JOEL 2:23 - Khasi CL Bible (BSI)

²³ “To lehkmen, ko ki briew ka Seïon, to shadkmen ha kaei kaba U Trai U Blei jong phi u la leh ïa phi. U la ai ïa phi ïa u slap synrai uba biang; u la theh ïa u slap tlang na ka bynta jong phi bad ïa u slap pyrem kumba mynshuwa.

KA BAIBL

²³ “To ïasngewbha te, phi ki khun ka Seïon, bad to leh kmen ha U Trai U Blei jong phi: naba u ai ha phi ïa u slap uba shuwa ha ka jingthew kaba biang, bad u pynhap ïa u slap ha phi, u slap uba shuwa bad u slap uba khatduh, ha u bnai banyngkong.

JOEL 2:23 ပူးပေါင်းရင်းမြစ်များ

1 SYIEM 8:36

To map ïa ka pop jong u syiem bad jong ki paid Israel. Hikai ïa ki ban leh ïa kaba dei. Nangta, A Trai to phah ïa u slap ha kane ka ri jong me, ïa kaba me la ai ha la ki jong ki briew kum ka jingïohkynti jong ki junom.

Ka Kitab U Job 33:23

Lehse u angel u lah ban wan ïarap ïa u — uwei na ki hajar ki angel jong U Blei, uba pynkynmaw ïa ki briew ïa ki kamram jong ki.

Ka Kitab U Job 37:13

U Blei u phah ïa u slap ban ai um ïa ka khyndew; u lah ban phah ïa u ban pynshitom ïa ngi, lane ban pyn-i ïa ka jingsngewbha jong u.

SALM 104:34

To un kmen ïa ka jingrwai jong nga, namar ka jingkmen jong nga ka wan na u.

SALM 147:8

U pynphriang ïa ki lyoh ha ka suiñbneng; u pynbiang slap ïa ka khyndew bad u pynlong ba u phlang un mih ha ki lum.

SALM 149:2

To kmen, ko Israel, namar u Nongthaw jong phi; to shadkmen, ko ki briew ka Seïon, na ka bynta u syiem jong phi!

SALM 28:7

U Trai u ïada bad u kyrshan ïa nga; nga shaniah ha u. U ai jingïarap ïa nga bad pynsngewbha ïa nga; ngan ïaroh ïa u bad ki jingrwai kmen.

SALM 32:11

Phi kiba hok, to lehkmen bad to shadkmen, namar ïa kaei ba U Trai u la leh, phi kiba kohnguh ïa u, to risa jam da ka jingkmen!

SALM 84:6

Katba ki ïaid lyngba ïa ka them baryngkhiang ka Baka, ka kylla long ka jaka ki umpohliew; u slap synrai u pyndap ruh ïa ka da ki pung.

PROBERB 16:15

Ka jingshem sngewbha u syiem ka long kum ki lyoh kiba wanrah slap ha ka por pyrem — don ka jingim hangta.

ISAÏAH 30:21

Lada phi sakma noh na ka lynti sha kamon ne sha kadiang, phin ïohsngew ïa ka sur jong u hadien jong phi kaba ong, “Kane ka dei ka lynti. Bud ïa ka.”

ISAÏAH 30:23

Man ba phi bet ïa ki symbai jong phi, U Trai un phah slap ban pynlong ïa ki ban san bad ai ïa phi ka jingot kaba bun, bad ki jingri jong phi kin don shibun ki jaka bam phlang.

ISAÏAH 41:16

Men kynting ïa ki ha ka lyer; ka lyer kaba jur kan kit lut ïa ki, bad yn pynsaphriang ïa ki da ka 'erïong. Te men sa kmen namar nga long U Blei jong me; men ïaroh ïa nga, U Blei bakhuid ki Israel.

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

JEREMAÏAH 3:3

Dei kata keiñ balei ba la bat noh ïa u slap, bad u slap pyrem um shym la wan. Pha la da i syriem hi kum ka nuti; pham don kano kano ka jinglehrain.

JEREMAÏAH 5:24

Phim ju pyrkhat da lei lei ban pyndonburom ïa nga, wat la nga phah ïa u slap synrai bad ïa u slap pyrem bad ai ha phi ïa ka aïom ot man la ka snem.

SNGEWSYNEI 4:2

Ki samla shynrang jong ka Seïon ki la long kiba kordor ïa ngi kum ka ksiar, hynrei mynta la ñiew ïa ki kum ïa ki khiew dewbyrtha bymdondor.

ESEKIEL 34:26

“Ngan kyrkhu ïa ki bad ngan shah ïa ki ban shong ban sah ha sawdong u lum bakyntang jong nga. Hangta ngan kyrkhu ïa ki da kaba pynhap ïa u 'lap praw haba ki donkam ïa u.

HOSIA 6:3

To ngin ïai pyrshang ban tip ïa U Trai. Da shisha un sa wan sha ngi kum ka step phyrngab, shisha kum u slap pyrem uba ai um ïa ka khyndew.”

LEBITIKOS 26:4

ngan phah ha phi ïa u slap ha ka aïom kaba biang, khnang ba ka khyndew kan pynmih kyrhai ki jingthung jingtep bad ki dieng kin seisoh.

AMOS 4:7

Nga la khang ïa u slap haba ki jingthung ki dang donkam eh ïa u. Nga la pynhap slap ha kawei ka nongbah, hynrei ym ha kawei pat. U slap u la hap ha kawei ka lyngkha hynrei kawei pat ka lyngkha ka la tyrkhong.

SEKHARAÏAH 10:1

To pan na U Trai ïa u slap ha ka pyrem jong ka snem. U dei U Trai uba phah ïa ki lyoh slap bad ïa u 'lap praw, da kaba pynjyrngam ïa ki lyngkha na ka bynta uwei pa uwei.

SEKHARAÏAH 10:7

Ki paid Israel kin long kiba khlaiñ kum ki shipai, kiba kmen kum ki rangbah kiba la dih waiñ. Ki khun ki ksiew jong ki kin kynmaw ïa kane ka jingjop bad kin kmen namar kaei kaba U Trai u la leh.

SEKHARAÏAH 9:13

Ngan pyndonkam ïa ka Judah kum ka ryntieh jong u shipai bad ïa ka Israel kum ki khnam. Ngan pyndonkam ïa ki rangbah jong ka Seïon kum ka waitlam, ban ïaleh ïa ki rangbah jong ka Gris.”

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

KI KAM 14:17

Hynrei u la ïai ai ka sakhi ïa ka jingdon jong u da kiei kiei kiba bha kiba u leh: U ai ha phi ïa u slap na sahit bneng bad ïa ki jingthung ha ki por babiang; u ai ha phi ka jingbam bad u pyndap ïa ka dohnud jong phi da ka jingkmen.”

DEUTERONOMI 11:14

Lada phi leh kumta, un sa pynhap slap ha ka khyndew jong phi ha ka aïom kaba biang, ha ka por synrai bad ha ka por pyrem, khnang ba phin ïohlum ïa u kew, ïa ka waiñ, bad ïa ka umphniang Olib na ka bynta jong phi hi, bad ïa u phlang na ka bynta ki jingri jong phi.

DEUTERONOMI 28:12

Un pynhap ïa u slap ha la ka aïom na ka ïing kynshew jong u ha bneng bad un kyrkhu ïa ka jingtrei jong phi baroh, ba phin ïoh ai kylliang ha kiba bun ki jaitbynriew, katba ma phi pat phin ym hap shim kylliang nano nano.

DEUTERONOMI 32:2

Ka jinghikai jong nga kan hap kum ki jingjaw slap, bad kan jreiñ ha khyndew kum ka umjer. Ki ktien jong nga kin hap kum u 'lap praw ha ki jingthung ba dang lung, kum u slap ñiup ñiup ha u phlang ba dang lung.

PHILIPPI 3:1

Ha kaba wai noh, ko parabangeit jong nga, to phin kmen ha U Trai. Ngam sngew ei ei ban ïai ban biang ïa kaei kaba nga la thoh mynshuwa, bad kan kham pynskhem ïa phi lada nga leh kumta.

PHILIPPI 3:3

Dei ma ngi, ym ma ki, kiba la ïohpdiang ïa ka jingotsher kaba shisha, naba ngi mane ïa U Blei da U Mynsiem jong u bad ngi lehkmen ha ka jingim jong ngi ha U Khrist Jisu. Ngim buh ïa kano kano ka jingshaniah ha ki jinglehniam kiba shabar.

PHILIPPI 4:4

Ai ba phin shadkmen borabor ha U Trai; nga ban biang ïa ka: To ïakmen.