JOEL 2:3 - Khasi CL Bible (BSI)

³ Kum ka ding ki bam duh ïa ki jingthung. Ha khmat jong ki ka ri ka long kum ka Kper Eden, hynrei sha lyndet jong ki ka long ka ri shyiap shrah. Ym don kano kano kaba lait im na ki.

KA BAIBL

³ “Ka ding ka bam duh ha shuwa jong ki; bad hadien jong ki ka thylliej ding ka jliah: ka ri ha shuwa jong ki ka long kum ka kper Eden, bad hadien jong ki ka khlaw ba la pynsniew; te ym don ei ei ba la lait na ki.”

JOEL 2:3 ပူးပေါင်းရင်းမြစ်များ

JENESIS 13:10

U Lot u la khmih sawdong bad u la ïohi ba ka them Jordan baroh kawei haduh Soar, ka don kyrhai ka um, kum ka Kper jong U Trai lane kum ka ri Ijipt. (Kane ka long ha shuwa ba U Trai un pynjot ïa ka Sodom bad ka Gomorrah.)

JENESIS 2:8

Nangta U Trai U Blei u la buh ka kper ha Eden, shaphang mihngi, bad hangta u buh ïa u briew uba u la lah thaw.

SALM 50:3

U Blei jong ngi u wan, hynrei ym ha ka jingjar jar; ka ding kaba klang ka don ha khmat jong u, ka 'erïong kaba beh kyrthep ka don sawdong jong u.

SALM 97:3

Ka ding ka ïaid ha shuwa jong u bad ka thang ïa ki nongshun kiba don sawdong jong u.

EKSODOS 10:15

Ki la tap ïa ka khyndew baroh kat haduh ba ka ïong ngaiñ da ki puit suda. Ki la bam ïa kaei kaei baroh kaba u phria u dang pynsah, kynthup ïa ki soh baroh ha ki dieng. Ym shym sah shuh kano kano kaba jyrngam ha u jingthung ne ha u dieng ha ka ri Ijipt baroh kawei.

EKSODOS 10:5

Kin jyllei kat haduh ba kin tap lin ïa ka khyndew baroh. Kin bam lut khoit ïa kata baroh kaba u phria um shym la pynjot, bad wat ïa ki dieng kiba dang sah.

ISAÏAH 14:17

Hato une u dei u briew uba la pynjot ïa ki nongbah bad pynkylla ïa ka pyrthei sha ka ri shyiap? Hato une u dei u briew u bym ju pyllaitluid ïa ki koidi jong u lane shah ïa ki ban leit sha ïing?’

ISAÏAH 15:6

Ka wahduid Nimrim ka rngad, u phlang harud jong ka u la ïapstai, bad ym don kano kano kaba jyrngam kaba dang sah.

ISAÏAH 33:4

Ïa ki jingdon jingem jong ki la knieh bad la rah noh kum ka jinglute.

ISAÏAH 51:3

“Ngan pyn-i ïa ka jinglehisynei ïa ka Jerusalem, sha kito baroh kiba shong halor ki jingpra jong ka. Wat la ka jaka jong ka, ka long kum ka ri shyiap, ngan pynlong ïa ka, ka kper, kum ka kper kaba nga la thung ha Eden. Ka jingkmen bad ka jinglehkmen kin don hangta, bad ki jingrwai jong ka jingïaroh bad jingainguh ïa nga.

ISAÏAH 9:18

Ka jingbymman jong ki briew ka pluh kum ka ding kaba pynjot thiaw ïa ki bniap shiah bad ki shiah buid. Ka pluh kum ka ding ha khlaw kaba pynmih shajrong ïa ki rishot tdem.

ISAÏAH 9:19

Namar ba U Trai Badonbor Baroh u bitar, ka jingpynshitom jong u ka pluh kum ka ding ha kylleng jong ka ri bad ka pynjot thiaw ïa ki briew, bad dei ma ngi iwei pa iwei ïa lade hi.

JEREMAÏAH 5:17

Kin bam duh ïa ki jingthung bad ïa ki jingbam jong phi; kin pynïap ïa ki khun shynrang bad ki khun kynthei jong phi. Kin pynïap ïa ki kynhun langbrot bad ki kynhun masi jong phi bad pynjot ïa ki dieng sohwaiñ bad diengsoh Dumbur jong phi. Ïa ki nongbah ba la ker kynroh ha kiba phi shaniah yn pynjot da ka kynhun shipai jong ki.

ESEKIEL 36:35

Baroh kin ong kumno kane ka ri, kaba shisien ka la long ka jaka khlaw, ka la kylla long kum ka Kper Eden, bad kumno ba ki nongbah kiba la shah pynjot, shah lute bad shah iehnoh ha ki jingjot, ki long mynta ki jaka shong briew bad ki jaka ba la ker kynroh.

AMOS 7:4

Nga la ïoh kawei pat ka jingïohipaw na U Trai Nongsynshar. Ha ka, nga la ïohi ïa u ba u dang pynkhreh ban pynshitom ïa ki briew jong u da ka ding. Ka ding ka la thang lut ïa ka duriaw-bah bakhraw hapoh ka sla pyrthei, bad ka la sdang ban bam duh ïa ka khyndew.

HABAKKUK 1:6

Ngan wanrah ïa ki nong Babilonia ban don ha ka bor, kito kiba triem, ki briew bym lah ban shong khop. Ki leit kylleng ka pyrthei ban jop ïa kiwei ki ri.

SEKHARAÏAH 7:14

Kum ka 'erïong nga la sar noh ïa ki ban shong ban sah ha ki ri nongwei. Ïa kane ka ri babha la iehnoh kynjah ïa ka, khlem don mano mano bashong ba sah hangta.”