JOEL 2:26 - Khasi CL Bible (BSI)

²⁶ Mynta phin don kyrhai ban bam, bad phin sngewhun. Phin ïaroh ïa U Trai U Blei jong phi, uba la leh kiei kiei kiba phylla na ka bynta jong phi ki briew jong nga kin ym shah ñiewbeiñ shuh.

KA BAIBL

²⁶ “Bad phin ïoh bam kyrhai bad phin kdang, bad phin ïaroh ïa ka kyrteng U Trai U Blei jong phi, uba la leh phylla ha phi: bad yn ym pynlehrain ïa u paidbah jong nga lano lano ruh.

JOEL 2:26 ပူးပေါင်းရင်းမြစ်များ

JENESIS 33:11

Sngewbha pdiang ïa kane ka jingai sngewbha kaba nga la wallam ïa phi; U Blei u la lehsbun ïa nga, bad u la ai ïa nga baroh kaba nga donkam.” U Jakob u la ïai kyrpad ïa u haduh ba un da pdiang.

NEHEMAÏAH 9:25

Ki briew jong me ki la jop ïa ki nongbah ba la ker kynroh, ki ri baseisoh, ki ïing ba-dap da ka spah, ki pukri ba la dep tih lypa, ki dieng Olib, ki diengsoh, ki bri sohwaiñ. Ki bam ïa baroh kaba ki kwah bad ki man sngaid; ki lehkmen ha baroh kiei kiei kiba bha kiba me la ai ïa ki.

SALM 103:5

U pyndap ïa ka jingim jong nga da kiei kiei kiba bha, ba kumta la pynthymmai bor ïa ka jinglong samla jong nga kum u pukni.

SALM 116:7

To sngewskhem, ko mynsiem jong nga, namar U Trai u la lehbha ïa nga.

SALM 13:6

Ngan rwai ha me, A Trai, namar me la long uba bha ïa nga.

SALM 22:26

Kiba duk kin bam katba ki lah; kito kiba wan sha U Trai kin ïaroh ïa u. Ai kin manbha junom!

SALM 37:19

Kin ym shahshitom haba ki wan ki por basniew, kin ïoh kyrhai ha ka por jong ka 'nemsniew.

SALM 67:5

Ai ba ki jaitbynriew kin ïaroh ïa me, A Blei; ai ba ki jaitbynriew baroh kin ïaroh ïa me!

SALM 72:18

To ïaroh ïa U Trai, U Blei ki Israel! Tang ma u hi uba leh ïa kine kiei kiei kiba phylla.

PROBERB 13:25

Kiba hok ki don kyrhai ban bam, hynrei ki bymman ki shahthngan borabor.

JINGRWAI SOLOMON 5:1

Nga la rung sha ka kper jong nga, ko ba-ieit thep mynsiem jong nga, ko nongleitkurim jong nga. Nga la lum ïa ki musla bad ka mirr jong nga; nga bam ïa ka ngap bad ka rewngap jong nga; nga dih ïa ka waiñ bad ka dud jong nga. To bam, ko ki nongphylliew jingieit, to dih tad haduh ba phin da buaid da ka jingieit.

ISAÏAH 25:1

A Trai, me long U Blei jong nga; ngan pyndonburom ïa me bad ïaroh ïa ka kyrteng jong me. Me la leh kiei kiei kiba phylla; me la long uba ïaineh ha kaba pyntreikam ïa ki jingthmu jong me kiba me la thmu naduh mynbarim.

ISAÏAH 29:22

Kumta mynta U Trai, U Blei ki Israel, uba la pyllait ïa u Abraham na ka jingjynjar, u ong, “Ko ki briew jong nga, phin ym shah pynlehrain shuh, bad ki khmat jong phi kin ym i-blad shuh da ka jinglehrain.

ISAÏAH 45:17

Hynrei ïa ki Israel la pynim da U Trai, bad ka jingjop jong u ka neh junom; ki briew jong ka kin ym jahburom.’ ”

ISAÏAH 49:23

Ki syiem kin long kum ki kpa ïa pha; ki mahadei kum ki kmie. Kin dem khrup ha khmat jong pha bad kin burom ïa pha; da kaba pynrit kin pyn-i burom ïa pha. Te phan tip ba nga long U Trai; uba ap ïa ka jingïarap jong nga un ym duh jingkyrmen.”

ISAÏAH 54:4

Wat nym sheptieng — phan ym shah pynlehrain biang; phan ym shah pynjahburom. Phan klet noh ïa ka jingbymlongkhuid kum ka tnga ba dang kham samla, bad ïa ka jinglong marwei ba shah ibeiñ kum ka riewkynthei.

ISAÏAH 55:2

Balei ban pynlut pisa ha kaei ka bym ai jinghun? Balei ban pynlut ïa ka bainong jong phi bad ban dang hap shahthngan hi? To shahshkor ïa nga bad leh ïa kaei kaba nga ong, bad phin sngewtynnat ïa ka jingbam kaba bang tam na baroh.

LEBITIKOS 25:19

Ka ri kan seisoh bha, bad phin ïoh ban bam kat ïa kaba phi kwah, bad phin ïoh shongshngain hangta.

LEBITIKOS 26:26

Ngan ot noh ïa ka jingpynpoi jingbam jong phi, ba kumta shiphew ngut ki kynthei kin donkam tang kawei ka dpei ban shet ïa u kpu baroh uba ki don. Kin ïasam ïa uta u kpu da kaba shu thew, bad wat haba phi la bam lut ïa u ruh, phin dang thngan.

LEBITIKOS 26:5

Ki jingmih kin long kiba bun katta katta ba phin dang ot hi ïa u kew wat haba ka la dei ka por kheit sohwaiñ, bad phin dang kheit hi ïa kita ki soh wat haba ka la dei ka por bet kew. Phin ïoh bam kat kaba phi kwah, bad phin ïoh im suk im saiñ ha la ka ri.

MIKAH 6:14

Phin bam, hynrei phin ym sngewhun — ha ka jingshisha phin dang ïai thngan hi. Phin rah bak ïa kiei kiei, hynrei phin ym lah ban ri ïa ki; ïa kino kino kiba phi lah ban ri, ngan pynjot ïa ki ha ka thma.

SEPHANAÏAH 3:11

Ha kata ka por, ma phi, ki briew jong nga phim donkam shuh ban lehrain ba phi la ïeng ïaleh pyrshah ïa nga. Ngan weng noh ïa uno uno baroh uba sarong bad uba sngewmeng, bad phin ym ïeng ïaleh pyrshah shuh da lei lei ïa nga ha u lum bakyntang jong nga.

SEKHARAÏAH 9:15

U Trai Badonbor Baroh un ïada ïa ki briew jong u, bad kin pynjot ïa ki nongshun jong ki. Kin pyrta ha ka thma kum ki rangbah ba la buaid bad kin pynmih ïa ka snam jong ki nongshun jong ki; kan tuid kum ka snam jong ka jingkñia ba la theh halor ka duwan na ka jingdiang.

SEKHARAÏAH 9:17

Katno kaba bha bad kaba itynnat ka ri kan long! Ki samla kin san kin khlaiñ da u kew bad ka waiñ jong ka.

Ka Shithi U Paul Sha Ki Nong Rom 10:11

Ka Jingthoh Bakhuid ka ong, “Uno uno uba ngeit ha u un ym ngat ha ka jingsngewsih.”

Ka Shithi U Paul Sha Ki Nong Rom 5:5

Kane ka jingkyrmen ka ai ha ngi ka jingkmen, namar U Blei u la theh noh ïa ka jingieit jong u ha ki dohnud jong ngi lyngba U Mynsiem Bakhuid, uba long ka jingai sngewbha jong U Blei ïa ngi.

Ka Shithi U Paul Sha Ki Nong Rom 9:33

uba ka Jingthoh Bakhuid ka kren shaphang uta: “Ha khmih, nga buh ha Seïon ïa u maw u ban pynlong ïa ki briew ban jynthut, u mawsiang u ban pynlong ïa ki ban kyllon. Hynrei uno uno uba ngeit ha u un ym shem ïa kaba sngewsih.”

DEUTERONOMI 11:15

Phin ïoh ïa ka jingbam baroh kaba phi kwah.

DEUTERONOMI 12:12

Shadkmen ha khmat jong u hangta, lem bad ki khun ki kti jong phi, ki shakri shakor jong phi, bad ki Lebi kiba shong ha ki shnong jong phi; to kynmaw ba ki Lebi kim don bri don khyndew la ka jong.

DEUTERONOMI 12:18

Ma phi bad ki khun ki kti jong phi, lem bad ki shakri shakor jong phi, bad ki Lebi ruh kiba shong ha ki shnong jong phi, phi dei ban bam ïa kine ki jingainguh tang ha khmat U Trai U Blei jong phi, ha kawei ka jaka mane Blei kaba u la jied. Bad hangta phi dei ban sngewkmen na ka bynta kaei kaei baroh kaba phi la leh.

DEUTERONOMI 12:7

Hangta ha khmat U Trai U Blei jong phi, uba la kyrkhu ïa phi, ma phi bad ki ba-ha-ïing ha-sem jong phi phin ïabam bad ïalehkmen ha kiei kiei kiba bha kiba phi la trei shitom.

DEUTERONOMI 8:10

Phin ïoh bam kat ïa kaba phi kwah, bad phin ainguh ïa U Trai U Blei jong phi na ka bynta kata ka ri kaba seisoh ba u la ai ha phi.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

1 ÏOANNIS 2:28

Ho-oid, ko ki khun jong nga, to ïaisah ha u, khnang ba ynda u wanpaw, ngin long kiba dap da ka jingshlur bad ngim donkam ban rieh ha ka jinglehrain na u ha ka Sngi kaba u wan.