JOEL 2:19 - Khasi CL Bible (BSI)

¹⁹ U la jubab ïa ki: “Mynta ngan ai ïa phi u kew bad ka waiñ bad ka umphniang Olib, bad phin long kiba la sngewhun. Kiwei ki jaitbynriew kin ym ñiewbeiñ shuh ïa phi.

KA BAIBL

¹⁹ Te U Trai u la ïathuh bad u la ong ha la ki briew, “Ha khmih, ngan phah Kew ha phi, bad ka Waiñ, bad ka umphniang, bad yn pynkdang ïa phi da kine: bad ngan ym pynlong ka jingrkhiebeiñ shuh ïa phi hapdeng ki jaid bynriew.

JOEL 2:19 ပူးပေါင်းရင်းမြစ်များ

JEREMAÏAH 31:12

Kin wan bad rwai da ka jingkmen ha u lum Seïon bad kin kmen ha ki jingai sngewbha jong nga — ki jingai sngewbha da u kew bad ka waiñ bad ka umphniang Olib, ki jingai sngewbha da ki langbrot bad ki masi. Kin long kum ka kper bad la ai um bha; kin don baroh kat kaba ki donkam.

ESEKIEL 34:29

Ngan ai ha ki ïa ki jaka rep kiba seisoh bad ngan pynkut noh ka jingïapthngan ha ka ri. Kiwei pat ki ri kin ym rkhiebeiñ shuh ïa ki.

ESEKIEL 36:15

Ka ri kan ym shahshkor shuh ïa ki jaitbynriew kiba krenbeiñ ïa ka, lane ïohi ki kynja bynriew kiba peitbeiñ ïa ka. Ka ri kan ym knieh shuh ïa la ki khun na ka jaitbynriew. Ma nga, U Trai nongsynshar, nga la kren.”

ESEKIEL 36:29

Ngan pyllait ïa phi na kata baroh kaba pyntngit ïa phi. Ngan hukum ïa u kew ba un bun kyrhai, khnang ba phin ym mad shuh ïa ki jingïapthngan.

ESEKIEL 36:30

Ngan pynroi kyrhai ïa ka jingmih na ki diengsoh bad na ki lyngkha jong phi, ba kan ym don shuh ka 'nemsniew ka ban pynjahburom ïa phi hapdeng ki jaitbynriew.

ESEKIEL 39:29

Ngan theh buk ïa U Mynsiem jong nga ha ki paid Israel, bad ngan ym phai dien shuh na ki. Ma nga, U Trai Nongsynshar, nga la kren.”

HOSIA 2:15

Ngan ai pat ha ka ïa ki bri sohwaiñ jong ka, bad ngan pynlong ïa ka Them Jingshitom sha ka khyrdop ka jingkyrmen. Hangta kan sa phai ktien ïa nga kumba ka la leh mynba ka dang samla, mynba ka wan mihnoh na ka ri Ijipt.

HOSIA 2:21

Ha kata ka por ngan jubab ïa ki jingduwai ki briew jong nga ki Israel. Ngan phah ïa u slap ba un hap ha ka khyndew

HOSIA 2:22

bad ka khyndew kan pynmih ïa u kew, bad ki sohwaiñ, bad ki soh Olib.

JOEL 1:10

Ki lyngkha kim don ei ei shuh; ka khyndew ka ïamkthang namar ïa u kew la pynjot, ki sohwaiñ ki la tyrkhong, bad ki dieng Olib ki la ïapstai.

JOEL 2:24

Ki jaka pynkhuid kew kin dap da u kew; ki thliew harud ki jaka pynmih umsoh bad umphniang kin shlei da ka waiñ bad ka umphniang Olib.

LEBITIKOS 26:5

Ki jingmih kin long kiba bun katta katta ba phin dang ot hi ïa u kew wat haba ka la dei ka por kheit sohwaiñ, bad phin dang kheit hi ïa kita ki soh wat haba ka la dei ka por bet kew. Phin ïoh bam kat kaba phi kwah, bad phin ïoh im suk im saiñ ha la ka ri.

SEKHARAÏAH 8:12

Kin thung ïa ki jingthung jong ki ha ka jingsuk. Ki bri sohwaiñ jong ki kin pynmih ki sohwaiñ, ka khyndew kan pynmih ïa ki jingthung, bad u slap un don kyrhai. Ngan ai ïa kine ki jingkyrkhu baroh ha ki briew jong ka hima jong nga kiba dang lait im.

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

DEUTERONOMI 11:14

Lada phi leh kumta, un sa pynhap slap ha ka khyndew jong phi ha ka aïom kaba biang, ha ka por synrai bad ha ka por pyrem, khnang ba phin ïohlum ïa u kew, ïa ka waiñ, bad ïa ka umphniang Olib na ka bynta jong phi hi, bad ïa u phlang na ka bynta ki jingri jong phi.

RUTH 1:6

Hadien katto katne por ka Naomi ka ïohsngew ba U Trai u la kyrkhu ïa la ki briew da kaba ai ha ki ka jingot kaba bha; kumta ka la khreh ban mihnoh na Moab lem bad la ki pyrsa kurim.