JOEL 2:22 - Khasi CL Bible (BSI)

²² Ko ki mrad, wat sheptieng. Ki jaka phlang ki long kiba jyrngam; ki dieng ki sei ïa la ki soh, bad don kyrhai ki soh Dumbur bad sohwaiñ.

KA BAIBL

²² Wat sheptieng, phi ki mrad ha lum; naba ki jaka bam phlang ha ri khlaw ki ïamih, naba u dieng u sei la u soh, u dieng Dumbur bad u dieng Waiñ ki ïa-pynmih ïa la ka bor.

JOEL 2:22 ပူးပေါင်းရင်းမြစ်များ

JENESIS 4:12

Lada me pyrshang ban thung jingthung, ka khyndew kan ym pynmih ei ei; men long u nongphetwir ha ka pyrthei.”

SALM 36:6

Ka hok jong me ka kerkut kum ki lumbah, ka jingbishar hok jong me ka long kum ki jingjylliew ka duriaw, ki briew bad ki mrad ki don ha ka jingsumar jong me.

SALM 65:12

Ki jaka pynbamphlang ki dap da ki kynhun langbrot; ki sharing lum ki dap da ka jingkmen.

SALM 65:13

Ïa ki madan phlang la tap da ki langbrot; ki them ki shlei da u kew. Baroh kiei kiei ki risa bad rwai da ka jingkmen.

SALM 67:6

Ka khyndew ka la pynmih ïa u soh jong ka; U Blei, U Blei jong ngi, u la kyrkhu ïa ngi.

ISAÏAH 51:3

“Ngan pyn-i ïa ka jinglehisynei ïa ka Jerusalem, sha kito baroh kiba shong halor ki jingpra jong ka. Wat la ka jaka jong ka, ka long kum ka ri shyiap, ngan pynlong ïa ka, ka kper, kum ka kper kaba nga la thung ha Eden. Ka jingkmen bad ka jinglehkmen kin don hangta, bad ki jingrwai jong ka jingïaroh bad jingainguh ïa nga.

ESEKIEL 36:30

Ngan pynroi kyrhai ïa ka jingmih na ki diengsoh bad na ki lyngkha jong phi, ba kan ym don shuh ka 'nemsniew ka ban pynjahburom ïa phi hapdeng ki jaitbynriew.

ESEKIEL 36:35

Baroh kin ong kumno kane ka ri, kaba shisien ka la long ka jaka khlaw, ka la kylla long kum ka Kper Eden, bad kumno ba ki nongbah kiba la shah pynjot, shah lute bad shah iehnoh ha ki jingjot, ki long mynta ki jaka shong briew bad ki jaka ba la ker kynroh.

ESEKIEL 36:8

Hynrei ha ki lumbah ka Israel ki dieng kin sei biang ki sla bad pynmih soh na ka bynta jong phi, ki briew jong nga, ki Israel. Phi la jan ban wan noh sha la ka ri.

JONAH 4:11

Katno tam, te, ba ngan don ka jingsngewsynei ïa ka Ninebeh, kata ka nongbah bakhraw. La kumno kumno, ka don palat ïa ka shi lakh arphew hajar ngut ki khunlung balui lui ha ka, kumjuh ruh shibun ki mrad!”

HAGGAI 2:16

phi leit sha ka thup kew da kaba khmih lynti ban shem arspah kilo, hynrei yn don hangta tang shispah. Phin leit ban tong shispah litar ka waiñ na ka jingbuh hynrei phi shem tang sawphew.

SEKHARAÏAH 8:12

Kin thung ïa ki jingthung jong ki ha ka jingsuk. Ki bri sohwaiñ jong ki kin pynmih ki sohwaiñ, ka khyndew kan pynmih ïa ki jingthung, bad u slap un don kyrhai. Ngan ai ïa kine ki jingkyrkhu baroh ha ki briew jong ka hima jong nga kiba dang lait im.

1 KORINTH 3:7

Uta uba bet bad uta uba ai um kim long ei ei da shisha. Dei U Blei uba kongsan, namar u pynlong ïa u jingthung ban san.