nga la pyrkhat ba U Trai lehse un sngewsynei ïa nga bad un ym shah ba i khunlung in ïap.

ESTHER 4:16

“To khie leit bad ïalumlang ïa baroh ki Jiw ha Susa; pynlong ka jingshah jingit bad duwai na ka bynta jong nga. Wat bam lane dih ei ei na ka bynta lai sngi bad lai miet. Ki shakri kynthei jong nga bad ma nga, ngin leh kumjuh. Hadien kata, ngan leit sha u syiem, wat la ka long pyrshah ïa ka aiñ. Lada ka dei ïa nga ban ïap na ka bynta kata, ai ngan ïap.”

SALM 107:6

Te ha ka jingjynjar jong ki, ki la khot kyrpad ïa U Trai, bad u la pynim ïa ki na ka jingjynjar jong ki.

SALM 78:34

Ha man ba u pynïap ïa ki katto katne na ki, kiba sah ki ju phai sha u; ki ju kylla-kaba-mut bad duwai naduh ka dohnud sha u.

ISAÏAH 3:15

Phim don hok ban khñiot ïa ki briew jong nga bad ban shim kabu ïa kiba duk. Ma nga U Nongsynshar U Trai Badonbor baroh nga la kren.”

ESEKIEL 18:2

bad u ong, “Kaei kane ka proberb kaba ki briew ki ïai kren ha ka ri Israel? “ ‘Ki kmie ki kpa ki bam ïa ki sohwaiñ bajew, hynrei ki khun ki la ïoh ka jingmad bajew.’

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

AMOS 5:15

Isih ïa kaei kaba sniew, ieit ïa kaei kaba bha, bad peit ba ka jingbishar hok ka ïeng ha ki ïingbishar. Lehse U Trai, un isynei ïa ki briew jong kane ka hima kiba dang pynsah ban im.

JONAH 3:8

Baroh ki briew bad ki mrad ki dei ban phong ki jaiñ khain. Uwei pa uwei u dei ban duwai jur ha U Blei bad u dei ban iehnoh ïa ka jingleh bymman bad ki kam sniew jong u.

JONAH 3:9

Lehse U Blei un kylla ka jingmut jong u; lehse un sangeh noh na kaba bitar, bad ngin ym ïap!”

KI KAM 21:13

Hynrei u la jubab, “Phi ïaleh aïu, da kaba ïam kumne bad pynpait ïa ka dohnud jong nga? Nga la kloi ym tang ban shah khum ha Jerusalem hynrei wat ban ïap ruh hangta na ka bynta U Trai Jisu.”

Ka Shithi U Paul Sha Ki Nong Rom 13:11

Phi dei ban leh ïa kane, namar phi tip ba ka por ka la poi na ka bynta jong phi ban kyndit noh na kaba ïohthiah. Naba ka khyllipmat ban pynim ïa ngi ka long kham hajan mynta ban ïa kaba mynba ngi la ngeit.

EPHESOS 5:14

Kata ka long balei ba la ong, “To khie joit, me uba ïohthiah, bad to mih na kiba ïap, bad U Khrist un tyngshaiñ halor jong me.”