JOEL 2:32 - Khasi CL Bible (BSI)

³² Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

KA BAIBL

³² Te kan long, ba uwei uwei baroh uba khot kyrpad ïa ka kyrteng U Trai yn pynim ïa u: naba ha u lum Seïon bad ha Jerusalem kin long kita kiba lait im, kumba U Trai u la ong, bad hapdeng kita ba la pynsah, kita ïa kiba U Trai u khot.

JOEL 2:32 ပူးပေါင်းရင်းမြစ်များ

JENESIS 4:26

U Seth u la ïoh uwei u khun, ïa uba u la kyrteng, u Enosh. Dei ha kata ka por ba ki briew ki la sdang ban pyndonkam ïa ka kyrteng bakhuid jong U Trai ha ka jingmane Blei.

SALM 50:15

Khot kyrpad ïa nga haba ka jingeh ka wan; ngan pyllait ïa phi, bad phin ïaroh ïa nga.”

ISAÏAH 10:22

Wat la mynta ki don bun ki paid Israel kumba don ki symboh shyiap harud ka duriaw, tang khyndiat ngut ki ban wan phai pat. La pynap ïa ka jingpynjot na ka bynta ki briew, bad ka long kaba dei ban ïoh pura.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 11:16

Kan don ka surok bah shabar jong ka Assyria na ka bynta kito kiba ki briew jong u ki Israel kiba dang im hangta, kumba ka la don ïa ki kpa tymmen jong ki haba ki la iehnoh ïa ka Ijipt.

ISAÏAH 4:2

Ka por ka poi ha kaba U Trai un pynlong ïa uwei pa uwei u jingthung bad u dieng ha ka ri ban long uba heh bad ba-itynnat. Baroh ki paid Israel kiba lait im kin dap da ka jingkmen bad jingsarong ha ki mar rep ba ka ri ka pynmih.

ISAÏAH 46:13

Nga wallam ïa ka sngi ka jingjop sha jan — kam long satia kaba dang sha jngai. Ïa ka jingjop jong nga yn ym pynslem. Ngan pyllait im ïa ka Jerusalem bad ngan wallam ïa ka burom ka Israel hangta.”

JEREMAÏAH 31:7

U Trai u ong, “To rwai da ka jingkmen na ka bynta ki Israel, kiba khraw tam na ki jaitbynriew. To rwai ïa ka jingrwai jong ka jingïaroh jong phi, ‘U Trai u la pynim ïa la ki briew; u la pyllait im ïa baroh kiba dang sah.’

JEREMAÏAH 33:3

“To khot kyrpad ïa nga, bad ngan jubab ïa phi; ngan ïathuh ïa phi kiei kiei kiba phylla bad kiba sngewphylla kiba phim shym la tip ei ei shaphang jong ki.

AMOS 9:8

Ma nga, U Trai Nongsynshar, nga khmih ïa kane ka hima Israel kaba pop, bad ngan pynjot ïa ka na sla khyndew. Hynrei ngan ym pynjot ïa baroh ki khun ki ksiew u Jakob.

OBADAÏAH 1:17

“Hynrei ha u lum Seïon kin don ki ban lait im, bad kan long ka jaka bakyntang. Ki briew jong u Jakob kin ïohkynti ïa ka ri kaba dei hok ka jong ki.

OBADAÏAH 1:21

Ki rangbah nongjop jong ka Jerusalem kin tur ïaleh ïa ka Edom bad kin synshar halor jong ka. Bad U Trai da lade hi un long u Syiem.”

MIKAH 5:3

Kumta, U Trai un sa aiti noh ïa la ki briew sha ki nongshun jong ki haduh ba ka briew ka ban sa kha kan ïoh ïa u khun jong ka. Nangta kito ki paid Israel kiba dang don ha ka jingshah ringmraw kin wan ïasoh lang bad ki briew la jong.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

ÏOANNIS 10:16

Don kiwei pat ki langbrot ki bym dei na kane ka sem langbrot. Nga dei ban wallam ïa ki ruh; kin shahshkor ïa ka sur jong nga, bad kin ïalong kawei ka kynhun langbrot bad uwei u nongaplangbrot.

ÏOANNIS 4:22

Phi ki nong Samaria phim da tip shai ïano phi mane; hynrei ma ngi ki Jiw ngi tip ïano ngi mane, namar ka long na ki Jiw ba ka jingpynim ka wan.

KI KAM 15:17

Bad kumta baroh kiba sah na u bynriew kin wan sha nga, baroh ki Jentil ïa kiba nga la khot ban long ki jong nga.

KI KAM 2:39

Naba ïa ka jingkular jong U Blei la pynlong ha phi bad ha ki khun jong phi, bad ha baroh kiba sha jngai — baroh kiba U Trai U Blei jong ngi u khot sha lade.”

Ka Shithi U Paul Sha Ki Nong Rom 11:26

Bad kane ka long kumno ba ïa baroh ki Israel yn pynim. Kumba ka Jingthoh Bakhuid ka ong, “U Nongpynim un wan na Seïon bad un weng noh ïa baroh ka jingbymman na ki khun ki ksiew u Jakob.

Ka Shithi U Paul Sha Ki Nong Rom 11:5

Ka long kumjuh mynta: Don khyndiat ngut kiba dang sah na kito kiba U Blei u la jied namar ka jingaiei jong u.

Ka Shithi U Paul Sha Ki Nong Rom 11:7

Kaei pat te ngin ïa-ong? Ki paid Israel kim shym la shem ïa kaei kaba ki ïawad. Ka la long tang ka kynhun kaba rit kaba U Blei u la jied, kaba la shem ïa kata; kiba sah na kita ki la set kyllut ïa ka jingkhot jong U Blei.

Ka Shithi U Paul Sha Ki Nong Rom 9:24

Naba ngi long ki briew kiba u la khot, ym tang napdeng ki Jiw hynrei napdeng ki Jentil ruh.

Ka Shithi U Paul Sha Ki Nong Rom 9:27

Bad U Isaïah u la pyrta shaphang ki Israel: “Wat lada ki paid Israel ki bun kat u shyiap harud duriaw, pynban tang khyndiat na ki yn pynim;

1 KORINTH 1:2

Sha ka balang U Blei kaba ha Korinth, ha kito baroh kiba la khot ban long ki briew bakhuid jong U Blei, kiba dei ki jong u ha U Khrist Jisu, lem bad ki briew baroh kylleng kiba mane ïa U Jisu Khrist uba U Trai jong ngi, uba long U Trai jong ki ruh:

HEBRU 12:22

Pynban, phi la wan sha u lum Seïon bad sha ka nongbah jong U Blei uba im, ka Jerusalem kaba kynja bneng, ha kaba la don bun hajar ki angel.