JOEL 3:6 - Khasi CL Bible (BSI)

⁶ Phi la rah noh ïa ki briew ka Judah bad Jerusalem jngai na ka ri jong ki hi bad die ïa ki ha ki Grik.

KA BAIBL

⁶ ïa ki khun Judah ruh bad ki khun Jerusalem, phi la die noh ha ki khun Grik, khnang ba phin pynkynriah sha jngai ïa ki na la ka muluk ka jaka:

JOEL 3:6 ပူးပေါင်းရင်းမြစ်များ

ESEKIEL 27:13

Pha ïakhaïi pateng ha Gris, Tubal, bad ha Meshekh bad ïakylliang ïa ki mar na ka bynta ki mraw bad na ka bynta ki tiar rnong.

JOEL 3:3

Ki la kynting sbai ban rai mano ki ban ïoh ïa ki koidi. Ki la die mraw ïa ki khynnah shynrang bad khynnah kynthei ban siew na ka bynta ki nuti bad ka waiñ.

JOEL 3:8

Ngan pynlong ba ki khun shynrang bad ki khun kynthei jong phi yn die sha ki briew ka Judah; ma ki kin sa die ïa ki sha jngai sha ki Sabean. Ma nga, U Trai, nga la kren.

SEKHARAÏAH 9:13

Ngan pyndonkam ïa ka Judah kum ka ryntieh jong u shipai bad ïa ka Israel kum ki khnam. Ngan pyndonkam ïa ki rangbah jong ka Seïon kum ka waitlam, ban ïaleh ïa ki rangbah jong ka Gris.”

DEUTERONOMI 28:32

Ïa ki khun shynrang bad ki khun kynthei jong phi yn ai noh kum ki mraw ha ki nongwei katba phi pat phi shu peit. Man ka sngi phin pynshitom sat ïa la ki khmat ba phi ap lehnoh-ei ïa la ki khun ba kin wan phai pat.

DEUTERONOMI 28:68

U Trai un phah biang ïa phi da ka lieng sha Ijipt, wat la nga la ong ba phim dei ban leit shuh shata lano lano; bad hangta phin sa tyrwa die mraw ïa lade ha ki nongshun jong phi, hynrei yn ym don ba thied ïa phi.”