JOEL 2:2 - Khasi CL Bible (BSI)

² Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

KA BAIBL

² ka sngi kaba dum bad baïong, ka sngi ki lyoh bad ka jingdum barben, kumba ka step phyrngab ka phriang halor ki lum; u paidbah u bakhraw bad u bakhlaiñ, ym shym don mynno mynno uba kat uta, lymne kan ym long shuh ruh hadien jong u, haduh ki snem pateng la pateng keiñ.

JOEL 2:2 ပူးပေါင်းရင်းမြစ်များ

SALM 10:6

U ong ha lade, “Ngan ym bakla da lei lei; da lei lei ngan ym poi ha ka jingjynjar.”

SALM 97:2

Ki lyoh bad ka jingdum ki ker sawdong ïa u; u synshar da ka hok bad ka jingbishar hok.

EKSODOS 10:14

Kita ki puit ki wan kynhun kynhun bad ki dem ha ka ri baroh kawei. Kat kata ka jingbun ki puit ym pat ju ïohi mynno mynno lane yn ym ïohi shuh lano lano ruh.

EKSODOS 10:6

Kin dap ha ki ïingsyiem jong me, bad ha ki ïing jong ki rangbah synshar bad ki briew jong me baroh. Kin long kiba kham sniew ban ïa kano kano kaba ki kpa tymmen jong me ki la ju ïohi.’ ” Nangta u Moses u phai bad u mihnoh.

EKSODOS 20:21

Hynrei ki paidbah ki dang ïeng hi sha jngai, bad tang u Moses uba la leit sha jan u lyoh uba rben ha uba U Blei u don.

ISAÏAH 5:30

Haba kata ka sngi ka poi, kin kyrhuh halor ka Israel da kaba jam kum ka duriaw. Ha khmih ïa kane ka ri! Ka jingdum bad ka jinglyng-a! Ïa ka jingshai la nguid da ka jingdum.

ISAÏAH 8:22

lane peit shlip ha ka khyndew, pynban kin ym ïohi ei ei hynrei ka jingjynjar bad ka jingdum, ka jingdum kaba pyntriem sha kaba la beh ïa ki.

JEREMAÏAH 13:16

To pyndonburom ïa U Trai, U Blei jong phi, ha shuwa ba un wallam ïa ka jingdum, bad ba phi jynthut halor ki lumbah; ha shuwa ba un pynkylla sha ka jingdum synñia ïa ka jingshai kaba phi la kyrmen.

JEREMAÏAH 13:6

Katto katne por hadien, U Trai u la bthah ïa nga ban leit pat sha ka Ïuphratis bad shim ïa ki patlun lyngkot.

SNGEWSYNEI 1:12

“Khmih sha nga!” ka pyrta sha uwei pa uwei uba ïaid lynti najan. “Ym don mano mano ba don ka jingpang kum ka jong nga, ka Jingpang kaba U Trai u la wallam halor jong nga ha ka por ka jingbitar jong u.

ESEKIEL 32:7

Ynda nga pynjot ïa me, ngan tap ïa ka sahit bneng bad pyndum ïa ki khlur. Ka sngi kan buhrieh sha lyndet ki lyoh, bad u bnai un ym ai jingshai.

ESEKIEL 34:12

Ha kajuh ka rukom kumba u nongaplangbrot u sumar bha ïa la ki langbrot kiba la sakma bad u wallam lang ïa ki pat. Ngan wallam pat ïa ki na ki jaka sha kiba la pynsakma ïa ki ha kata ka sngi ka jingdum bad jingjot.

ESEKIEL 38:9

Ma u bad ka kynhun shipai jong u bad bun ki jaitbynriew kiba don bad u kin tur ïaleh kum ka 'erïong bad tap ïa ka ri kum u lyoh.”

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

DANIEL 9:12

Me la leh ïa kaei kaba me la ong ba men leh ha ngi bad ha ki nongsynshar jong ngi. Me la pynshitom ïa ka Jerusalem kham jur ban ïa kano kano kawei pat ka nongbah ha ka pyrthei,

JOEL 1:6

Ka kynhun ki puit ka la tur ïaleh ïa ka ri jong ngi; ki long kiba khlaiñbor bad bun palat bym lah ñiew shuh; ki bniat jong ki, ki nep kum kito ki jong u sing.

JOEL 2:25

Ngan ai pat ha phi ïa kaei kaba phi la duh noh ha ki snem mynba ki kynhun jong ki puit ki la bam ïa ki jingthung jong phi. Dei ma nga uba la phah ïa kane ka kynhun pyrshah ïa phi.

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

JOEL 2:5

Katba ki kynthih halor ki lumbah, ki riew kum ki kali ïapom; ki sawa kum u phlangïap ha ka ding. Ki ïeng laiñ kum ka kynhun shipai bakhraw ban ïaleh thma.

JOEL 3:4

“Kaei kaba phi pyrshang ban leh ïa nga, ko Tyros bad Sidon, bad baroh ki jaka jong ka Philistia? Hato phi pyrshang ban siew pat ïa nga na ka bynta kaei kaei? Lada phi leh kumta, ngan siew kylliang kloi kloi pat ïa phi!

AMOS 4:13

U Blei u long uta uba la thaw ïa ki lumbah bad uba pynlong ïa ki lyer. U pynpaw ïa la ki jingmut ha u briew; u pynkylla ïa ka sngi sha ka miet. U ïaid ha kiba kynjang jong ka pyrthei. Kane ka long ka kyrteng jong u: U Trai U Blei Badonbor Baroh!

SEPHANAÏAH 1:7

Ka sngi ka la jan haba U Trai un shong ha ka jingbishar; kumta to sngap jar ha ka jingdon ryngkat jong u. U Trai u pynkhreh ban kñia ïa ki briew jong u bad u la khot sngewbha ïa ki nongshun ban lute ïa ka Judah.

SEKHARAÏAH 14:6

Haba kata ka por ka poi, yn ym don shuh ka jingkhriat lane u thah,

MATHAÏOS 24:21

Namar ka jingjynjar ha kata ka por kan kham shyrkhei ban ïa kano kano kaba la ju jia, naduh kaba sdang jong ka pyrthei haduh kane ka sngi. Lymne ba yn don pat kano kano kum kane.

MARKOS 13:19

Namar ka jingshitom jong kita ki sngi kan long kaba kham sniew, ban ïa kaei kaei kaba ka pyrthei ka la ju tip naduh myn nyngkong eh ba U Blei u la thaw ïa ka pyrthei haduh ka por ba mynta. Lymne yn ym don shuh hadien kum kata kaei kaei.

DEUTERONOMI 32:7

“Pyrkhat ïa ki sngi kiba mynbarim, ïa ka por ba la leit noh, kylli na la ki kpa ban ïathuh ha phi aïu ka la jia, kylli na ki tymmen ban ïathuh ha phi ïa ka mynnor.

HEBRU 12:18

Naba phim shym la wan kumba wan ki paid Israel, sha kaei kaba phi lah ban tba, sha u lum Sinai ha kaba la don ka ding kaba klang, ka jingdum bad u lyoh ïong, ka 'erïong,

JUDAH 1:13

Ki long kum ki jingat phyllung ba khih phaloh jong ka duriaw, da ki jingleh bakhlemrain jong ki, ki pynpaw kum ki sboh sabon. Ki long kum ki khlur ba ïaid sakma, ïa kiba U Blei u la buh lypa ïa ka jaka kaba dum tliw tliw junom.

JINGPYNPAW 9:2

U khlur u la plie ïa ka liewlong ba khlem trai, bad ka tdem ka la mih puk na ka, kum ka tdem na ka lawar ding kaba heh; ïa ka jingshai ka sngi bad ka suiñbneng la pyndum ngaiñ da ka tdem na kata ka liewlong ba khlem trai.