JONAH 1:14 - Khasi CL Bible (BSI)

¹⁴ Kumta ki la kyang sha U Trai, “A Trai, ngi duwai, to wat pynshitom ïa ngi da ka jingïap ban shim ïa ka jingim jong une u briew! Ma me, ko Trai, me kitkhlieh na ka bynta kane baroh; ka long ka jingleh jong me.”

KA BAIBL

¹⁴ Namar kata, ki la kyang ha U Trai, bad ki la ong, “Ngi kyrpad ïa me, A Trai, ngi kyrpad ïa me, wat ai ba ngin ïap namar ka jingim une u briew, bad wat tei ka snam balui lui halor jong ngi: naba me A Trai, me la leh katba me la ibit.”

JONAH 1:14 ပူးပေါင်းရင်းမြစ်များ

JENESIS 9:6

Ïa ki briew la thaw ha ka dur jong U Blei hi, kumta uno uno uba pynïap ïa uwei na ki, u ruh un shah pynïap ha uwei pat.

SALM 107:28

Te ha ka jingjynjar jong ki, ki khot kyrpad ïa U Trai, bad u pynim ïa ki na ka jingjynjar jong ki.

SALM 115:3

U Blei jong ngi u don ha bneng; u leh ïa kano kano kaba u mon.

SALM 135:6

U leh ïa kat kaba u mon ha bneng bad ha pyrthei, ha ki duriaw bad ha ki jingjylliew bashapoh.

ISAÏAH 26:16

Me pynshitom ïa la ki briew, A Trai bad ha ka jinglyng-a ki duwai ha me.

JONAH 1:13

Hynrei ki maji pat, ki la pyrshang ban ïaleh ban pynpoi ïa ka lieng sharud duriaw, da kaba king katba don ka bor jong ki. Hynrei ka 'erïong ka la nang jur, bad kim poi shuh shano shano ruh.

JONAH 1:16

Kane ka la pynlong ïa ki maji ban sheptieng ïa U Trai ha kaba ki la ai ka jingkñia bad kular ban shakri ïa u.

JONAH 1:5

Ki maji ki la sngewshyrkhei bad ki la pyrta ban ïoh jingïarap, uwei pa uwei sha la u jong u blei. Nangta, khnang ban pynduna ïa ka jingma, ki bret noh ïa ka jingkit nalor lieng. Ha kata ka por, u Jonah u la hiar sha ka bynta bashapoh, u thiah ha trai ka lieng, u ïohthiah lyngngai.

JONAH 3:8

Baroh ki briew bad ki mrad ki dei ban phong ki jaiñ khain. Uwei pa uwei u dei ban duwai jur ha U Blei bad u dei ban iehnoh ïa ka jingleh bymman bad ki kam sniew jong u.

MATHAÏOS 11:26

Ho-oid, Ko Kpa, kane ka la long kumno me la kwah ïa ka ba kan jia.

KI KAM 28:4

Ki traishnong ki la ïohi ïa u bseiñ ba u sdien ha ka kti jong u Paul bad ki la ïa-ong para ma ki, “Une u briew u dei u nongpynïap briew, hynrei, ka kupar kan ym shah ïa u ban im, wat la u la lait im na ka duriaw.”

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

EPHESOS 1:9

U Blei u la leh ïa kata ha ka jingstad bad jingïohi jong u baroh ïa kaei kaba u la thmu, bad u la pynpaw shynna ha ngi ïa ka jingthmu ba la buhrieh ïa kaba u la lah thmu lypa ban pyndep da U Khrist.

DEUTERONOMI 21:8

A Trai, map ïa ki briew jong me, ki Israel, ïa kiba me la pyllait na Ijipt. Map ïa ngi bad wat pynkit pop ha ngi namar ka jingpynïap ïa uta uba lui lui.’