JOEL 3:7 - Khasi CL Bible (BSI)

⁷ Mynta ngan wallam pat ïa ki na ki jaka na kiba ki la shah die. Ngan leh ïa phi ïa kaei kaba phi la leh ïa ki.

KA BAIBL

⁷ ha khmih, ngan pynkhih ïa ki, na kata ka jaka sha kaba phi la die noh ïa ki, bad ngan pynphai ïa ka jingleh kylliang jong phi halor ka khlieh jong phi;

JOEL 3:7 ပူးပေါင်းရင်းမြစ်များ

ESTHER 7:10

Kumta ïa u Haman la sdien ha ka diengphasi kaba u la shna na ka bynta u Mordekai. Nangta ka jingbitar u syiem ka la long jai jai.

ISAÏAH 11:12

U Trai un kyntiew ïa ka lama ai dak ban pyn-i ïa ki jaitbynriew ba u lumlang sa shisien ïa ki briew jong ka Israel bad Judah kiba la shah pynsaphriang bad u wallam pat ïa ki na ki sawdong jong ka pyrthei.

ISAÏAH 49:12

Ki briew jong nga kin wan na jngai bah, na shatei bad na sepngi, bad na Aswan kaba don shathie.”

ISAÏAH 66:6

Ha sngap! kata ka jingsawa kaba jam ha ka nongbah! kata ka jingsawa ha ka Templ, ka long ka jingsawa U Trai uba pynshitom ïa ki nongshun jong u!

JEREMAÏAH 23:8

Pynban, kin smai da nga kum U Blei uba im uba la wallam ïa u paid Israel na ka ri kaba shatei bad na kiwei pat ki ri baroh sha kiba nga la pynsakma ïa ki. Te kin sa ïoh shong ha la ka jong ka ri.”

JEREMAÏAH 30:10

“Ko ki briew jong nga, wat ym sheptieng; ko ki paid Israel, wat ym sngewshyrkhei. Ngan pyllait im ïa phi na kata ka ri bajngai, na ka ri ha kaba phi long ki koidi. Phin wan phai pat sha ïing bad im ha ka jingsuk; phin shngain, bad yn ym don mano mano ban pynsheptieng ïa phi.

JEREMAÏAH 30:16

Hynrei mynta, baroh kiba klun ïa phi kin shah klun, bad ïa baroh ki nongshun jong phi yn rah noh kum ki koidi. Ïa baroh kiba banbeiñ ïa phi yn banbeiñ, bad ïa baroh kiba lute ïa phi yn lute.

JEREMAÏAH 31:8

Ngan wallam ïa ki na shaphang shatei bad ngan lumlang ïa ki na kiba kut ka pyrthei. Kiba matlah bad kiba dkoh kin wan lang bad ki, ki kynthei ba la armet bad kito ki ban sa kha. Kin sa long pat ka jaitbynriew kaba khraw.

JEREMAÏAH 32:37

Ngan sa lumlang ïa ki briew na baroh ki ri na kiba nga la pynsakma ïa ki ha ka jingbitar bad ka jingbitar shla jong nga, bad ngan wallam pat ïa ki sha kane ka jaka bad shah ïa ki ban shong ban sah hangne ha ka jingshngain.

ESEKIEL 36:24

Ngan shim noh ïa phi na man la ka jaitbynriew bad ka ri bad ngan wallam pat ïa phi sha la ka ri.

ESEKIEL 38:8

Hadien bun snem ngan hukum ïa u ba un hiarthma ïa ka ri ha kaba ïa ki briew la wallam biang napdeng shibun ki jaitbynriew bad kiba la im khlem jingsheptieng ïa ka thma. Un hiarthma ïa ki lumbah ka Israel kiba la sah kynjah bad sah shrah la slem bah, hynrei ha kaba mynta ki briew ki shong ha ka jingshngain.

JOEL 3:4

“Kaei kaba phi pyrshang ban leh ïa nga, ko Tyros bad Sidon, bad baroh ki jaka jong ka Philistia? Hato phi pyrshang ban siew pat ïa nga na ka bynta kaei kaei? Lada phi leh kumta, ngan siew kylliang kloi kloi pat ïa phi!

SEKHARAÏAH 9:13

Ngan pyndonkam ïa ka Judah kum ka ryntieh jong u shipai bad ïa ka Israel kum ki khnam. Ngan pyndonkam ïa ki rangbah jong ka Seïon kum ka waitlam, ban ïaleh ïa ki rangbah jong ka Gris.”

MATHAÏOS 7:2

naba U Blei un bishar ïa phi ha kajuh ka rukom kumba phi bishar ïa kiwei pat, bad un pyndei ha phi ïa kijuh ki jingthew kiba phi pyndei ïa kiwei pat.

2 THESSALONI 1:6

U Blei un leh ïa kaei kaba dei: Un wallam ka jingshah shitom ha kito kiba pynlong ïa phi ban shahshitom,

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

JINGPYNPAW 16:6

Ki la theh noh ïa ka snam jong ki briew jong U Blei bad jong ki nongïathuhlypa, bad kumta me la ai ha ki ïa ka snam ban dih. Ki la ïoh ïa kaba ki dei hok ban ïoh!”

JINGPYNPAW 19:2

Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”

NONGBISHAR 1:7

U Adonibesek u ong, “Hynñiewphew ngut ki syiem ba la shah ot ki 'tikmie bad ki 'jatkmie ki hap ban tam jingbam na khrum miej jong nga. U Blei u la leh mynta ïa nga ïa kaei kaba nga la leh ïa ki.” La ïalam ïa u sha Jerusalem, ha kaba u la ïap.

1 SAMUEL 15:33

U Samuel u ong, “Kumba ka waitlam jong me ka la pynlong ïa kiba bun ki kmie ban duh khun, kumta mynta ka kmie jong me kan long khlem khun.” Bad u pom lyngkhot lyngkhai ïa u Agag ha khmat ka duwan ha Gilgal.