JOEL 3:4 - Khasi CL Bible (BSI)

⁴ “Kaei kaba phi pyrshang ban leh ïa nga, ko Tyros bad Sidon, bad baroh ki jaka jong ka Philistia? Hato phi pyrshang ban siew pat ïa nga na ka bynta kaei kaei? Lada phi leh kumta, ngan siew kylliang kloi kloi pat ïa phi!

KA BAIBL

⁴ “Shisha ruh, phi ka Tyros, bad ka Sidon, bad ki phang ka Philistia baroh, phi long aïu ïa nga? phin leh kylliang ïa nga? bad lada phin leh kylliang ïa nga, ngan pynphai kloi bad stet ïa ka jingleh kylliang jong phi halor ka khlieh jong phi hi.

JOEL 3:4 ပူးပေါင်းရင်းမြစ်များ

2 KHRONIKL 21:16

Katto katne ngut ki Philistia bad ki Arab ki shong ki sah hajan ka jaka ha kaba katto katne ngut ki nong Sudan ki la shongduh harud ka duriaw. U Trai u la pynkhih ïa ki ban leit ïaleh thma pyrshah ïa u Jehoram.

ISAÏAH 14:29

Ko ki briew ka Philistia, u dieng uba la tied ïa phi u la kheiñ, hynrei phim don kano kano ka daw ban shadkmen. Haba uwei u bseiñ u ïap, uwei pat uba kham sniew u wan ha ka jaka jong u. Ka pylleng bseiñ ka pynmih ïa u Ïakjakor uba her.

ISAÏAH 34:8

Kane ka dei ka por ha kaba U Trai un pyllait im ïa ka Seïon bad pynhiarkput halor ki nongshun jong ka.

ISAÏAH 59:18

Un pynshitom ïa ki nongshun jong u kat kum ki jingleh jong ki, wat ïa kito kiba shong sha ki ri kiba jngai.

JEREMAÏAH 47:1

Ha shuwa ba u syiem jong ka Ijipt un tur ïaleh ïa ka Gasa, U Trai u la kren ha nga shaphang ka Philistia.

JEREMAÏAH 47:4

Ka por ka la poi ban pynjot ïa ka Philistia, ban pyndam noh na ka Tyros bad ka Sidon ïa ka jingïarap baroh kaba dang sah. Ma nga, U Trai, ngan pynjot ïa ki nong Philistia, baroh kiba wan na ki rud duriaw ka Krit.

JEREMAÏAH 51:6

To phet noh na Babilonia! Phet ban lait im! Wat ai ba yn shah pynïap na ka bynta ka pop jong ka Babilonia. Nga mynta nga siew kylliang bad pynshitom ïa ka kumba ka dei hok.

JOEL 2:10

Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

JOEL 2:2

Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

MATHAÏOS 11:21

“Katno kan long kaba shyrkhei ïa pha, ko Khorasin! Katno kan long kaba shyrkhei ïa pha ruh, ko Bethsaida! Lada ïa ki kambah kiba la leh ha phi la lah leh ha Tyros bad Sidon, la kham slem ki briew hangta kin jin da la phong da ka jaiñ khain bad synreit da u dpei halor lade, ban pyn-i ba ki la phai noh na ki pop jong ki!

MATHAÏOS 11:22

Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Tyros bad Sidon ban ïa phi!

LOUKAS 10:13

“A katno kan long kaba shyrkhei ïa pha, ko Khorasin! A katno kan long kaba shyrkhei ïa pha ruh, ko Bethsaida! Lada ïa ki kambah ba la leh ha phi la lah leh ha Tyros bad ha Sidon, ki briew kiba hangta kin jin da la shong naduh mynshuwa, kin kup ka jaiñ khain bad synreit dpei halor lade, ban pyn-i ba ki la phai noh na ki pop jong ki!

LOUKAS 10:14

U Blei un pyn-i kham bun ka jingisynei ha ka Sngi Bishar ïa ka Tyros bad ka Sidon ban ïa phi.

LOUKAS 18:7

Mynta, hato U Blei un ym bishar ha ka liang jong ki briew jong u kiba kyang sha u mynsngi bad mynmiet ban ïoh jingïarap? Hato un long uba suki ban ïarap ïa ki?

KI KAM 9:4

U la hap sha madan bad u la ïohsngew ïa ka sur kaba ong ha u, “Saul, Saul! Balei me pynshitom beiñ ïa nga?”

DEUTERONOMI 32:35

U Trai un pynhiarkput bad pynshitom ïa ki; ka por kan poi haba kin kyllon; ka sngi ka jingjot jong ki ka la jan.

2 THESSALONI 1:6

U Blei un leh ïa kaei kaba dei: Un wallam ka jingshah shitom ha kito kiba pynlong ïa phi ban shahshitom,

NONGBISHAR 11:12

Nangta u Jephthah u phah ïa ki nonglamktien sha u syiem Ammon ban ong, “Me don daw aïu bad ngi? Balei ba me wan hiarthma ïa ka ri jong ngi?”