JONAH 1:2 - Khasi CL Bible (BSI)

² U ong, “Khie leit sha Ninebeh, kata ka nongbah kaba khraw, bad to kren pyrshah ïa ka; nga tip haduh katno kiba bymman ki briew jong ka ki long.”

KA BAIBL

² “To ïeng, to leit sha Ninebeh, kata ka nongbah kaba khraw, bad to pyrta pyrshah ïa ka; naba ka jingleh bymman jong ki ka la wan kiew ha khmat jong nga.”

JONAH 1:2 ပူးပေါင်းရင်းမြစ်များ

JENESIS 10:11

Na kata ka ri u leit sa sha Assyria, bad u tei hangta ïa ki nongbah ka Ninebeh, ka Rehoboth Ir, ka Kalah,

2 SYIEM 19:36

Nangta u Sennakherib, u patsha ka Assyria u kylla dien bad phai noh sha Ninebeh.

2 KHRONIKL 28:9

U briew uba kyrteng u Oded, u nongïathuhlypa jong U Trai; u shong ha ka nongbah Samaria. U ïakynduh ïa ka kynhun shipai Israel kaba wan phai bad ki koidi Judia hamar ba kin rung sha ka nongbah bad u ong: “U Trai U Blei ki kpa tymmen jong phi, u la bitar ïa ki Judah, bad u la shah ïa phi ban jop; hynrei mynta u la ïohsngew ïa ka jinglehbeiñ palat jong phi ba phi pynïap ïa ki.

ESRA 9:6

Nga ong, “A Blei, nga sngewlehrain haduh katta katta ban rah ïa la ka khlieh ha ka jingdon jong me. Ki pop jong ngi ki la kynton palat ïa ki khlieh jong ngi; ki la poi shaduh sha bneng.

ISAÏAH 37:37

Te u Sennakherib u patsha ka Assyria u iehnoh bad leit phai sha Ninebeh.

ISAÏAH 58:1

U Trai u ong, “To pyrta jam katba phi lah! Ïathuh ïa ki briew jong nga ki Israel shaphang ki pop jong ki.

JEREMAÏAH 20:9

Hynrei haba nga ong, “Ngan klet noh ïa U Trai bad ngan ym kren shuh ha ka kyrteng jong u,” te ka khubor jong me ka long kum ka ding kaba klang jylliew hapoh jong nga. Nga la pyrshang kat kaba nga lah ban kun ïa ka, hynrei ngam lah ban bat ïa ka.

ESEKIEL 2:7

Men ong ha ki ïa kaei ba nga bthah ïa me ban ong, lada ki sngap ne kim sngap. Kynmaw ba ki long ki nongïaleh pyrshah.

HOSIA 7:2

Kam ju rung ha ki jingmut jong ki ba ngan kynmaw ïa kane ka kam sniew baroh; hynrei ki pop jong ki, ki ker sawdong ïa ki, bad ngam lah khlem da ïohi ïa ki.”

JONAH 3:2

U ong, “Khie leit sha Ninebeh, kata ka nongbah bakhraw, bad to pynbna ha ki briew ïa ka khubor kaba nga la ai ha me”

JONAH 3:3

Kumta u Jonah u la kohnguh ïa U Trai bad u la leit sha Ninebeh, ka nongbah kaba heh haduh katta katta ba ka la shim por lai sngi ban ïaid lyngba jong ka.

JONAH 4:11

Katno tam, te, ba ngan don ka jingsngewsynei ïa ka Ninebeh, kata ka nongbah bakhraw. La kumno kumno, ka don palat ïa ka shi lakh arphew hajar ngut ki khunlung balui lui ha ka, kumjuh ruh shibun ki mrad!”

MIKAH 3:8

Hynrei na ka bynta jong nga, U Trai u pyndap ïa nga da U Mynsiem bad ka bor, bad u ai ha nga ka jingsngewthuh ïa ka jingbishar hok bad ka jingshlur ban ïathuh ha ki paid Israel kiei ki long ki pop jong ki.

NAHUM 1:1

Kane ka long ka khubor shaphang ka Ninebeh, ka jingïathuh shaphang ka jingïohipaw kaba la ïohi da u Nahum, uba dei na Elkosh.

NAHUM 3:19

Ym don jingpynkoit ei ei ïa ki jingmynsaw jong me, bad ïa ki jingmong jong me ym lah ban pynkoit. Baroh kito kiba ïohsngew ïa ka khubor shaphang ka jingpynjot ïa me ki thap ïa la ki kti ha ka jingkmen. Hato uno uno un lait phet na ka jinglong runar bymkut jong me?

MATHAÏOS 10:18

Na ka bynta jong nga phin shah tian bishar ha khmat ki nongsynshar bad ki syiem, ban ïathuh ïa ka Khubor Babha ha ki bad ha ki Jentil.

MATHAÏOS 12:41

Ha ka Sngi ka Jingbishar ki briew jong ka Ninebeh kin ïeng joit bad mudui ïa phi, namar ki la phai noh na ki pop jong ki mynba ki la ïohsngew ba u Jonah u ïalap; bad nga ong ha phi ba don hangne uba kham khraw ban ïa u Jonah!

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

JINGPYNPAW 18:5

Naba ïa ki pop jong ka la kynton shajrong kat shaduh bneng, bad U Blei u kynmaw ïa ki kam bymman jong ka.