JOEL 2:11 - Khasi CL Bible (BSI)

¹¹ U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

KA BAIBL

¹¹ te U Trai u pynmih ïa la ka ktien ha khmat la u paidïapom; naba u paid jong u, u khraw eh; naba uba khlaiñ uta uba pyndep ïa ka ktien jong u: naba ka sngi U Trai ka long kaba khraw bad kaba itieng eh; te uei ba lah ban shah ïa ka?

JOEL 2:11 ပူးပေါင်းရင်းမြစ်များ

SALM 18:14

U siat ïa la ki khnam bad u pynsakma ïa ki nongshun jong u; da ka jingthaba ka leilieh u pynher krad ïa ki.

SALM 46:6

Ki jaitbynriew ki sngewtriem, ki hima ki khynñiuh; U Blei u byrthen, bad ka pyrthei ka um.

SALM 68:18

U kiew sha kiba kynjang, u da ïalam bad u shibun ki koidi; u pdiang ki jingai sngewbha na ki briew kiba ïeng ïaleh pyrshah. U Trai U Blei un ïoh shong hangta.

ISAÏAH 13:4

Shahshkor ïa ka jingriew halor jong u lumbah — ka jingsawa jong u paidbah byllien, ka jingsawa jong ki jaitbynriew bad ka jingïalumlang jong ki hima. U Trai jong ki nongïapom u la pynkhreh ïa ki shipai jong u na ka bynta ka thma.

ISAÏAH 42:13

U Trai u leit mih ban ïaleh kum u riewkieng atiar; u long uba la kloi bad kwah eh ban ïaleh thma, u kyang-thma, u pyrta ban ïaleh thma; u pyn-i ïa la ka bor pyrshah ïa la ki nongshun.

ISAÏAH 7:18

“Haba kata ka por ka wan, U Trai un siaw kum ka dak ïa ki Ijipt ban wan kum ki skain na ki shnat kiba jngai eh jong ka wah Nile, bad ïa ki Assyria ban wan kum ki ngap na ka ri jong ki.

JEREMAÏAH 25:30

“Ma me, ko Jeremaïah, me dei ban pynbna ïa baroh kaba nga la ong. Me dei ban ïathuh ha kine ki briew, “ ‘U Trai un kyrhuh na bneng, bad un kyrhuh pyrthat na ki bynta bajrong ka bneng; un sa kyrhuh pyrshah ïa la ki briew; un kyang kum u briew uba ïuh ïa ki sohwaiñ. Uwei pa uwei ha ka pyrthei un ïohsngew ïa u, bad ka jingsawa kan sawa shaduh kiba kut ka pyrthei.

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

JEREMAÏAH 50:34

Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

ESEKIEL 22:14

Hato phi pyrkhat ba phin dang don ka jingshlur kaba sah lane phin dang donbor kat ban rah ïa la ka kti ynda nga la pyndep bad phi? Ma nga, U Trai, nga la kren, bad nga bat ïa la ka ktien.

JOEL 1:15

Ka Sngi jong U Trai ka la jan; ka sngi ha kaba U Badonbor Baroh u wallam ka jingpynjot. Kaba haduh katno ka jingshyrkhei kata ka sngi kan wallam!

JOEL 1:6

Ka kynhun ki puit ka la tur ïaleh ïa ka ri jong ngi; ki long kiba khlaiñbor bad bun palat bym lah ñiew shuh; ki bniat jong ki, ki nep kum kito ki jong u sing.

JOEL 2:1

To put ïa ka turoi, to pynsawa ba don jingma ha Seïon, u lum bakyntang jong U Blei. To khynñiuh, ko ki paid Judah! Ka sngi jong U Trai shen kan sa wan.

JOEL 2:2

Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

JOEL 2:25

Ngan ai pat ha phi ïa kaei kaba phi la duh noh ha ki snem mynba ki kynhun jong ki puit ki la bam ïa ki jingthung jong phi. Dei ma nga uba la phah ïa kane ka kynhun pyrshah ïa phi.

JOEL 2:31

Ïa ka sngi yn pyndum, bad u bnai un kylla saw kum ka snam shuwa kata ka sngi bakhraw bad bashyrkhei jong U Trai kan wan.

JOEL 3:14

Da ki hajar hajar ki don ha ka Them jong ka Jingbishar. Dei hangta ba ka Sngi jong U Trai shen kan wan.

JOEL 3:16

U Trai u kyrhuh na u lum Seïon; ka sur jong u ka byrthen na Jerusalem; ka khyndew bad ka suiñbneng ki khynñiuh. Hynrei un ïada ïa la ki briew.

AMOS 1:2

U Amos u ong, “U Trai u kyrhuh na u lum Seïon; Ka sur jong u ka tied kum u pyrthat na Jerusalem. Ki jaka phlang ki tyrkhong, bad u phlang ha Lum Karmel u ïapstai.”

AMOS 5:18

Katno kaba sngewshyrkhei kan long ïa phi kiba angnud ïa ka sngi U Trai! Kaei kaba bha ba kata ka sngi kan long ïa phi? Na ka bynta jong phi kan long tang ka sngi jong ka jingdum, bad ym jong ka jingshai.

AMOS 5:20

Ka sngi U Trai kan wallam ïa ka jingdum, bad ym ïa ka jingshai; kan long ka sngi ka jingdum tliw tliw, khlem kano kano ka jingphyrnai.

OBADAÏAH 1:15

“Ka sngi ka la jan ha kaba ma nga, U Trai, “ngan bishar ïa ki jaitbynriew baroh. Ko Edom, ïa kaei kaba pha la leh yn sa leh ha pha. Phan sa ïoh pat ïa kaei kaba pha la ai.

NAHUM 1:6

Haba u bitar, uei uba lah ban lait im? Uei uba lah ban lait na ka jingbitar shla bashyrkhei jong u? U theh noh ïa ka jingbitar bameh ding jong u; ki mawsiang ki lko pum ha khmat jong u.

MALAKHI 3:2

Hynrei uei uba lah ban ïai ap ïa ka sngi haba un wan? Uei uba lah ban lait im haba un paw? Un long kum ka sabon basboh bha, kum ka ding kaba phrang ïa ka nar.

JINGKHEIÑ 24:23

U Balaam u la kren ïa kane ka jingïathuhlypa: “Kiei kine ki briew kiba ïalumlang shaphang shatei?

1 THESSALONI 4:16

Kan don ka jingpyrta da ka hukum, ka sur jong u angel rangbah, ka jingriew ka turoi jong U Blei, bad U Trai hi da lade un sa wan hiar na bneng. Kito kiba la ïap da kaba ngeit ha U Khrist kin ïamih pat shuwa;

JINGPYNPAW 18:8

Namar kane, ha ka shi sngi yn sa shoh ïa ka da ki khlam — ka jingpang, ka jingsngewsih bad ka 'nemsniew. Bad yn thang ïa ka da ka ding, namar ba U Trai uba U Blei, uba bishar ïa ka, u long uba khlaiñbor.”

JINGPYNPAW 6:17

Ka sngi batriem jong ka jingbitar jong ki ka la poi, bad uei uba lah ban ïeng pyrshah ïa ka?”