JOEL 2:20 - Khasi CL Bible (BSI)

²⁰ Ngan weng ïa ka kynhun ki puit kaba la wan na shaphang shatei bad ngan pynphai katto katne na ki sha ka ri shyiap. Kito kiba don ha ki bynta ba ha khmat kin shah beh sha ka Duriaw Baïap, kito kiba don ha ka bynta ba hadien sha ka Duriaw Mediterranian. Ki metïap jong ki kin iwtung. Ngan pynjot ïa ki namar baroh kaba ki la leh ïa phi.

KA BAIBL

²⁰ “Hynrei, ngan pynkynriah sha jngai na phi ïa u paidïapom ka ri shatei, bad ngan beh noh ïa u sha ka ri kaba lyngki bad kaba kynjah, ka bynta kaba sha khmat jong u sha ka duriaw mihngi, bad ka bynta kaba shadien jong u sha ka duriaw sepngi; te ka jingiwkhong jong u kan kiew, bad ka jingiwtung jong u kan kiew, namar ba u la leh ïa kiei kiei kiba khraw.

JOEL 2:20 ပူးပေါင်းရင်းမြစ်များ

2 SYIEM 8:13

“Kumno keiñ ngan long uba khlaiñbor haduh katta katta?” u Hasael u kylli. “Ngam long ei ei ruh em!” U Elisha u phai ktien, “U Trai u la pynpaw ha nga ba men sa long u syiem ka Syria.”

SALM 126:3

Da shisha u la leh kiei kiei kiba khraw ïa ngi; O katno ngi kmen!

EKSODOS 10:19

Bad U Trai u la pynkylla ïa ka lyer mihngi sha ka lyer sepngi kaba jur, kaba la rong noh ïa ki puit bad bret ïa ki sha ka Duriaw Basaw. Ym shym sah shuh uwei ruh u puit ha ka ri Ijipt baroh kawei.

EKSODOS 8:14

Ki nong Ijipt ki la lum thup ïa ki shi jaka jaka haduh ba la iwtung lut ka ri baroh kawei.

ISAÏAH 34:3

Yn ym tep ïa ki metïap jong ki, hynrei kin pyut hangta bad kin iwtung; bad ki lumbah kin saw da ka snam.

ESEKIEL 47:18

“U pud mihngi u ïaid shaphang shathie na ka bynta kaba hapdeng ka ri jong ka Damaskos bad ka Hauran, bad ka wah Jordan ka pynlong ïa u pud hapdeng ka ri Israel ha ka bynta shaphang sepngi bad ka Gilead shaphang mihngi, haduh Tamar ha ka Duriaw Baïap.

AMOS 4:10

“Nga la phah ïa ka khlam ha phi kum kata kaba nga la phah ha Ijipt. Nga la pynïap ïa ki samla shynrang jong phi ha ka thma bad nga la knieh noh ïa ki kulai jong phi. Nga la pyndap ïa ki thliew khmut jong phi da ka jingiwtung ki metïap ha ki jaka shong dara jong phi. Katta ruh phim shym la wan phai pat sha nga.

SEKHARAÏAH 14:8

Haba kata ka sngi ka poi, ka um basngur kan tuid na Jerusalem, shiteng na ka sha ka Duriaw Baïap bad kawei pat ka shiteng sha ka duriaw Mediterranian. Kan tuid baroh shisnem, ha ka aïom ba-rkhiang bad ha ka aïom bajhieh.

MALAKHI 3:11

Ngan ym shah ïa ki khñiang ban pynjot ïa ki jingthung jingtep jong phi, bad ki dieng sohwaiñ jong phi kin dap da ki sohwaiñ.

DEUTERONOMI 11:24

Ka khyndew baroh ha kaba phin ïuhkjat kan long ka jong phi. Ka ri jong phi kan ïar naduh ka ri shyiap shaphang shathie haduh ki lum Lebanon shaphang shatei, bad naduh ka wah Ïuphratis shaphang mihngi haduh ka Duriaw Mediterranian shaphang sepngi.