JONAH 1:5 - Khasi CL Bible (BSI)

⁵ Ki maji ki la sngewshyrkhei bad ki la pyrta ban ïoh jingïarap, uwei pa uwei sha la u jong u blei. Nangta, khnang ban pynduna ïa ka jingma, ki bret noh ïa ka jingkit nalor lieng. Ha kata ka por, u Jonah u la hiar sha ka bynta bashapoh, u thiah ha trai ka lieng, u ïohthiah lyngngai.

KA BAIBL

⁵ Ynda kumta, ki riewlieng ki la sheptieng, bad ki la kyrpad uwei uwei baroh ïa la u blei; bad ki la bred noh sha ka duriaw ïa ki mar kiba ha ka lieng, khnang ban pynsting ïa ka, ïa lade. Hynrei, u Jonah u la lah hiar sha ki jaka ba kham shapoh jong ka lieng; bad u la thiah, bad u la ïohthiah lyngngai ruh.

JONAH 1:5 ပူးပေါင်းရင်းမြစ်များ

1 SYIEM 18:26

Ki la shim ïa u masi dab ba la wanrah sha ki, ki la pynkhreh ïa u, bad ki la duwai ha u Baal haduh shiteng sngi. Ki la pyrta jam, “Jubab ïa ngi, ko Baal!” bad ki la shad sawdong ïa ka duwan kaba ki la shna. Hynrei kim shym ïoh jubab.

Ka Kitab U Job 2:4

U Soitan u jubab, “U briew un iehnoh ïa kiei kiei baroh tang ban pynsah ïa la ka jingim.

SALM 107:25

U hukum, bad ka lyer bah ka sdang ban beh bad pynmih ki jingat phyllung.

SALM 148:8

phi ka leilieh bad u phria, ka ïor bad ki lyoh, ki lyer bakhlaiñ kiba kohnguh ïa ka hukum jong u.

EKLESIASTIS 3:6

U buh ka por ban shem bad ka por ban jah, ka por ban kynshew bad ka por ban bret noh,

ISAÏAH 45:20

U Trai u ong, “Ale lang, ko ki briew jong ki hima, baroh kiba lait im na ka jingkyllon ka hima-patsha; ai ïa lade na ka bynta ka jingbishar! Ki briew kiba ïaid bad la ki bleithaw kiba da ki dieng bad duwai sha ki blei ki bym lah ban pynim ïa ki — kito ki briew ki bymtip ei ei satia!

JEREMAÏAH 2:28

“Hangno ki blei kiba phi la thaw na ka bynta ïa lade? Haba phi don ha ka jingjynjar, ai ba ma ki kin pynim ïa phi — lada ki lah! Ko Judah pha la don shibun ki blei kumba pha don ki nongbah.

HOSIA 7:14

Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!

JONAH 1:14

Kumta ki la kyang sha U Trai, “A Trai, ngi duwai, to wat pynshitom ïa ngi da ka jingïap ban shim ïa ka jingim jong une u briew! Ma me, ko Trai, me kitkhlieh na ka bynta kane baroh; ka long ka jingleh jong me.”

JONAH 1:16

Kane ka la pynlong ïa ki maji ban sheptieng ïa U Trai ha kaba ki la ai ka jingkñia bad kular ban shakri ïa u.

JONAH 1:6

U kapten u la shem ïa u hangta bad u ong ïa u, “Me leh aïu da kaba ïohthiah? To khie bad to duwai ha u blei jong me na ka bynta ka jingïarap. Lehse un sngewlem ïa ngi bad pyllait im ïa ngi.”

MATHAÏOS 25:5

U nongleitkurim u la slem ban wan, kumta ki theisotti ki la sdang ban kohnguh samthiah.

MATHAÏOS 26:43

U wan phai biang sa shisien bad u la shem ba ki synran ki ïohthiah; kim lah ban khyllie ïa ki khmat jong ki.

MATHAÏOS 26:45

Nangta u la wan phai pat sha ki synran bad u la ong, “Phi dang ïohthiah bad pynjahthait? Ha khmih! Ka por ka poi ïa U Khun U Briew ba yn aiti noh ha ka bor ki briew kiba pop.

KI KAM 27:38

Hadien ba uwei uwei baroh u la bam kdang, ki la pynsting ïa ka lieng da kaba bret noh ïa u kew baroh sha ka duriaw.

NONGBISHAR 16:19

Ka Delilah ka kynoi thiah ïa u Samson ha pneh jong ka bad nangta ka khot ïa uwei u briew, uba khi noh ïa kita ki hynñiew tylli ki kynthrong shñiuh jong u Samson. Kumta ka sdang ban pynsaja ïa u, naba u la duh noh ïa ka bor jong u.

1 SAMUEL 24:3

U wan poi ha ka krem hajan ki katto katne ki jaka set blang kiba harud lynti, bad u rung shapoh ban leit shabar. Ka jia ryngkhat ba ka dei kajuh ka krem ha kaba u Dabid bad ki rangbah jong u ki rieh kham shapoh jong kata ka krem.