JOEL 3:12 - Khasi CL Bible (BSI)

¹² “Ki jaitbynriew ki dei ban long kiba la kloi bad wan sha ka Them jong ka Jingbishar. Hangta ma nga, U Trai, ngan shong ban bishar ïa baroh ki jaitbynriew ba don sawdong.

KA BAIBL

¹² “Ai ki jaid bynriew kin pynkhih ïa lade, bad kin wan kiew sha Ka Them u Jehoshaphat: naba hangta ngan shong ïa ka ban bishar baroh ïa ki jaid bynriew kylleng sawdong.

JOEL 3:12 ပူးပေါင်းရင်းမြစ်များ

2 KHRONIKL 20:26

Ha ka sngi kaba saw, ki ïalumlang ha ka Them Berakah bad ïaroh ïa U Trai na ka bynta baroh kaba u la leh. Dei na kata ka daw ba la khot ïa ka them, “Ka Berakah.”

SALM 7:6

To ïeng ha ka jingbitar jong me, A Trai! To ïeng pyrshah ïa ka jingbitar ki nongshun jong nga; to pynkhie joit ïa lade bad ïarap ïa nga! Ka jingbishar hok ka dei kaba me dawa,

SALM 96:13

haba U Trai un wan ban synshar ïa ka pyrthei. Un synshar ïa ki jaitbynriew jong ka pyrthei da ka hok bad ka jinglehhok.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

ISAÏAH 2:4

Un bishar ïa ki jingkajia hapdeng ki jaitbynriew. Kin tied tyrnem ïa ki waitlam jong ki sha ki jinglur lyngkha bad ïa ki sum jong ki sha ki waitbnoh khyllad tnat. Ki jaitbynriew kin ym ïaleh thma shuh, kin ym pynkhreh thma shuh.

ISAÏAH 22:1

Kane ka dei ka khubor shaphang ka Them ka Jingïohipaw. Kaei kaba jia? Balei ki briew baroh jong ka nongbah ki rakhe lehkmen halor ki tnum ïing?

ISAÏAH 3:13

U Trai u la kloi ban kren ïa ka kam jong u, u long uba la kloi ban bishar ïa ki briew jong u.

ESEKIEL 30:3

Ka sngi ka la jan, ka sngi haba U Trai un leh, ka sngi jong ki lyoh bad jingjynjar ïa ki jaitbynriew.

ESEKIEL 39:11

U Trai u ong, “Haba kane baroh ka jia, ngan ai ïa u Gog ka jaka tep hangta ha Israel, ha ka them ki nongleit jingleit, shaphang mihngi ka Duriaw Baïap; hangta yn tep ïa u Gog bad ka kynhun shipai jong u, bad ïa ka them yn khot ïa ka, ‘Ka them ka kynhun shipai u Gog.’

JOEL 3:14

Da ki hajar hajar ki don ha ka Them jong ka Jingbishar. Dei hangta ba ka Sngi jong U Trai shen kan wan.

JOEL 3:2

Ngan lumlang ïa baroh ki jaitbynriew bad wallam ïa ki sha ka Them jong ka Jingbishar. Hangta ngan bishar ïa ki na ka bynta baroh kaba ki la leh ïa ki briew jong nga. Ki la pynsakma ïa ki Israel sha ki ri nongwei bad ki la phiah ïa ka Israel, ka ri jong nga.

MIKAH 4:3

Un pynbeit ïa ki jingïakajia hapdeng ki jaitbynriew, hapdeng ki bor bakhraw hajan bad hajngai. Kin shoh tyrnem ïa la ki waitlam ban pynlong ki lyngkor bad ïa ki sum sha ki wait ngor tnat dieng. Ki jaitbynriew kin ym ïaleh thma shuh, kin ym pynkhreh shuh ban ïaleh thma.

SEKHARAÏAH 14:4

Ha kata ka por un ïeng halor u lum Olib, ha ka phang mihngi jong ka Jerusalem. Te ïa u lum Olib yn sa kad arliang na mihngi sha sepngi da ka them kaba khraw. Shiteng jong u lumbah un kynriah shaphang shatei bad shiteng jong u shaphang shathie.

JINGPYNPAW 19:11

Nangta nga la ïohi ïa ka bneng ba plie, bad la don u kulai uba lieh. Ïa u nongshong ha u la khot Uba Ïaineh bad Uba Shisha; ka long da ka jinglehhok ba u bishar bad u ïaleh ïa ki jingïaleh thma jong u.