JONAH 1:16 - Khasi CL Bible (BSI)

¹⁶ Kane ka la pynlong ïa ki maji ban sheptieng ïa U Trai ha kaba ki la ai ka jingkñia bad kular ban shakri ïa u.

KA BAIBL

¹⁶ Ynda kumta, kita ki briew ki la sheptieng shibun ïa U Trai; bad ki la ainguh ïa ka jingkñia ha U Trai, bad ki la kular ki jingkular.

JONAH 1:16 ပူးပေါင်းရင်းမြစ်များ

JENESIS 28:20

Nangta u Jakob u pynlong ka jingsmai ha U Trai: “Lada men long ryngkat bad nga bad ïada ïa nga ha kane ka jingleit jong nga, bad men ai ka bam ka dih bad ka kup ka sem ïa nga,

JENESIS 8:20

Te u Noah u tei ïa ka duwan ha U Trai; u shim na kawei kawei ka jait ki mrad bad ki sim ïa kiba la ñiew ba ki long kiba khuid, bad u thang tylli ïa ki kum ka jingkñia ainguh halor kata ka duwan.

2 SYIEM 5:17

Kumta u Naaman u ong, “Lada phim pdiang ïa ka jingai jong nga, te shah ïa nga ban rah sha ïing ar kit khashor ka khyndew, namar naduh mynta ngan ym ai jingkñia lane jingainguh thang ha uno uno u blei lait noh tang U Trai.

Ka Kitab U Job 37:24

Kam long kaba phylla, te, ba uwei pa uwei u ïeng ha ka jingtiengburom ïa u, bad ba um ñiew ïa kito kiba kam ba ki long kiba stad.

SALM 107:22

Ki dei ban sngewnguh ïa u da ki jingkñia, bad da ki jingrwai jong ka jingkmen ki dei ban ïathuh ïa baroh kaba u la leh.

SALM 116:14

Ha ka jingïaseng lang jong ki briew jong u baroh ngan ai ha u ïa kaei kaba nga la kular.

SALM 50:14

Ai ba ka jingai jong ka jingsngewnguh jong phi kan long ka jingkñia sha U Blei, bad to ai sha U Badonbor Baroh ïa kata baroh kaba phi la kular.

EKLESIASTIS 5:4

Kumta haba phi pynlong ka jingkular ha U Blei, pyndep kloi ïa ka katba lah. Um donkam ïa u bieit. Leh ïa kaei kaba phi kular ban leh.

ISAÏAH 26:9

Mynmiet nga thrang ïa me da ka dohnud jong nga baroh; haba me bishar ïa ka pyrthei bad ki briew jong ka, baroh kin tip kaei ka long ka jingbishar hok.

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

JONAH 1:10

U Jonah u la ong shuh shuh ïa ki ba u la phet na U Trai. Ki maji ki la sngewshyrkhei, bad ki la ong ïa u, “Kata ka long kaei kaei kaba sngewma ban leh!”

JONAH 1:14

Kumta ki la kyang sha U Trai, “A Trai, ngi duwai, to wat pynshitom ïa ngi da ka jingïap ban shim ïa ka jingim jong une u briew! Ma me, ko Trai, me kitkhlieh na ka bynta kane baroh; ka long ka jingleh jong me.”

MARKOS 4:31

Ka long kumne. U briew u shim ïa u symbai tyrso, u symbai barit tam ha ka pyrthei, bad u thung ïa u ha ka khyndew.

KI KAM 5:11

Ka balang baroh kawei bad baroh kiwei pat kiba la ïohsngew ïa kane ki la sngewshyrkhei.