JOEL 2:27 - Khasi CL Bible (BSI)

²⁷ Te, ma phi ki Israel, phin tip ba nga don hapdeng jong phi bad ba ma nga, U Trai, nga long U Blei jong phi bad ym don uwei pat. Ki briew jong nga kin ym shah ñiewbeiñ shuh.”

KA BAIBL

²⁷ Te phin ïoh tip ba nga long hapdeng ki Israel, bad ba nga long U Trai U Blei jong phi, bad ym don uwei pat: bad yn ym pynlehrain ïa u paidbah jong nga lano lano ruh.

JOEL 2:27 ပူးပေါင်းရင်းမြစ်များ

SALM 46:5

U Blei u don ha kata ka nongbah, bad yn ym pynjot ïa ka da lei lei; dang step phyrngab un wan ban ïarap ïa ka.

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

PROBERB 1:23

Shahshkor haba nga mai tyngeh ïa phi; ngan ai ïa phi ïa ki jinghikai kiba bha bad ngan ïathuh lang ïa ka jingtip jong nga bad phi.

ISAÏAH 12:6

Ai ba uwei pa uwei uba shong basah ha Seïon un pyrta bad un rwai! U Blei bakhuid jong ka Israel u long uba khraw, bad u shong hapdeng ki briew jong u.”

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 44:8

Wat sheptieng, ko ki briew jong nga! Phi tip ba naduh ki por mynbarim haduh mynta nga la ïathuhlypa ïa baroh ka ban sa jia, bad phi long ki sakhi jong nga. Hato don uno uno uwei pat U Blei? Hato don kiwei pat ki blei badonbor ba ngam shym ïohsngew?”

ISAÏAH 45:18

U Trai u la thaw ïa ki bneng — U long tang ma u hi U Blei! U pynlong bad thaw ïa ka pyrthei — U thaw ïa ka kaba skhem bad kaba neh. Um shym la thaw ïa ka ban iehnoh suda, hynrei ka jaka ba ki briew kin shong kin sah. U long ma u, uba ong, “Nga long U Trai, ym don uwei pat U Blei.

ISAÏAH 45:5

“Nga long U Trai; ym don uwei pat U Blei, ngan ai ïa me ka jingkhlaiñ ba me donkam, wat la mem shym la ithuh ïa nga.

ISAÏAH 45:6

Nga leh ïa kane khnang ba baroh na kawei ka tduh jong ka pyrthei shaduh kawei pat ka tduh kan tip ba nga long U Trai bad ym don uwei pat U Blei.

ISAÏAH 46:9

To kynmaw ïa kaei kaba la jia la slem bah; to pdiang ba tang ma nga, nga long U Blei bad ym don uwei pat kum ma nga.

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

ESEKIEL 37:6

Ngan ai ha phi ïa ki thied bad ki dohksah, bad ngan tap ïa phi da ka sniehdoh. Ngan pyrsad mynsiem ha phi, bad wallam pat ïa phi sha ka jingim. Te phin sa tip ba nga long U Trai.”

ESEKIEL 39:22

Ki Israel kin tip naduh kata ba nga long U Trai U Blei jong ki.

ESEKIEL 39:28

Te ki briew jong nga kin tip ba nga long U Trai U Blei jong ki. Kin sa tip ïa kane, namar nga la phah ïa ki sha ka jinglongmraw bad mynta nga lumlang ïa ki bad wallam pat ïa ki sha ka ri jong ki hi, khlem da iehnoh wat uwei na ki shadien.

ESEKIEL 39:29

Ngan theh buk ïa U Mynsiem jong nga ha ki paid Israel, bad ngan ym phai dien shuh na ki. Ma nga, U Trai Nongsynshar, nga la kren.”

JOEL 2:26

Mynta phin don kyrhai ban bam, bad phin sngewhun. Phin ïaroh ïa U Trai U Blei jong phi, uba la leh kiei kiei kiba phylla na ka bynta jong phi ki briew jong nga kin ym shah ñiewbeiñ shuh.

JOEL 3:17

“Te ko Israel, phan sa tip ba nga long U Trai U Blei jong pha. Nga shong ha Seïon, u lum bakyntang jong nga. Ka Jerusalem kan long ka nongbah bakyntang; ki nongwei kin ym lah ban jop shuh ïa ka lano lano ruh.

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.

SEPHANAÏAH 3:17

U Trai U Blei jong pha u long bad pha; ka bor jong u ka ai ha pha ka jingjop. U Trai un shem jingsngewbha ha pha, bad ha ka jingieit jong u un ai ha pha ka jingim bathymmai. Un rwai bad un kmen halor jong pha,

SEKHARAÏAH 2:9

“U Trai da lade hi un ïaleh pyrshah ïa phi, bad ïa phi yn sa lute da ki briew kiba shisien ki la long ki shakri jong phi.” Haba kane ka jia, uwei uwei baroh un tip ba U Trai Badonbor Baroh u la phah ïa nga.

JINGKHEIÑ 11:29

U Moses u jubab, “Hato me pyrkhat lem shaphang kiei kiei kiba ïadei bad nga? A ban da U Trai u ai ïa la ka bor mynsiem ha ki briew jong u baroh bad u pynlong ïa ki ban pyrta jam kum ki nongïathuhlypa!”

JINGKHEIÑ 23:21

Nga ïohi lypa ïa ka lawei jong ki Israel, Kan ym don ka jingkordit ne jinglanot ïa ki. U Trai U Blei jong ki u don ryngkat bad ki, Ki pynbna ba ma u, u long u syiem jong ki.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

DEUTERONOMI 23:14

Sumar khuid ïa ka jaka shong dara jong phi, namar U Trai U Blei jong phi u don ryngkat bad phi hangta ban ïada ïa phi bad ai ha phi ka jingjop ïa ki nongshun jong phi. Wat leh ïa kano kano kaba khlem akor kaba lah ban pynlong ïa U Trai ban phai noh na phi.

1 PETROS 2:6

Naba ka Jingthoh Bakhuid ka ong, “Nga la jied ïa u maw uba kordor ïa uba nga buh kum u mawdong ha Seïon; bad uno uno uba ngeit ha u un ym noh mynsiem da lei lei.”

JINGPYNPAW 21:3

Nga la ïohsngew ïa ka sur kaba jam kaba kren na ka khet: “Mynta ka ïing jong U Blei ka long bad u bynriew! Un shong bad ki, bad kin long ki briew jong u. U Blei da lade hi un long bad ki, bad un long U Blei jong ki.