JOEL 3:19 - Khasi CL Bible (BSI)

¹⁹ “Ka Ijipt kan kylla long ka ri shyiap, bad ka Edom kan long ha ka jingjot lehnoh-ei, namar ki la tur ïaleh ïa ka ri Judah bad pynïap ïa ki briew balui lui jong ka.

KA BAIBL

¹⁹ “Ka Ijipt kan long ka jingkynjah, bad ka Edom kan long ka khlaw bakynjah, namar kata ka jingleh-jubor ba la leh ïa ki khun Judah, namar ba ki la pynmih ïa ka snam balui lui ha ka ri jong ki.

JOEL 3:19 ပူးပေါင်းရင်းမြစ်များ

SALM 137:7

To kynmaw, A Trai, kaei kaba ki Edom ki la leh ha ka sngi ba kurup ïa ka Jerusalem. To kynmaw kumno ki ïai-ong, “To pynjot thiaw ïa ka!”

ISAÏAH 11:14

Ryngkat lang kin tur ïaleh ïa ki Philistia ha ka phang sepngi bad lute ïa ki briew kiba shong ha ka phang mihngi. Kin hiarthma ïa ki briew jong ka Edom, bad ka Moab, bad ki briew jong ka Ammon kin kohnguh ïa ki.

ISAÏAH 11:15

U Trai un pynrngad ïa ka Sues, ka khmut duriaw, bad un wallam ka lyer khluit ban pynrngad ïa ka Ïuphratis, da kaba iehnoh ïa ki hynñiew tylli ki wahduid, khnang ba uno uno u lah ban ïaid sha shiliang.

JEREMAÏAH 49:17

U Trai u ong, “Ka jingpynjot ka ban wan hap ha ka Edom kan long kaba da shyrkhei haduh ba kiba ïaid nangta kin kyndit bad sheptieng.

JEREMAÏAH 51:35

To ai ba ki briew ka Seïon kin ong, “To ai ba ka Babilonia kan kitkhlieh na ka bynta ka jinglehbor halor jong ngi!” To ai ba ki briew ka Jerusalem kin ong, “To ai ba ka Babilonia kan kitkhlieh na ka bynta kaei kaba ngi la shahshitom!”

SNGEWSYNEI 4:21

To ïai rkhie, ko ki briew ka Edom bad ka Us; to kmen katba phi dang lah. Ka jingpynjot ïa phi ruh ka wan; ma phi ruh phin ïaid sheng sheng lyngkhuit ha ka jinglehrain.

OBADAÏAH 1:1

Kane ka dei ka jingïathuhlypa jong u Obadaïah — kaei kaba U Trai Nongsynshar u la ong shaphang ka jaitbynriew Edom. U Trai u la phah ïa u nonglamktien ha ki jaitbynriew, bad ngi la ïohsngew ïa ka khubor jong u: “To pynkhreh! Ïa ngin leit ïaleh thma pyrshah ïa ka Edom!”

HABAKKUK 2:17

Phi la pynduh ïa ki khlaw ka Lebanon; mynta yn pyndkut ïa phi. Phi la pynïap ïa ki mrad ha ka; mynta ki mrad kin pyntriem ïa phi. Kane kan jia namar ki kam pynïap ba phi la leh bad namar ki kam leh jubor pyrshah ïa ki briew jong ka pyrthei bad ki nongbah jong ka.

SEKHARAÏAH 10:10

Na Ijipt bad na Assyria ngan wallam ïa ki sha ïing bad ngan pynshongduh ïa ki ha ka ri jong ki hi. Ngan pynshongduh ïa ki ha Gilead bad ha Lebanon kumjuh; ka ri baroh kawei kan dap da ki briew.

2 THESSALONI 1:6

U Blei un leh ïa kaei kaba dei: Un wallam ka jingshah shitom ha kito kiba pynlong ïa phi ban shahshitom,