JOEL 3:16 - Khasi CL Bible (BSI)

¹⁶ U Trai u kyrhuh na u lum Seïon; ka sur jong u ka byrthen na Jerusalem; ka khyndew bad ka suiñbneng ki khynñiuh. Hynrei un ïada ïa la ki briew.

KA BAIBL

¹⁶ Bad U Trai un kyrhuh na Seïon, bad un pynmih ïa la ka ktien na Jerusalem; bad ki bneng bad ka khyndew kin khih: hynrei, U Trai un long jaka rieh ïa la ki briew, bad ka kut baskhem ïa ki khun Israel.

JOEL 3:16 ပူးပေါင်းရင်းမြစ်များ

SALM 18:2

U Trai u long u nongïada jong nga; u long ka kut baskhem jong nga. U Blei jong nga u long ka jingïada jong nga, bad ha u nga sngewshngain. U da ïa nga kum ka stieh; u kyrshan ïa nga bad u ri pynim ïa nga.

SALM 29:11

U Trai u ai jingkhlaiñ ïa ki briew jong u bad kyrkhu ïa ki da ka jingsuk.

SALM 61:3

namar me long u nongïada jong nga, u nongkyrshan uba khlaiñ pyrshah ïa ki nongshun jong nga.

PROBERB 18:10

U Trai u long kum ka kut baskhem, sha kaba kiba hok ki lah ban leit bad sngewshngain.

ISAÏAH 33:16

Te phin long shngain; phin long skhem kum ka kut bakhlaiñ. Phin don ka jingbam ban bam bad ka um ban dih.

ISAÏAH 33:21

U Trai un pyn-i ha ngi ïa ka burom jong u. Ngin shong ngin sah harud ki wah bad ki wahduid kiba ïar, hynrei ki liengbah jong ki nongshun kin ym ïaid ha ki.

ISAÏAH 42:13

U Trai u leit mih ban ïaleh kum u riewkieng atiar; u long uba la kloi bad kwah eh ban ïaleh thma, u kyang-thma, u pyrta ban ïaleh thma; u pyn-i ïa la ka bor pyrshah ïa la ki nongshun.

ISAÏAH 51:16

Nga la pynpyiar ïa ki bneng bad pynïeng ïa ki nongrim ka pyrthei; nga ong ïa ka Jerusalem, ‘Phi long ki briew jong nga! Nga la ai ha phi ïa ka jinghikai jong nga, bad nga ïada ïa phi da ka ksang'ti jong nga.’”

JEREMAÏAH 16:19

A Trai, me long uta uba ïada ïa nga bad uba ai ha nga ka jingkhlaiñ; me ïarap ïa nga ha ki por jingjynjar. Ki jaitbynriew kin wan sha me na kiba kut jong ka pyrthei bad ong, “Ki kpa tymmen jong ngi kim shym la don ei ei hynrei tang ki blei thala, ym don ei ei hynrei tang ki bleithaw bymmyntoi.

JEREMAÏAH 17:17

Wat ym long ka jingshyrkhei ïa nga; me long ka jaka shngain jong nga haba ka jingjynjar ka wan.

ESEKIEL 38:19

Nga pynbna ha ka jingbitar bameh ding jong nga ba ha kata ka sngi kan don ka jingkhih jumai kaba jur ha ka ri Israel.

HOSIA 11:10

“Ki briew jong nga kin sa wan bud ïa nga haba nga kyrhuh kum u sing ïa ki nongshun jong ki. Kin wan kyrkieh sha nga na sha sepngi.

AMOS 1:2

U Amos u ong, “U Trai u kyrhuh na u lum Seïon; Ka sur jong u ka tied kum u pyrthat na Jerusalem. Ki jaka phlang ki tyrkhong, bad u phlang ha Lum Karmel u ïapstai.”

AMOS 3:8

Haba u sing u kyrhuh, uei uba lah ban lait na ka jingtieng? Haba U Trai Nongsynshar u kren, uei uba lah ban lait khlem pynbna ïa ka khubor jong u?

NAHUM 1:7

U Trai u long uba bha; u ïada ïa ki briew jong u ha ki por ka jingjynjar; u ri sumar ïa kito kiba phai sha u.

HAGGAI 2:6

“Shen ngan pynkhih ïa ka bneng bad ka pyrthei, ïa ka khyndew bad ka duriaw.

HAGGAI 2:7

Ngan pynkyllon ïa ki hima baroh, bad ïa ki jingkynshew yn wallam shane, bad ïa ka Templ yn pyndap da ka spah.

SEKHARAÏAH 10:12

Ngan pynkhlaiñ ïa ki briew jong nga; kin ïamane bad kohnguh ïa nga.” U Trai u la kren.

SEKHARAÏAH 10:6

“Ngan pynkhlaiñ ïa ki paid Judah; ngan pyllait im ïa ki paid Israel. Ngan don ka jingsngewsynei ïa ki bad ngan wallam pat ïa ki baroh sha ïing. Kin long kum kiba ngam pat ju kyntait ïa ki. Nga long U Trai U Blei jong ki; ngan jubab ïa ki jingduwai jong ki.

SEKHARAÏAH 9:12

To wan phai, phi kiba shah ringmraw kiba mynta phi la don ka jingkyrmen; to wan phai sha ka jaka jong phi kaba shngain. Mynta nga ong ïa phi ba ngan siew pat ar shah ïa phi da ka jingkyrkhu na ka bynta baroh kaba phi la shahshitom.

HEBRU 12:26

Ka sur jong u ka la pynkhynñiuh ïa ka khyndew ha kata ka por, hynrei mynta u la kular, “Sa shisien pat ngan pynkhynñiuh ym tang ïa ka khyndew hynrei ïa ka bneng kumjuh.”

JINGPYNPAW 11:13

Ha kata ka khyllipmat hi la jia ka jingkhih jumai kaba jur; shi bynta na ka shiphew bynta jong ka nongbah la pynjot, bad hynñiew hajar ngut ki briew ki la ïap. Kita kiwei pat ki briew ki la sngewtriem bad ki la ïaroh ïa ka jingkhraw U Blei jong ka bneng.

JINGPYNPAW 11:19

Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.

JINGPYNPAW 16:18

La don ki jingthaba leilieh, ki jingkyrhuh bad jingtied pyrthat, bad u jumai uba shyrkhei. Ym pat ju don kum uta u jumai naduh ba la thaw ïa u khunbynriew; une u la long u jumai uba jur tam na baroh!

1 SAMUEL 15:29

U Blei bakhraw jong ki Israel um ju lamler lane kylla la ka jingmut. Um dei u briew — um ju kylla la ka jingmut.”