JOEL 2:31 - Khasi CL Bible (BSI)

³¹ Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

KA BAIBL

³¹ Ïa ka sngi yn pynkylla jingdum, bad ïa u bnai ka snam, ha ban sa wan kata ka sngi ka bakhraw bad ba-itieng jong U Trai.

JOEL 2:31 ပူးပေါင်းရင်းမြစ်များ

JEREMAÏAH 4:28

Ka pyrthei kan ïam sngewsih; ka sahit bneng kan sdang dum. U Trai u la kren bad un ym kylla ïa ka jingmut jong u. U la pynlong ïa ka jingrai jong u bad un ym kylla dien.

ESEKIEL 32:7

Ynda nga pynjot ïa me, ngan tap ïa ka sahit bneng bad pyndum ïa ki khlur. Ka sngi kan buhrieh sha lyndet ki lyoh, bad u bnai un ym ai jingshai.

JOEL 2:1

To put ïa ka turoi, to pynsawa ba don jingma ha Seïon, u lum bakyntang jong U Blei. To khynñiuh, ko ki paid Judah! Ka sngi jong U Trai shen kan sa wan.

JOEL 2:10

Ka pyrthei ka khih katba ki nang tur; ka sahit bneng ka khynñiuh. Ka sngi bad u bnai ki kylla dum, bad ki khlur kim shai shuh.

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

JOEL 2:2

Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

JOEL 3:1

U Trai u ong, “Ha kata ka por ngan pynïoh pat ïa ka jingroi kyrhai jong ka Judah bad ka Jerusalem.

JOEL 3:15

Ka sngi bad u bnai ki kylla dum, bad ki khlur kim tyngshaiñ shuh.

SEKHARAÏAH 14:6

Haba kata ka por ka poi, yn ym don shuh ka jingkhriat lane u thah,

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

MATHAÏOS 24:29

“Shen hadien ka jingjynjar jong kito ki sngi, ka sngi kan dum, u bnai un ym tyngshaiñ shuh, ki khlur kin hap na bneng, bad ki bor ha ka haw haw kin shah beh na ki lynti jong ki.

MATHAÏOS 27:45

Ha ka por shiteng sngi, ïa ka ri baroh kawei la tap da ka jingdum kaba la neh lai kynta.

LOUKAS 21:25

“Kin don kiei kiei kiba phylla ki ban jia ha ka sngi, ha u bnai, bad ha ki khlur. Ha ka pyrthei, ki ri baroh kin don ha ka jingnoh mynsiem, ki tieng ïa ka jingkyrhuh jong ka duriaw bad ïa ka jingkhih phaloh ki jingat phyllung.

KI KAM 2:20

ïa ka sngi yn pyndum, bad u bnai un kylla saw kum ka snam, ha shuwa Ka Sngi kaba khraw bad kaba donburom jong U Trai ka wan.

JINGPYNPAW 8:12

Nangta u angel uba saw u la put ïa la ka turoi. Shi bynta na ka lai bynta jong ka sngi la shoh, bad shi bynta na ka lai bynta jong u bnai, bad shi bynta na ka lai bynta jong ki khlur, ba ka jingshai jong ki ka la jah noh shi bynta na ka lai bynta ka jingtyngshaiñ; ym shym la don jingshai ha ka shi bynta na ka lai bynta jong ka sngi bad ïa ka shi bynta na ka lai bynta jong ka miet.