JOEL 2:16 - Khasi CL Bible (BSI)

¹⁶ To ïalumlang ïa ki paidbah; to pynkhreh ïa ki na ka bynta ka jingïalang bakyntang; to wallam ki briew ba la tymmen; to ïalumlang ïa ki khynnah bad ki khunlung ruh. Wat kito kiba dang shu dep shongkurim ki dei ban mihnoh na la ka kamra bad ban wan.

KA BAIBL

¹⁶ to lum ïa u paidlang, to pynkyntang ïa ka jingïaseng, lum lang ïa ki tymmen, to lum ïa ki khynnah, bad ïa kita kiba dang buiñ: ai ba u nongleit-kurim un mih noh na la ka kamra, bad ka nongleit-kurim na la ka pulit.

JOEL 2:16 ပူးပေါင်းရင်းမြစ်များ

2 KHRONIKL 20:13

Baroh ki rangbah ka Judah, ryngkat bad ki tnga bad ki khun jong ki, ki ïeng hangta ha ka Templ.

2 KHRONIKL 29:5

U ong, “Phi ki Lebi, phi dei ban pynkyntang ïa lade, bad pynkhuid ïa ka Templ U Trai U Blei ki kpa tymmen jong phi. Weng noh na ka Templ ïa kata baroh kaba pynjakhlia ïa ka.

2 KHRONIKL 30:17

Namar kiba bun ki briew ki long ki bymkhuid kat kum ka jinglehniam, kim shym lah ban pynïap ïa ki khunlangbrot ka Jingkhawai Niam Ka Jinglait, kumta ki Lebi ki la leh ïa kane na ka bynta jong ki, bad ki la pynkyntang ïa ki khunlangbrot sha U Trai.

2 KHRONIKL 30:19

U syiem Hesekaïah u la duwai ïa kane ka jingduwai na ka bynta jong ki: “A U Trai U Blei jong ki kpa tymmen jong ngi, ha ka jingbha ka jong Me, to map ïa kito kiba mane ïa me da la ka dohnud baroh, wat la kim long kiba khuid kat kum ka jinglehniam.”

2 KHRONIKL 35:6

Phi dei ban pynïap ïa ki langbrot bad ki blang jong ka Jingkhawai Niam Ka Jinglait. Mynta pynlong ïa lade kiba la khuid kat kum ka jinglehniam bad pynkhreh ïa ki jingkñia ba ki para Israel kin ïoh bud ïa ki jingbthah kiba U Trai u la ai ha u Moses.”

Ka Kitab U Job 1:5

Ha man ka step kaba bud jong ka jingkhawai, u Job u ju khie dang step bad u ai ïa ki jingkñia na ka bynta iwei pa iwei na ki khun jong u ban pynkhuid ïa ki. U ju leh ïa kane borabor namar u pyrkhat ba ïoh iwei na ki i leh pop da kaba ñiewbeiñ ïa U Blei khlem poi pyrkhat.

SALM 19:5

ka wan mih mynstep kum u nongleitkurim uba kmen, kum u nongmareh uba angnud ban mareh ïa ka jingmareh thong.

EKSODOS 19:10

bad U Trai u ong ha u Moses, “Khie leit sha ki paidbah bad ong ïa ki ba kin pynkhuid ïa lade mynta ka sngi bad la shai ruh khnang ba ki lah ban mane.

EKSODOS 19:15

Kumta ki sait ïa la ki jaiñkup, bad u Moses u ong ha ki, “La shi sngi, phi dei ban long kiba la pynkhreh bad ha kajuh ka por phim dei ban ïathiah shongkha.”

EKSODOS 19:22

Wat ki lyngdoh kiba wan sha jan jong nga ki dei ban pynkhuid ïa lade, lym kumta ngan pynshitom ïa ki.”

JOEL 1:14

To ai hukum na ka bynta ka jingshah jingit; to khot na ka bynta ka jingïaseng bah! To ïalumlang ïa ki nongïalam bad ki paid Judah baroh ha ka Templ jong U Trai U Blei jong phi bad to khot kyrpad ïa U.

MATHAÏOS 21:16

Kumta ki la kylli ïa U Jisu, “Me ïohsngew ïa kaei kaba ki ong?” “Ho-oid nga ïohsngew,” la jubab U Jisu. “Phim pat la ju pule ïa kane ka Jingthoh Bakhuid? ‘Me la hikai ïa ki khynnah bad ki khunlung ban ai ki jingïaroh bajanai.’ ”

MATHAÏOS 9:15

U Jisu u la jubab, “Hato phi khmih lynti ba kiba shah khot sngewbha sha ka jingkhawai shongkurim kin sngewsih katba u nongleitkurim u dang don lem bad ki? Em kam long kumta! Hynrei ka sngi kan poi haba ïa u nongleitkurim yn shim noh na ki, bad kumta keiñ kin sa shahjingit.

1 KORINTH 7:5

Wat ju kyrngah iwei ïa iwei pat, lait noh tang haba phi la ïamynjur shuwa ban leh kumta shipor khnang ba phi lah ban pynlut ïa ka por jong phi ha ka jingduwai; hynrei nangta ban phai biang sha ka jingïadei para ma phi. Ha kane ka rukom yn ïada ïa phi na ki jingpynshoi jong u Soitan namar ka jingbymlah jong phi ban synshar ïa lade.

JOSHUA 7:13

Ïeng joit! Pynkhuid ïa u paidbah bad pynkhreh ban wan ha khmat jong nga. Bthah ïa ki ban long kiba la kloi lashai ka sngi, namar ma nga, U Trai U Blei ki Israel nga don kane ban ong: ‘Israel, phi don ha ki jingdon jingem jong phi katto katne kiba nga la hukum ïa phi ban pynjot! Phim lah ban ïeng pyrshah ïa ki nongshun jong phi tad haduh ba phin da lait na kine kiei kiei!’

JOSHUA 8:35

U Joshua u pule ïa kawei pa kawei na ki hukum u Moses ha kata ka jingïalang, ha kaba la kynthup ïa ki kynthei bad ki khynnah, lem bad ki nongwei kiba shong basah hapdeng jong ki.

1 SAMUEL 16:5

“Ho-oid” u jubab. “Nga la wan ban ai ka jingkñia ainguh ha U Trai. Pynkhuid ïa lade, bad wan bad nga.” U ong ruh ïa u Jesse bad ki khun shynrang jong u ban pynkhuid ïa lade, bad u khot sngewbha ïa ki sha kata ka jingkñia.