JOEL 2:28 - Khasi CL Bible (BSI)

²⁸ “Hadien ngan sa theh ïa U Mynsiem jong nga ha uwei pa uwei: Ki khun shynrang bad ki khun kynthei jong phi kin pynbna ïa ka khubor jong nga; ki tymmen shynrang kin don ki jingphohsniew, bad ki samla shynrang jong phi kin ïohi ki jingïohipaw.

KA BAIBL

²⁸ “Te kan jia hadien kata, ba ngan theh buk ïa la U Mynsiem halor ka doh baroh; bad ki khun shynrang bad ki khun kynthei jong phi kin ïathuhlypa, ki tymmen jong phi kin phohsniew ki jingphohsniew, ki samla jong phi kin ïohi ïa ki jingithuhpaw:

JOEL 2:28 ပူးပေါင်းရင်းမြစ်များ

PROBERB 1:23

Shahshkor haba nga mai tyngeh ïa phi; ngan ai ïa phi ïa ki jinghikai kiba bha bad ngan ïathuh lang ïa ka jingtip jong nga bad phi.

ISAÏAH 32:15

Hynrei sa shisien pat U Blei un phah ha ngi ïa U Mynsiem jong u. Ka jaka shrah kan sa kylla seisoh, bad ki lyngkha kin sa pynmih ki jingbam kyrhai.

ISAÏAH 40:5

Te ïa ka burom jong U Trai yn sa pynpaw, bad baroh ki briew kin ïohi ïa ka. U Trai da lade u la kular ïa kane.”

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 49:26

Ngan pynlong ïa kiba banbeiñ ïa pha ban ïa-pynïap para ma ki; kin shu buaid ha kaba pynïap briew bad ha ka jingbitar. Nangta u bynriew baroh un tip ba nga long U Trai, uta uba pynim ïa pha bad uba pyllaitluid ïa pha. Kin tip ba nga long U Blei bakhlaiñbor jong ki Israel.”

ISAÏAH 49:6

U Trai u la ong ha nga, “Nga don ka kam kaba kham khraw ïa me, ko shakri jong nga. Ym tang ba men rah pat sha ka jingkhraw ïa ki paid Israel kiba la lait im, hynrei ngan pynlong ruh ïa me ka jingshai sha ki jaitbynriew — khnang ba ka pyrthei baroh kan ïohlait im.”

ISAÏAH 54:13

“Nga da lade ngan hikai ïa ki briew jong pha, bad ngan ai ha ki ïa ka jingmanbha bad ka jingsuk.

JEREMAÏAH 23:25

Nga tip aïu kito ki nongïathuhlypa ki la ong, ki da kren lamler ha ka kyrteng jong nga bad kam ba nga la ai ha ki ïa ki khubor jong nga ha ki jingphohsniew jong ki.

JEREMAÏAH 23:28

U nongïathuhlypa uba ïoh ka jingphohsniew u dei ban ong ïa ka ba ka long tang ka jingphohsniew, hynrei u nongïathuhlypa uba la ïohsngew ïa ka khubor jong nga u dei ban pynbna hok ïa kata ka khubor. Kaei ka jingbha u jyntang ban ïanujor bad u kew?

ESEKIEL 36:27

Ngan buh ïa U Mynsiem jong nga hapoh jong phi bad ngan peit ba phi bud ïa ki aiñ jong nga bad sumar ïa ki hukum jong nga kiba nga la ai ha phi.

ESEKIEL 37:14

Ngan pyrsad da ka mynsiem jong nga ha ki, bad kin im biang, bad ngan sa shah ïa ki ban im ha ka ri jong ki hi. Te kin sa tip ba nga long U Trai. Nga la kular ba ngan leh ïa kane — bad ngan leh. Ma nga, U Trai, nga la kren.”

ESEKIEL 39:29

Ngan theh buk ïa U Mynsiem jong nga ha ki paid Israel, bad ngan ym phai dien shuh na ki. Ma nga, U Trai Nongsynshar, nga la kren.”

DANIEL 7:1

Ha ka snem kaba nyngkong kaba u Belshassar u long u syiem ka Babilonia, nga la phohsniew bad nga la ïohi ka jingïohipaw ha ka por mynmiet. Nga la thoh ïa ka jingphohsniew, bad kane ka dei ka jingbuh jingkynmaw ïa kaei kaba nga la ïohi ha kata ka miet:

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

JINGKHEIÑ 11:17

Ngan wan hiar bad ïakren bad me hangta, bad ngan shim khyndiat ka bor mynsiem ïa kaba nga la ai ha me bad ngan ai ïa ka ha ki. Te kin sa lah ban ïakit lem ïa ka jingkitkhlieh na ka bynta kine ki paidbah, bad men ym donkam shuh ban kit tang marwei hi.

JINGKHEIÑ 12:6

bad U Trai u ong, “Mynta sngap aïu ngan ong! Haba don ki nongïathuhlypa hapdeng jong phi, nga pynpaw ïa lade ha ki ha ka jingïohipaw bad nga kren ha ki ha ki jingphohsniew.

LOUKAS 1:67

Ïa U Sekharaïah, u kpa jong u Ïoannis la pyndap da U Mynsiem Bakhuid, bad u la kren ïa ka khubor jong U Blei:

LOUKAS 3:6

U khunbynriew baroh u dei ban ïohi ïa ka jingpynim ka jong U Blei!’ ”

ÏOANNIS 7:39

U Jisu u la kren ïa kane shaphang U Mynsiem, uba kito kiba la ngeit ha u kin ïohpdiang. Ha kata ka por ïa U Mynsiem ym pat shym la ai, namar ïa U Jisu ym pat shym la kyntiew sha ka burom.

KI KAM 2:33

La kyntiew ïa u sha ka liang kamon jong U Blei, U Kpa jong u, bad u la ïohpdiang na u ïa U Mynsiem Bakhuid, kumba u la lah kular. Kaei kaba phi ïohi bad ïohsngew mynta ka long ka jingai sngewbha kaba u la theh noh ha ngi.

KI KAM 2:39

Naba ïa ka jingkular jong U Blei la pynlong ha phi bad ha ki khun jong phi, bad ha baroh kiba sha jngai — baroh kiba U Trai U Blei jong ngi u khot sha lade.”

KI KAM 21:9

U la don saw ngut ki khun kynthei ki bym pat shongkurim kiba la pynbna ïa ka khubor jong U Blei.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

HEBRU 1:1

Ha ki por mynbarim, U Blei u la kren ha ki kpa tymmen jong ngi bunsien bad ha ki rukom kiba bun lyngba ki nongïathuhlypa.

1 SAMUEL 19:20

Ki ïohi ïa ka kynhun ki nongïathuhlypa ba ki ïashad bad ki ïarisa, lem bad ïa u Samuel uba u ïalam na khmat. Nangta U Mynsiem U Blei u wan hiar tyllep ha ki rangbah jong u Saul, bad ki ruh ki sdang ban ïashad bad ïarisa.

1 SAMUEL 19:21

Haba u Saul u ïohsngew ïa kata, u phah kham bun shuh shuh ki nongrah-khubor, bad kita ruh ki sdang ban ïashad bad ïarisa. U phah ki nongrah-khubor ha ka sien kaba lai, bad kajuh ka la jia ha ki.

1 SAMUEL 28:6

bad kumta u la kylli ïa U Trai kaei ba un leh. Hynrei U Trai um shym jubab ei ei ïa u, la ha ki jingphohsniew, lane da u Urim bad u Thummim, lane da ki nongïathuhlypa.