JONAH 1:4 - Khasi CL Bible (BSI)

⁴ Hynrei U Trai u la phah ïa ka lyer kaba jur ha ka duriaw, bad ka 'erïong ka la long kaba khlaiñ haduh katta katta ba ka liengbah ka don ha ka jingma jong ka jingpait jingpra.

KA BAIBL

⁴ Hynrei, U Trai u la pynmih noh ïa ka lyer kaba jur sha ka duriaw, bad la don ka 'erïong kaba khraw ha ka duriaw, ba kumta ka lieng ka la imat kum ban sa pait.

JONAH 1:4 ပူးပေါင်းရင်းမြစ်များ

SALM 135:6

U leh ïa kat kaba u mon ha bneng bad ha pyrthei, ha ki duriaw bad ha ki jingjylliew bashapoh.

SALM 135:7

U wanrah ïa ki lyoh 'erïong na kiba kut ka pyrthei; u pynlong leilieh ïa ki 'erïong, bad u wanrah shabar ïa ka lyer na la ka jaka buh.

SALM 148:8

phi ka leilieh bad u phria, ka ïor bad ki lyoh, ki lyer bakhlaiñ kiba kohnguh ïa ka hukum jong u.

EKSODOS 10:13

Kumta u Moses u rah ïa la u diengduh, bad U Trai u la pynlong ïa ka lyer na shaphang mihngi ban beh ha kata ka ri baroh shi sngi bad baroh shi miet. Ynda mynstep kata ka lyer mihngi ka wan kit ïa ki puit.

EKSODOS 10:19

Bad U Trai u la pynkylla ïa ka lyer mihngi sha ka lyer sepngi kaba jur, kaba la rong noh ïa ki puit bad bret ïa ki sha ka Duriaw Basaw. Ym shym sah shuh uwei ruh u puit ha ka ri Ijipt baroh kawei.

EKSODOS 14:21

U Moses u kner ïa la ka kti halor ka duriaw, bad U Trai u kyndat ïa kata ka duriaw da ka lyer mihngi kaba jur. Kata ka lyer ka beh jur baroh shi miet bad ka pynlong dewryngkhiang ïa ka duriaw.

EKSODOS 15:10

Pynban tang shisien pyrsad na me, ko Trai, ka la pynïap jyllop ïa ki nong Ijipt; ki ngam kum ka sisa ha ka umbah bashyrkhei.

JEREMAÏAH 51:16

Ha ka hukum jong u ki um halor ka suiñbneng ki kyrhuh; u wallam ïa ki lyoh na kiba kut ka khyndew. U pynlong ïa ka leilieh ban thaba ha u slap bad u phah ïa ka lyer na ka kamra jingkynshew jong u.

AMOS 4:13

U Blei u long uta uba la thaw ïa ki lumbah bad uba pynlong ïa ki lyer. U pynpaw ïa la ki jingmut ha u briew; u pynkylla ïa ka sngi sha ka miet. U ïaid ha kiba kynjang jong ka pyrthei. Kane ka long ka kyrteng jong u: U Trai U Blei Badonbor Baroh!

JINGKHEIÑ 11:31

Kyndit kyndit U Trai u phah ïa ka lyer kaba wan kit ïa ki 'iar khiar na duriaw, kiba her kumba shi mitar na sla khyndew. Kine ki dem ha ka jaka sher dara bad baroh sawdong jong ka da bun bun kilomitar kat shaba phai.